English | عربی | Kurdî دواهەواڵ
ڕاستەوخۆ  
 
سەرۆك بارزانی لەگەڵ پارتی دیموكراتی كوردستان – سووریا كۆبووه‌وە
2019-06-20 [05:00 AM]

ZNA - هه‌ولێر


 

ئه‌مڕۆ پێنجشەممە لە سەلاحەددین سەرۆك مەسعود بارزانی لەگەڵ سكرتێر و ئەندامانی سەركردایەتیی پارتی دیموكراتی كوردستان – سووریا كۆبۆوە.

لە كۆبوونەوەكەدا سكرتێری پارتی دیموكراتی كوردستان – سووریا كورتەیەكی لە بارودۆخی سیاسیی سووریا و ڕەوشی هاووڵاتیانی كورد لەو وڵاتە و دوایین گۆڕانكارییەكان خستەڕوو و سیاسەت و بەشێك لە كار و چالاكییە سیاسییەكانی حزبەكەیانی بۆ سەرۆك بارزانی شی كردەوە. هەروەها سوپاسی سەرۆك بارزانیشی كرد كە هەر لە سەرەتای دەستپێكردنی قەیرانی سووریا و هاتنی داعش و كێشەكانی ترەوە، سەرۆك بارزانی هەردەم پاڵپشتی گەلی كورد لە سووریا بووە و ئەوەیشی بە مایەی ئومێدێكی گەورە بۆ گەلی كورد لە سووریا لە قەڵەم دا.

هەر لەو كۆبوونەوەیەدا سەرۆك بارزانی وتەیەكی بۆ ئامادەبووان پێشكەش كرد و ڕۆشنایی خستە سەر بارودۆخی سیاسیی لەسەر ئاستی ناوچەیی و نێودەوڵەتی و وێڕای دەربڕینی نیگەرانییەكانی لەمەڕ ئاییندەی گەلی كورد لە سووریا، ئامۆژگاری و ڕێنوێنیی پێویستی خستەڕوو. هەروەها سەرۆك بارزانی سوپاسی خۆڕاگریی ئەندام و لایەنگرانی پارتی دیموكراتی كوردستان - سووریا و هاووڵاتیانی كورد لە سووریای كرد و داوایشی كرد كە هەمیشە بە ئومێد و ئیرادەیەكی بەهێز بمێننەوە.





ئەم هەواڵە 4042جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad