English | عربی | Kurdî دواهەواڵ
ڕاستەوخۆ  
 
نێچێرڤان بارزانی دگوتارا وی دا
2019-06-16 [04:50 AM]

نڤیسینا : بارین نهێلی


نێچیرڤان بارزانی، سەروکێ بەرێ یێ حکومەتا هەرێما کوردستانێ و سەروکێ نوی یێ هەرێمێ ب شێوەیەکێ فەرمی و یاسایی سویندا سەروک بوونێ خاند و ب دەنگێ زورینا پەرلەمانی ئەڤ پوستێ سیادی یێ هەرێمی بۆ چار ساڵێت ئاییندە ژ لایێ ویڤە دێ هێتە بڕێڤەبرن. د پەیاما خودا سوپاسیا هەمی وان کەسان کر یێن دەنگ دایێ و ب دەنگێ وان ئەڤ پوستە وەرگرتی و سوپاسیا وانژی کر یێن کو دەنگ نەدایێ، ئەڤ چەندەش وێ دگەهینیت کو ناڤبری خو ب سەروکێ هەمی ئالی و کەسان دزانیت چ ئەوێن باوەڕی و متمانە ب هەبوونا وی هەی وەک سەروک، وە چ ئەوێن متمانا خو نەدایێ. ڤێ چەندێش گرنگیا خو یا هەی و بەرچاڤ ڕونیەکێ ددەت کو دێ هەمی ئالی و لایەنا ل ژێر ئێک کەپردا کومڤە کەت و دەنگ و بوچوون و نێرینێن جودا دبازنەکا نیشتیمانیدا خڕڤەکەت و سەروکاتی و ڕێڤەبەریا وێ بازنا سیاسی لسەر بنەمایەکێ موکم و جهێ ڕازیبوونا هەمی ئالیان کەت. پەیام و دیپلوماسیەتا نەرما ڕێزدار نێچیرڤان بارزانی ئەو باوەری ل دەڤ هەمیا یا چێکری کو چار سالێت ئاییندە دێ دجیاواز بن و کوردستانەکا ب هێز و بێی بەرئێک کەفتنا سیاسی چاڤەڕێی خەلکێ کوردستانێ دکەت. کا چەوا ل سەردەمێ کابینێت بەرێ یێن حکومەتێ نێچیرڤان بارزانی باوەری ب بنەمایێ کارێ هەڤبەش و ملدانە بەر پەرپرسیارەتیا هەمە لایەنە هەبوو و ل سەر وی بنەمایی کوردستان و ئەزموونا وێ پاراست و زاڵ بوون لسەر هەمی وان تەحەدی و ئاستەنگێن بەرسینگا کوردستانێ گرتی و  چ نەمابوو ڕەنجا چەندین ساڵا ببیتە قوربانی حەز و پلانێن هندەک نەخوشێن سیاسی، وەساژی پێشبینی دهێتە کرن کو ڤێ جارێ ب  هێزەکا مەزنتر ژ یا بەرێ کوردستان و ئەزموونا وێ ل سەر دەستێ کاک نێچیرڤان و تیما هەڤکار دگەل ویدا ل سەروکاتیا هەرێمێ بەرەڤ ئاییندەیەکێ باشتر و گەشتر پێنگاڤا باڤێن و ئەو کوردستانا بهێز ئەوا دبانگەشا هلبژارتناندا پەیاما ڕوونا پارتا وی بوون ببیتە ڕاستی و دوێ کوردستانێدا هەمی کەس و لایەن ڤێ دامەزراوا گرنگ ئەوا ڕێزدار نێچیرڤان بارزانی دێ سەروکاتیا وێ کەت ب یا خو بزانن و هیڤی و دەرگەهەک بیت بۆ قەست کرنا هەمی کەس و ئالی و ئول و ملەت و کەمایەتیا و ب ڕێکا وێ بگەهنە زورترین مافێن خو و خودیکا ناڤخویا کوردستانێ بیت و ڕویەکێ جانێ وەڵاتی نیشا جیهانا دەرڤە بدەت و ببێژینە دەردوورێت خو ئەگەر دەلیڤێ بدەنە مە دێ شێین جوانتر ژوە دەولەتداریێ بکەین و نموونەکا جوانا دیموکراسی و شارستانیەتێ.





ئەم هەواڵە 3196جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad