English | عربی | Kurdî دواهەواڵ
ڕاستەوخۆ  
 
ژ تاوكێ بۆ ناڤا هاوكێشه‌یێن جیهانێ
2019-06-15 [04:58 AM]

نڤیسینا : كارزان فه‌قى


سامانانێن سروشتى ئه‌و كه‌رتێ ب بڕبڕا ئابۆرێ هه‌رێما كوردستانێ دهێته‌ دانان، ژ وان كه‌رتان بوویه‌ كو زۆرترین فۆكسا حكومه‌تێ ل سه‌ر بوویه‌، چوونكى پتر ژ 90 ژ یا داهاتێ هه‌رێما كوردستانێ ب وێ رێك دهێته‌ دابینكرن، بۆ بهێزكرنا ژێرخانا وێ كه‌رتێ ژى ئێكه‌م بیرا په‌ترۆلێ ب ئاماده‌بوونا نێچیرڤان بارزانى سه‌رۆكێ حكومه‌تا هه‌رێما كوردستانێ ل وى ده‌مى ل 30ى نۆڤه‌مبه‌را سالا 2005 ل گوندێ كیرۆكیێ یا ده‌ڤه‌را تاوكێ ل سنورێ ده‌ڤه‌ردارییا زاخۆ هاته‌ هه‌لكه‌ندن، نها ئه‌و بیراپه‌ترۆلێ ئێك ژ وان بێرێن پر داهاتترینه‌ بۆ هه‌رێما كوردستانێ، ئه‌وا ل تاوكێ رووداى به‌ریا چارده‌ سالان، تنێ ده‌ستپێكه‌ك بوو و رۆژ بۆ رۆژێ حكومه‌تا هه‌رێما كوردستانێ د وى سێكته‌رى دا پێشخستن دروست كر و مه‌زن كۆمپانیێن‌ بیاڤێ سامانێن سرۆشتى ل جیهانێ ئینانه‌ هه‌رێما كوردستانێ، كو نه‌ بتنێ د بیاڤێ ئابوورى دا، به‌لكو هاتنا وان كۆمپانیان و كاركرنا وان ل هه‌رێمێ بوو ئه‌گه‌رێ بهێزكرنا په‌یوه‌ندیێن سیاسى ل گه‌ل وه‌لاتێن وان و پاراستنا ئارامیا هه‌رێما كوردستانێ، ل وى ده‌مى و هه‌تا نها حكومه‌تا هه‌رێما كوردستانێ 174 گرێبه‌ست ل گه‌ل هژماره‌كا زۆر یا كۆمپانیێن جیهانى یێن ده‌رئینان و فرۆتنا په‌ترۆلێ ئیمزا كریه‌، ئه‌و گرێبه‌ست ل دۆر  پتر ژ چل و ئێك كێلگه‌هێن په‌ترۆلێ هاتینه‌ ئیمزاكرن، ئه‌ڤ گرێبه‌سته‌ ل ژێر رۆشنایا یاسا نه‌فت و غازا هه‌رێمێ یه‌ كو ل سالا 2007 ل په‌رله‌مانێ كوردستانێ هاتینه‌ ئیمزاكرن.
نێچیرڤان بارزانى سه‌رۆكێ حكومه‌تا هه‌رێمێ ل وى ده‌مى د وێ رێوره‌سما هه‌لكه‌ندنا ئێكه‌م بیرا په‌ترۆلا هه‌رێما كوردستانێ ل تاوكێ ل ده‌ڤه‌را زاخۆ دا راگه‌هاند: ده‌ستپێكرنا وى پرۆژه‌ى د دیرۆكێ گه‌لێ مه‌دا روودانه‌كا گرنگ و دیرۆكى یه‌، ئه‌ڤه‌ ئێكه‌م بیرا په‌ترۆلێ یه‌ پشتى روخاندنا رژێما بۆرى ل ئیراقێ دهێته‌ كۆلان، ژبلى ڤێ یه‌كێ ژى، ئه‌ڤه‌ بۆ ده‌هان ساله‌ هیچ بیره‌كا په‌ترۆلێ ل هه‌رێما كوردستانێ نه‌هاتیه‌ كۆلان.
تا به‌ریا دوو سالان ژى هه‌رێما كوردستانێ ب تنێ د بیاڤێ په‌ترۆلێ دا ل بازارێن سامانێن سرۆشتى یێن جیهانێ ناڤێ وێ دهات، لێ پێنگاڤێن نیچیرڤان بارزانى د حكومه‌تێ دا به‌ریا دوو سالان ئێك ژ مه‌زنترێن رێكه‌فتنێن وى بیاڤى ل گه‌ل كۆمپانیا رۆزنه‌فت یا رۆسى ئیمزا كر، هه‌رچه‌نده‌ به‌غدا ژ دى هه‌موو وان رێكه‌فتنان بوویه‌ كو ژ ئالیێن حكومه‌تا هه‌رێمێ هاتینه‌ ئیمزاكرن، دبلۆماسیت و ئارامیا كوردستانێ ب به‌راورد ل گه‌ل ئیراقێ، هه‌مى ده‌ما سه‌ره‌ده‌ریه‌كا جوداتر ل گه‌ل هه‌رێمێ دهاته‌ كرن و  پتریا گازنده‌ و سكالایێن به‌غدایێ دهاته‌ پشتگوهـ هاڤێتن، د ئه‌نجام دا دێ ل سالێ بهێت بینین كو هه‌رێما كوردستانێ دێ بازاره‌كێ مه‌زن یێن جیهانێ د بیاڤێ غازا سرۆشتى دا پركه‌ت، چونكى نها هه‌رێم 11 ملیار مه‌تر سێجایا غازا سرۆشتى هه‌یه‌ و دبیته‌ نزیكى 5% یا غازا سرۆشتى یا جیهانێ





ئەم هەواڵە 3274جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad