English | عربی | Kurdî دواهەواڵ
ڕاستەوخۆ  
 
كوردێكی هەولێر بە باڵیۆزی ئەمەریكا لەبوڵگاریا هەڵبژێردرا
هێرۆ قادر باڵیۆزی ئەمەریكا لە بولگاریا
2019-06-19 [06:12 AM]

​ZNA – هەولێر


یەكەمین جارە لەمێژووی ویلایەتە یەكگرتووەكانی ئەمەریكا كوردێك دەكرێتە باڵیۆزی ئەمەریكا لەدەرەوە، ئەمەش دوای بڕینی چەندین قۆناغی كاركردن لەگەڵ حكومەتی ئەمەریكا ، دواجار بووە باڵیۆزی ئەمەریكا لە بولگاریا.

هێرۆ قادر محەمەد ئەمین موستەفا وەک باڵیۆزی ئەمەریکا لە کۆماری بولگاریا لە لایەن دۆناڵد ترەمپی سەرۆکی ئەمەریکاوە دەستنیشان کرا، هێرۆ خەڵکی شاری هەولێرە و چەندین بەرپرسیارەتی لە حکوومەتی ئەمەریکا هەبووە.

 

هێرۆ لە ساڵی 2016، لە باڵیۆزخانەی ئەمەریکا لە وڵاتی پورتوگال کاری کردووە و راوێژکاری سیاسی بووە لە باڵیۆخانەی نیودەلهی لە هیندستان، هەروەها لە ساڵانی 2009 بۆ 2011، راوێژکاری جۆ بایدن بۆ کاروباری رۆژهەڵاتی ناوەڕاست و ناوەندی و باشووری ئاسیا بووە.
هێرۆ یەکێک بووە لەوانەی، لە نزیکەوە چاودێری دانووستانەکانی گروپی 5+1ی لەگەڵ ئێران کردووە، لە ئەنجوومەنی ئاسایشی نیشتیمانی ئەمەریکا، بەڕێوەبەری کارەکانی ئێران، ئیسرائیل – فەڵەستین و ئوردن بووە.

لە ساڵی 2005 بە ئەرکێکی سیاسی لە شاری مووسڵ کاری کردووە و چەند بەرپرسیارەتی سیاسی لە لوبنان و یۆنان و ئەفغانستانیش هەبووە.

هێرۆ، لە ویلایەتی نۆرس داکۆتا ژیانی بەسەر بردووە و جیا لە ئینگلیزی، زمانەکانی کوردی، عەرەبی، فارسی، یۆنانی، هیندی و پورتوگالی دەزانێت و لە زانکۆی پرینستۆن ماستەری لە خزمەتگوازاری سیاسەتی دەرەوە بەدەستهێناوە.

 





ئەم هەواڵە 4186جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad