English | عربی | Kurdî دواهەواڵ
ڕاستەوخۆ  
 
(خاندەک بو گوتارا نێچیرڤان بارزانی )
2019-06-20 [01:01 AM]

نڤیسینا : رمضان نصرالدین کێڤلى


گوتارا سیاسى دەربڕینەکا ئاشکەرا یا بەرنامە و سیاسەت و ستراتیژیەتا وى سەرکردەى یە ئەوێ گوتارێ پێشکێش  دکەت ئەڤجا چ ئەڤ گوتارە ب نڤێسین بیت یانژى ب گوتن و ئاشکەرا بیت، پشتى سویند خارنا (بەرێز نێچیرڤان بارزانى/ سەروکێ هەرێمێ) زوربەى چاڤدێرێن سیاسى و وەلاتێن دراوسێ و سیاسەتمەدارێن د                  رێ و رەسمان دا ئامادەبوین چاڤەرێى گوتارا سەروکێ هەرێمێ بوینە چونکە ئەڤ گوتارە دبیتە هێلێن ستراتیژى بو سیایەتا هەرێما کوردستانێ چ ل نافخویا کوردستانێ یان ژ دەرڤەى هەرێما کوردستانێ، هەر وەلاتەکى و هەر سیاسیەکى د گوشەیەکا دەست نیشان کرى دا گوهداریا ئەڤێ گوتارێ دکر.
ئەڤ گوتارە هەلگرا چەندین پەیامێن روهن و ئاشکەرا بویە و ب دیتنا من بهێزترین گوتارا دبلوماسى بویە کو ئایندێ پەیوەندیێن هەرێمێ یێن نافخویى و ژدەرڤەى عێراقێ سەنتەر کرن و گرێدانا وێ ب بەرژەوەندێن پێگهور یێن جیهانا ژدەرڤە  ئامەژک بویە کو هەرێم نابیتە بەشەک ژ گەف و مەترسیان ل سەر بەرژەوەندێن چ وەلاتێن دراوسێ نەخاسمە د قوناغەکا وەک یا نوکە روژهەلاتا ناڤەراست تێدا دەرباز دبیت، راگرتنا بەلانسا پەیوەندیێن هەرێمێ ل سەر بنەمایێ بەرژەوەندێن هەڤپشک ئێکە ژ خالێن پاراستنا بەرژەوەندێن هەرێمێ ل دەڤەرێ.
خالا گرێداى چارەسکرنا ئاریشێن نافخو دگەل عێراقێ و دوپاتى کرن ل جێبەجێ کرنا دەستورێ عێراقێ نیازپاکیا هەرێما کوردستانێ هەمبەرى گەلەک پرسان دیار دکەت، هەروەسا ئاماژەیێن گرنگن بو دوپاتى کرن ل بابەتێ ئاشتیا نافخو و نەهێلانا ئەوان ناکوکیان یێن بوینە ئەگەرێ رویدانێن زور مەترسیدار ل دەڤەرێ لەورا هەر زوى نەتەوەیێن ئیکگرتى پیروزباهى ل سەروکێ هەرێمێ کرن و ئەڤ قوناغە ب گرنگ دا زانین کو پرسێن هەلاویستى دناڤبەرا بەغدا و هەولێرێ دا بهێنە چارەسەرکرن.
پەیاما نافمالا کوردى و نەهێلانا دوژمنکاریا سیاسى د ناڤبەرا لایەنێن سیاسى دا ئێک ژ پەیامێن گرنگ بویە بو ئایندەیێ نافخویا هەرێما کوردستانێ ب تایبەت بو رایا گشتى چونکە ل دەمێ بوورى دا زور هەول هاتینە دان کو ل جهێ ناکوکیێن سیاسى دوژمنکاریا سیاسى دروست بیت و ئەڤ چەندە ژى دگەل بەرژەوەندێن هەرێمێ ناهیتە گونجاندن، ب مخابنى ڤە ئەڤ ناکوکیە بوینە هوکارێ لاوازیا نافمالا کوردى ب تایبەت نەبونا ئێک گوتارا سیاسى یا فەرمى بەرامبەر زور پرسێن دەڤەرێ و جیهانى.
بابەتێن پێکڤە ژیان و لێبورینێ دناڤبەرا هەمى پێکهاتێن هەرێمێ دا بەشەکێ گرنگ بویە ژ گوتارا سەروکێ هەرێمێ و ئەڤێ چەندێ دوو پەیمانێن گرنگ هەبوینە، یا  ئێکێ بابەتێ هاولاتیبونێ یە کو وەکو پرەنسیپەکێ سەرەکى بو مانا هەرێما کوردستانێ ب هێزا خویا نوکە و بەرەف هێزەکا مەزنتر بهێتە ب کارئینان، یا دووێ دڵنیا بونە بو گشت پێکهاتێن هەرێمێ کو هیچ جیاوازیەک دناڤبەرا چ لایەن و پێکهاتان دا نینە و نابیت چ فاکتەر هەبن ببنە هوکارێ جیاوازیێ چونکە کوردستان ب کەلتورێ پێکڤەژیانێ زەنگین بویە و ئێک ژ خالێن ئەرێنى یێن بەردەوام بوونا سەقامگێریا سیاسى و نەتەوەیى یە.
د دوماهیکا ئەڤێ گوتارێ دا ئەگەر لایەنێن سیاسى هەڤکار بن بو جێبەجێ کرنا هێلێن ستراتیژى ئەوێن د گوتارا بەرێز نێچرڤان بارزانى دا ئاماژە پێ هاتینە کرن ئایندێ کوردستانێ دێ دەربازى قوناغەکا گرنگ بیت د چارچوڤێ هەرێمایەتى و نیڤ دەولەتى دا چونکە رول و پێگەهێ هەرێمێ دێ هێتە گهورین و بەرەف ئاراستەکێ باشتر ڤە چیت.





ئەم هەواڵە 775جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad