English | عربی | Kurdî دواهەواڵ
ڕاستەوخۆ  
 
ئه‌و ئه‌فسه‌ره‌ی له‌ناو ئۆتۆمبێلی حكوومیدا ده‌ستدرێژی كرده‌سه‌ر كچێك ده‌ستگیركرا
2019-06-15 [09:09 AM]

ZNA-هەولێر


به‌ڕێوه‌به‌رایه‌تی كاروباری ناوخۆ و ئاسایشی عێراق له‌ كه‌ركووك رایگه‌یاند: "ئه‌و تۆمه‌تباره‌یان ده‌ستگیركردووه‌ كه‌ كچێكی رفاندووه‌ و له‌ناو ئۆتۆمبێلێكی حكوومیی كه‌ركووكدا ده‌ستدرێژی كردووه‌ته‌ سه‌ری".

به‌ڕێوه‌به‌رایه‌تی كاروباری ناوخۆ و ئاسایشی عێراق له‌ كه‌ركووك له‌ په‌یجی تایبه‌تی خۆی له‌ تۆڕی كۆمه‌ڵایه‌تی فه‌یسبووك، نوسیوویه‌تی: "زانیاریمان پێگه‌یشت كه‌ تۆمه‌تبارێك به‌ناوی (ع.أ.م )، كچێكی به‌ناوی (ش.ج.س) رفاندووه‌ و له‌ناو ئۆتۆمبێلێكی حكوومی جۆری نیسان پاترۆل ده‌ستدرێژی كردووه‌ته‌ سه‌ر".

هه‌روه‌ها ئاماژه‌ به‌وه‌كراوه‌ كه‌ "تیمێكی كار پێكهێنراوه‌ و ئه‌و ئه‌فسه‌ره‌ تۆمه‌تباره‌ ده‌ستگیركراوه‌ و ده‌ست به‌سه‌ر ئه‌و ئۆتۆمبێله‌شدا گیراوه‌ كه‌ كاره‌كه‌ی پێ ئه‌نجامداوه‌، به‌گوێره‌ی مادده‌ی 396 له‌ یاسای سزادانی عێراقی، تۆمه‌تباره‌كه‌ راگیراوه‌".

پێشتر سه‌رچاوه‌یه‌كی ئه‌منی به‌رپرس رایگه‌یاندبوو، ئه‌و ئه‌فسه‌ره‌ی پله‌ی رائیده‌ له‌ به‌ڕێوه‌به‌رایه‌تی به‌ره‌نگاربوونه‌وه‌ی تاوان له‌ كه‌ركووك، پۆسته‌كه‌ی به‌كارهێناوه‌ و ئه‌و كچه‌ی رفاندووه‌ كه‌ له‌ دایكبووی ساڵی 1988 و ده‌ستدرێژی كردووه‌ته‌ سه‌ری".

 





ئەم هەواڵە 5095جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad