English | عربی | Kurdî دواهەواڵ
ڕاستەوخۆ  
 
هه‌رێم: پێویسته‌ رێكخراوه‌ نێوده‌وڵه‌تییه‌كان بۆ لێكۆڵینه‌وه‌ له‌ سوتانی ده‌غڵودان تیمه‌كانیان بنێرن
2019-06-19 [11:19 AM]

ZNA - هه‌ولێر


 

رێکخەری راسپاردە نێودەوڵەتییەکان لە حکومەتی هەرێم، رایگه‌یاند، بۆ بەدواداچوونی کێشەی سوتاندنی دەغڵودانی جوتیاران لە ناوچە کوردستانییەکانی دەرەوەی هەرێم پێویستە رێکخراوە نێودەوڵەتییەکان تیمەکانیان بۆ بەدواداچوون و لێکۆڵینەوەى ئەم رووداوانە  بنێرن.

دیندار زێباری، رێکخەری راسپاردە نێودەوڵەتییەکان لە حکومەتی هەرێم رایگەیاند، "سوتاندنی دەغڵودانی جوتیارانی ناوچە کوردستانییەکانی دەرەوەی هەرێم نیگەرانییەکی زۆری بۆ خەڵک و جوتیارانی ناوچەکە دروست کردووە. ئەو کەسانەی ئەم گێرەشێویانەیان لە گوندەکانی ده‌وروبه‌ری کەرکوک، خانه‌قین، کفری و خورماتوو كردوه‌، کەسانی نادیارن و ئامانجی سەرەکیان تێکدانی ئەو ئاشتی و پێکەوە ژیانەیە کە لەو ناوچانە بوونی هەیە".

زێباری راشیگەیاند ئەو گوندانەی زیاتر لەلایەن ئەم هێرشبەرانەوە کراونەتە ئامانج گوندەکانی هەفتەغار لە باشووری داقوق کە پێکهاتووە له (کلی تەپە، جلناوە، ئاوایی فەریقە، ئاوایی علی، ئاوایی دارا، ئاوایی منسور) کە لە هۆزی داودین. دێکانی سنووری قەزای خورماتوو - صلاح الدین (پارە پارە، تەپە سەوز، شاسیوانە، سنگور، شورا و حەمەغریب) کوردن و لە هۆزی داودین. گوندەکانی حلیوە صغیرە، حلیوە کبیرە، خشافنە و تعلیب ئەمانە هۆزی حەمدانین کە عەرەبی سوننەن لە سنوری فڕۆکەخانەی خورماتوو. دێی بنگجە کە گەورەترین دێی خورماتووە و تورکمانی سونەن دانیشتوانەکەی لە باشوری رۆژئاوای خورماتوون. دێیەکانی بەیات لە سنووری باشووری خورماتوو لە هۆزی بەیاتن و عەرەبی سونەن.  دێیەکانی سنوری قەزای دوبز (دبس) لە رۆژئاوای کەرکوک، وەکو پەلکانە.

رێکخەری راسپاردە نێودەوڵەتییەکان لە حکومەتی هەرێم گوتیشی "هۆکاری سوتانی دەغڵ و دانی جوتیاران لە شنگال بوونی شانەی نوستووی داعشە لە شارەکەدا کە لەگەڵ گەڕانەوەی هەندێك لە خەڵکەکە بۆ ناوچەکانی خۆیان گەڕاونەتەوە ئەو ناوچانە و ئامانج لەم کارە بێزارکردنی خوشک و برایانی ئێزیدی ناوچەکەیە، تێکدانی ئاشتی و پێکەوەژیانە لەو ناوچانە، ئەم کارە  کێشە و گرفتی لە نێون خەڵکی ناوچەکە دروست کردووە و پەیوەندیان لەگەڵ یەکدی وەک رابردوو نەماوە".

لە کۆتایی قسەکانیدا د. دیندار زێباری رایگەیاند "ئەوەی لە ئێستادا پێویستە و زەروریەتی هەیە ئەوەیە کە  رێکخراوە نێودەوڵەتییەکان تیمەکانیان بنێرن بۆ بەدواداچوون و لێکۆڵینەوە لە بابەت و هۆکاری سوتاندنی دەغڵ و دانی جوتیاران هەروەها فشار دروست بکەن لە بارەی قەرەبوو کردنەوە و ناردنی تیمی هاوبەش بەدواداچوونی ئەم رووداوانە و بە جددی کار لەسەر چارەسەر کردنی ئەم کێشانە بکەن. لەلایەکی دیکەشەوە زۆر گرینگە حکومەتی اتحادى بێتە سەر خەت بۆ رێگری کردن لەم رووداوانە و کۆتایی هێنان بەو کێشانە بۆ ئەوەی گرژی و ئاڵۆزییەکان زیاتر لەوەی کە هەیە تەشەنە نەسێنێت".

له ‌ماوه‌ی رابردوودا له ‌سنووری ناوچە کوردستانییەکانی دەرەوەی هەرێم لە گونده‌كانی ده‌وروبه‌ری کەرکوک، خانه‌قین، کفری، خورماتوو و شنگال چه‌ند ده‌ستێكی نادیار، به ‌به‌رده‌وامی هه‌وڵی شێواندن و زیان پێگه‌یاندنی هاووڵاتیان و جوتیارانی ناوچه‌كه‌ دەدەن. وه‌ك دیاره‌ هه‌ر به‌وه‌شه‌وه‌ نه‌وه‌ستاون و له‌كاتی دروێنه‌كردنی ره‌نجی یه‌ك ساڵه‌ی جوتیارانی سنووره‌كه‌، هه‌ستاون به‌ سوتاندنی ده‌غڵ و دانی هاووڵاتیان و ئاگر تێبه‌ردان و بۆمبڕێژكردنی زه‌وی و زاری گونده‌كان کە ژمارەیەک کوژراو  و برینداری لێکەوتووەتەوە.

 

 





ئەم هەواڵە 2731جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad