English | عربی | Kurdî دواهەواڵ
ڕاستەوخۆ  
 
رۆیته‌رز: كوردی رۆژئاوا رێگه‌ ناده‌ن باره‌ گه‌نمه‌كان بچێته ناوچه‌كانی ژێر كۆنترۆڵی حكومه‌تی سوریا
2019-06-12 [05:50 AM]

ZNA - هه‌ولێر


 

به‌رپرسێكی كورد به‌ رۆیته‌رزی راگه‌یاندوه‌، ده‌سه‌ڵاتدارانی كورد كۆنترۆلی ئه‌و ناوچانه‌ی كردوه‌ كه‌ به‌ سه‌به‌ته‌ی نانی سوریا داده‌نرێت، رێگری له‌و باره‌ گه‌نمانه‌ ده‌كات به‌ ئاراسته‌ی ناوچه‌كانی ژێر كۆنترۆلی حكومه‌تی سوریا بچێت، ئه‌مه‌ش هه‌وڵێكه‌ بۆ ئه‌وه‌ی یه‌ده‌گی خۆی به‌هێز بكات.

سه‌لمان بارودو سه‌رۆكی ده‌سته‌ی ئابوری له‌ به‌ڕێوه‌به‌رایه‌تی خۆسه‌ری كوردی رۆژئاوا رایگه‌یاند، سه‌ره‌ڕای ئه‌ زیانه‌ی به‌هۆی باران و سوتان به‌ كێڵگه‌كانی ده‌غڵودان كه‌وتوه‌، به‌ڵام به‌رهه‌می گه‌نمی ئه‌و ناوچانه‌ له‌ 2019 ده‌گاته‌ 900 هه‌زار تۆن.

بارودو وتیشی، به‌رهه‌می گه‌نمی ساڵی رابردوو 350 هه‌زار تۆن بووه‌، حكومه‌تی سوریا 100 هه‌زار تۆنی كڕیه‌وه‌ كه‌ ده‌كاته‌ سه‌دا 40ی هه‌موو گه‌نمی سوریا.

هێزه‌كانی سوریای دیموكرات هه‌وڵی ئه‌وه‌ ده‌دات فشاری زیاتر بخاته‌ سه‌ر دیمه‌شق، به‌رپرسانی كوردیش وتیان ئه‌م كاره‌یان له‌ پشت ئه‌و بڕیاره‌ نوێیه‌ نه‌بووه‌.

سێ پارێزگای ژێر كۆنترۆڵی هێزه‌كانی دیموكراتی سوریا نزیكه‌ی 70%ی به‌رهه‌می هه‌موو سوریا پێك ده‌هێنێت.

باردو له‌ چاوپێكه‌وتنێكدا له‌ شاری قامشلۆ وتی، ئه‌و بڕیاره‌ی داومانه‌، ئه‌و ده‌غڵودانه‌ی هه‌یه‌ له‌ ناوچه‌كه‌مان بمێنێته‌وه‌، ئێمه‌ بۆ تۆكردن و ئارد كارمان پێی هه‌یه‌.

باسی له‌وه‌ش كرد، ئه‌و بڕیاره‌ بۆ دابینكردنی بژێوی ژیانه‌، هه‌روه‌ها له‌پێناو دابینكردنی پێداویستییه‌كانی كشتوكاڵی هاوڵاتیان دایه‌.

 

رۆیته‌رز

 





ئەم هەواڵە 1087جار خوێندراوەتەوە
 
 
ڤیدیۆ گەلەری
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
ڤیدیۆیی .... بە ئاگر و شمشێر قژی ئافرەتان رێکدەخات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad