English | عربی | Kurdî دواهەواڵ
ڕاستەوخۆ  
 
مەسرور بارزانی : ھەولدەدەین لە ماوەی یاسای خۆی پێکھاتەی حکومەت پێشکەشی پەرلەمان بکەین
2019-06-16 [07:44 AM]

ZNA- ھەولێر


راسپێردراو بە پێکهێنانی کابینەی نوێی حکوومەتی هەرێمی کوردستان رایدەگەیەنێت، رێککەوتن لەسەر پشکی حزبەکان لە کابینەی نوێی حکوومەت، کراوە.

ئەمڕۆ یەکشەممە 16-6-2019، مەسرور بارزانی، راسپێردراو بە پێکهێنانی کابینەی نۆیەمی حکوومەتی هەرێمی کوردستان، لەگەڵ مەکتەبی سیاسیی پارتی دیموکراتی کوردستان کۆ بووەوە.

دوای کۆبوونەوەکە، مەسرور بارزانی بە رۆژنامەنووسانی راگەیاند، لەگەڵ لایەنە سیاسییەکان رێککەوتن لەسەر پشکی هەر لایەنێک لە کابینەی نوێی حکوومەت کراوە و ئێستا داوای سیڤیی کاندیدی وەزارەتەکان لە لایەنەکان دەکات.

راسپێردراو بە پێکهێنانی کابینەی نوێی حکوومەت هەروەها رایگەیاند، ”لەم یەک دوو رۆژە“ سەردانی سلێمانی دەکات و لەگەڵ لایەنەکانی دیکە بۆ هەمان مەبەست کۆ دەبێتەوە.

مەسرور بارزانی هیوای خواست پێش تەواوبوونی وادەی یاسایی، کە 30 رۆژە لە کاتی راسپاردنییەوە، کابینەی نوێی حکوومەت پێک بێت و لیستی ناوی وەزیرەکان پێشکەشی پەرلەمانی کوردستان بکات.

رۆژی سێشەممە 11-6-2019، پەرلەمانی کوردستان بە زۆرینەی دەنگ، مەسرور بارزانی بۆ پێکهێنانی کابینەی نۆیەمی حکوومەتی هەرێمی کوردستان ناوزەد کرد و دواتریش ڤاڵا فەرید، سەرۆکی پەرلەمانی کوردستان رایگەیاند، نووسراوی ناوزەدکردنەکەیان بۆ سەرۆکایەتیی هەرێمی کوردستان نارد.





ئەم هەواڵە 3145جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad