2019-06-15 [11:02 AM]

یانەی بەرشەلۆنەی ئیسپانی ھەوڵەکانی دەست پێکردوە بۆ ئەوەی لەماوەی گواستنەوەی ھاوینە گرێبەست لەگەڵ چەند یاریزانێک مۆربکات . 

بەپێی ھەواڵێکی رۆژنامەی سپۆڕتی کەتەلۆنی ، یانەی بەرشەلۆنە ھەوڵەکانی دەست پێکردووە بۆ گرێبەست کردن لەگەڵ یاریزانی یانەی بروسیا دۆرتمۆند رافائێل جیریرۆ. 

لەھەواڵەکە ھاتووە ، جیریرۆ لەگەڵ یانەی دۆرتمۆند ئاستێکی باش پێشکەش دەکات و یانەی بەرشەلۆنەش ئامادەیی خۆی نیشانداوە لەبەرامبەر ٢٥ ملیۆن یۆرۆ ئەو یاریزانە بگوازێتەوە ریزەکانی . 

لەھەواڵەکە ئاماژە بەوەکراوە ، بۆندی جیریرۆ لەگەڵ یانەی دۆرتمۆند تەنھا یەک وەرزی ماوە و یاریزانەکەش ئامادە نەبووە بۆندەکەی نوێ بکاتەوە لەبەر ئەمە گواستنەوەی بۆ یانەی بەرشەلۆنە ئاسان دەبێت. 

یاسین ئەحمەد