English | عربی | Kurdî دواهەواڵ
ڕاستەوخۆ  
 
چاره‌سه‌رێ هه‌ڤركیێن سیاسى ل هه‌رێما كوردستانێ
2019-06-16 [05:23 AM]

نڤیسینا : ئاشتى فه‌تحى بێسفكى


ناكوكى ئه‌و بارودوخه‌ یێ نه‌ ئارام یان فشارا ده‌روونى ئه‌وا دروست دبیت ژ ئه‌گه‌رێ نه‌ رێك كه‌فتنێ دناڤبه‌را دوو لایه‌نان یان ژى زێده‌تر ژبه‌ر پێدڤیێن تاكه‌ كه‌سى و گروپ و پارتان ، ناكوكى دهێـته‌ هژمارتن ئێك ژ ئه‌وان دیارده‌یان یێن كو ل ده‌مێن كه‌ڤنار دا ل ده‌ڤ تاكه‌ كه‌سان هه‌بوویه‌ و یا به‌رده‌وامه‌ لسه‌ر ده‌ستهه‌لاتێ یان ژى هه‌ر كاره‌كێ ئارمانجان وان دناڤ دا هه‌بیت ، ناكوكیا سیاسى هه‌ڤركیه‌كا تایبه‌ته‌ دناڤبه‌را مروڤان دا بو ب ده‌ستڤه‌ئینانا ده‌ستهه‌لاتێ یان وه‌رگرتنا هنده‌ك پاداشتان ، ئه‌و لایه‌نێن ئه‌ڤێ هه‌ڤركیێ دكه‌ن خواندنه‌كا دوور بو دكه‌ن ، ئه‌گه‌ر بو وان دیار بوو كو ل پاشه‌روژێ دێ رویدان هێنه‌ پێش نه‌چار دبیت به‌ره‌ڤ وه‌رگرتنا هه‌لویستان دچیت ب پێچه‌وانه‌ى لایه‌نێ به‌رامبه‌ر ، قه‌بارێ ئه‌ڤێ هه‌ڤركیێ یێ گرێدایه‌ ب قه‌بارێ ئه‌وێ ئارمانجێ ڤه‌ ، ئارمانج چه‌ند مه‌زنتربیت هه‌ڤركى دێ رژد و دژوارتر بیت ، هنده‌ك سیسته‌مێن سیاسى شیان هه‌نه‌ خو لبه‌ر ئه‌ڤان هه‌ڤركیان بگرن و هنده‌ك سیسته‌م نه‌شێن خو لبه‌ر بگرن له‌ورا به‌ره‌ڤ لاواز بون و نه‌مانێ ڤه‌ دچن ، پێكڤه‌ گرێدانه‌كا موكم دناڤبه‌را هه‌ڤركیێن ئابوورى و سیاسى و ره‌وشه‌نبیرى هه‌یه‌ له‌ورا جڤاك هه‌مى ب ئه‌ڤان هه‌ڤركیا ڤه‌ یێ گرێدایه‌ ، پشتى كو هه‌لبژارتنێن په‌رله‌مانێ هه‌رێما كوردستانێ هاتینه‌ ئه‌نجام دان ل 30 ئه‌یلولا سالا 2018 و پاش راگه‌هاندنا ئه‌نجامان ، هنده‌ك لایه‌نێن سیاسى پێكولا ئه‌وێ چه‌ندێ دابون كو زێده‌تر ژ پێگه‌ه و ده‌نگێن خو پله‌ و پوسته‌یێن زێده‌تر ب ده‌ست ڤه‌ بینن ، سه‌ره‌راى هندێ كو ئه‌و پارت خوه‌ ب دیموكراسى ژى بناڤ ددانن !
لڤێرێ هه‌ڤركیا سیاسى دناڤبه‌را دوو پارتێن سه‌ره‌كى یێن هه‌رێما كوردستانێ روویدا كو پارتى دیموكراتى كوردستان و ئێكه‌تیا نیشتیمانى یا كوردستانى نه‌ ، سه‌ره‌راى چه‌ندین دان و ستاندێن ئاشتیانه‌ و دبلوماسى یێن به‌رده‌وامێن پارتى دیموكراتى كوردستان و ئیمزاكرنا رێكه‌فتنامێن دوو قولى دناڤبه‌را پارتێن سیاسى دا ژ پێخه‌مه‌ت زوى ب ده‌ست ب كاركرنا كابینه‌ی نوى یا حكومه‌تا هه‌رێما كوردستانێ ، لێ ده‌ما پارته‌ك یان لایه‌نه‌ك هه‌ست ب كێم بونا پێگه‌هێ خو دكه‌ت ئێدى ده‌ست ب وه‌رگرتنا هنده‌ك ره‌فتارێن نه‌ ره‌وا دكه‌ت و هه‌ڤركیا سیاسى لسه‌ر ده‌ستڤه‌ئینانا هنده‌ك ئارمانجێن پارتایه‌تى یێن دوور ژ نه‌ته‌وه‌ى و نیشتیمانى دكه‌ت ، ئێكه‌تیا نیشتیمانى یا كوردستانى كار ژ بو گیروكرنا پروسه‌یا سیاسى یا نوى ل هه‌رێما كوردستانێ كر ، سه‌ره‌راى پێشێلكرنا وان رێكه‌فتنامێن دناڤبه‌را پارتى دیموكراتى كوردستان و ئێكه‌تیا نیشتیمانى یا كوردستانى ، پشتى كومبونا په‌رله‌مانێ كوردستانێ ل رێكه‌فتى 28 گولانا سالا  2019 لدور هه‌لبژارتنا سه‌روكێ نوى یێ هه‌رێما كوردستانێ ، سه‌ره‌راى هندێ كو هنده‌ك لایه‌نێن سیاسى هه‌ڤركیێن سیاسى ب په‌كخستنا هه‌لبژارتنا سه‌روكێ نوى یێ هه‌رێما كوردستانێ  ڤه‌ گرێدان ، زێده‌بارى لاوازیا رولێ وان ، په‌رله‌مانێ هه‌رێما كوردستانێ شیان ب زوریه‌نه‌یا ده‌نگان دووه‌مین سه‌روكێ هه‌رێما كوردستانێ (نێچیرڤان بارزانى) ب هه‌لبژێرن ، ل رێكه‌فتى 11 خزیرانا سالا 2019 ل رێوره‌سمێن سویند خارنا سه‌روكێ نوى یێ هه‌رێما كوردستانێ (نێچیرڤان بارزانى) كو ئه‌ڤ رێوره‌سمه‌ ژ كومبونه‌كا هه‌ره‌ مه‌زنا دبلوماسى یا ده‌ڤه‌را روژهه‌لاتا ناڤه‌راست دهێته‌ هژمارتن كو ب ئاماده‌بوونا ژماره‌كا ئێكجارا مه‌زن ژ نوینه‌رێن وه‌لات و پارت و لایه‌نێن سیاسى یێن هه‌مه‌جور هاته‌ برێڤه‌برن ، د گوتارا سه‌روكێ نوى هه‌رێما كوردستانێ دا ئاماژه‌ ب خاله‌كا گه‌له‌ك گرنگ دا ئه‌و ژى دا دیاركرن كو هه‌ڤركیێن سیاسى دێ هه‌ر هه‌بن و تشته‌كێ ئاسایى یه‌ لێ بلا هزركرنا مه‌ ناكوك نه‌بیت ، دیسان ئاماژه‌ دا كو ل شوینا ئه‌م كار لسه‌ر بنپێكرنا پێگه‌هێن ئێك دوو بكه‌ین بلا كار لسه‌ر بنیاته‌كێ نوى بكه‌ین بو ڤه‌دیتنا چاره‌سه‌ریێن هه‌ڤپشك بو ئاینده‌كێ گه‌ش ژ بو هه‌رێما كوردستانێ ، لڤێرێ بومه‌ دیار دبیت كو كارێ داهاتیێ سه‌روكێ هه‌رێما كوردستانێ دێ گرنگیه‌كا مه‌زن ب كێمكرنا هه‌ڤركیێن سیاسى لسه‌ر ئاستێ هه‌رێما كوردستانێ كه‌تن ، و بزاڤا ئێك رێز كرنه‌كا سه‌رتاسه‌رى كه‌ت لسه‌ر ئاستێ پارتێن سیاسى یێن هه‌رێما كوردستانێ ژ پێخه‌مه‌ت ده‌ستڤه‌ئینانا هیڤیێن مه‌زن یێن نیشیتیمانى و دویر ژ به‌رژه‌وه‌ندیێن به‌رته‌نگێن پارتایه‌تى .





ئەم هەواڵە 3361جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad