English | عربی | Kurdî دواهەواڵ
ڕاستەوخۆ  
 
رۆژەک بۆ دیرۆکا هەرێما کوردستانێ
2019-06-22 [12:09 PM]

نڤیسینا : دیندار مستەفا


پشتى كو په‌رله‌مانێ كوردستانێ ب زۆرینه‌یا ده‌نگان رێزدار نێچیرڤان بارزانى هه‌لبژارتى بۆ پوستێ سه‌رۆكاتیا هه‌رێما كوردستانێ. 10/6/2019 رێزدار نێچیرڤان بارزانى د رێوره‌سمه‌كا هه‌رێمى و نێڤده‌وله‌تى دا، وه‌كو دووه‌م سه‌رۆكێ هه‌رێما كوردستانێ سویندا یاسا خواند. كو د ئه‌ڤێ مه‌راسیمێ دا زێده‌ترى 1200 كه‌سایه‌تیێن سیاسیێن بهێزو ناڤدار و كاریگه‌ر ل سه‌ر ئاستێ ناڤخویێ و ده‌ره‌ڤه‌ پشكداربوون.
دكارین بێژین ئه‌ڤ مه‌راسیمه‌ ئێكه‌م مه‌راسیما دیرۆكى بوو.  كو بڤێ ئاوایى برێڤه‌ چووى ل سه‌ر ئاستێ هه‌رێما كوردستانێ و عێراقێ و رۆژهه‌لاتا ناڤین بگشتى. بڤێ چه‌ندێ ژى نێچیرڤان بارزانی وه‌كو سه‌رۆكێ نویێ هه‌رێما كوردستانێ هه‌ر د ئێكه‌م رۆژا ده‌ركه‌فتنا خودا وه‌كو سه‌رۆكێ هه‌رێمێ ئه‌و گوتنا خو یا به‌رى مه‌راسیما سویند خوارنێ بجهئینا. ده‌ما گوتى: "دێ پوستێ سه‌رۆكاتیا هه‌رێمێ كه‌مه‌ چه‌تره‌ك بۆ كومكرنا هه‌مى ئالیێن كوردستانێ ". ئه‌وى دئه‌ڤێ رۆژێدا هه‌مى ئالیێن سیاسى و حزبى و جڤاكى و میرى و لایه‌نیێن دیترێن ل هه‌رێما كوردستانێ و عێراقێ ل بن چه‌ترا سه‌رۆكاتیا هه‌رێمێ  كومكرن بێ جوداهى. ئه‌ڤه‌ژى به‌لگه‌یه‌كێ راست هه‌لگره‌ بۆ سه‌لماندنا ئه‌زموندارى و بهێزیا كه‌سایه‌تیا وى دوارێ برێڤه‌برنا پوستێن هه‌ستیار و گرنگێن جه‌نابێ وى وه‌رگرتین دهه‌یامابورى و دنهادا.
ژلایه‌كێ دیترڤه‌ رێزدار نێچیرڤان بارزانێ دگوتارا خودا ئاماژه‌ ب هند خالێن گرنگ دا كو بدیدا مه‌ ئه‌گه‌ر هه‌مێ ئالیێن پشكدار نه‌پشكدار دئه‌ڤێ مه‌راسیمێدا ب جدى تێهزرینا خۆ د گوتارا ناڤبریدا بكه‌ن. دێ دماوێ چوار سالێن بهێدا هه‌م هه‌رێما كوردستانێ و هه‌مژى به‌غدا و هه‌مژى وه‌لاتێن هه‌ڤسى د ئه‌وپه‌رى ئارامیا سیاسى و جڤاكى و ئابورى و بازرگانیدا ده‌ربازبن. دیر ژ هه‌ر گرفتاریه‌كێ كو ببیته‌ ئاسته‌نگ دكاروانێ به‌رجه‌سته‌بوون و جێ به‌جێكرنا بنه‌مایێن دیموكراسییا مودێرندا، ئه‌وا ئه‌ڤرۆكه‌ د گوره‌پانا سیاسی دا ل سه‌ر ئاستێ نێڤده‌له‌تی دا كار بۆ دهێته‌كرن.
دیسان د گوتارا ناڤبریدا ب نه‌راسته‌خو باس ل خالێن دیێن جودا جودا هاتكرن بتایبه‌ت خالێن ناكوك ئه‌وێن گریدایى به‌غدا و هه‌ولێر و فه‌دیتنا چاره‌سه‌ریه‌كا بنه‌جه كو ببیته‌ ئه‌گه‌رێ لهه‌ڤهاتنا هه‌ردوو ئالیان لسه‌ر مه‌لفێن نه‌فتێ و خالێن سنورى و پاراستنا سه‌روه‌ریا یاسایێ، بجئینانا مادێ 140. هه‌روه‌سا خوجهكرنا پشكا هه‌رێما كوردستانێ د مێزانیا عێراقێ دا. برێكا ده‌ستورێ هه‌میشه‌ییێ عێراقا فیدرال. بڤێ چه‌ندێ ژى سه‌رۆكێ هه‌رێمێ دێ شێت روله‌كێ كاریگه‌ر بینت دڤان بابه‌تاندا ژبه‌ركو ناڤبرى ناڤداره‌ د ئه‌ڤى بواریدا. مه‌دیت كا چه‌وا پشتى بویه‌رێن 16 ئكتوبه‌رێ په‌یوه‌ندى دگه‌ل به‌غدایێ و جیهانا ده‌رڤه‌ گرێدان. جاردن سه‌نگ و بهایێ هه‌رێما كوردستانێ زفرانده‌ڤه‌ بۆ به‌رییا ئه‌ڤان رویدانان. ب لێزانى و دبلوماسیه‌تا خو یا بهێز ل ناڤخو و ده‌رڤه‌. دیسان سه‌رۆكێ هه‌رێمێ باس ل پشته‌ڤانیا خۆ كر بۆ كابینه‌یا داهاتێ كو بدیدا مه‌ ئه‌و دێ شێت پالپشت و چاڤدێر و سه‌رپه‌رشته‌كێ چالاك بیت د ئه‌دایا كابینا داهاتى بۆ وێ چه‌ندێ كو حكومه‌ته‌كا پر خزمه‌تگوزارى بیت د هه‌مى سێكته‌رێن ژیانێ دا. ئه‌ڤه‌ زێده‌بارى چه‌ندین بابه‌تێن دن یێن گرنگێن وه‌كو: "یه‌كرێزیا نشتیمانى و پاراستنا ده‌ستكه‌فتێن ملله‌تێ كورد و هه‌بونا دادپه‌روه‌ریێ و پێكڤه‌ژیانێ و ئاشته‌واییا جڤاكى و خزه‌تكرنا تاكێ كورد بێ جوداهییا ئولى و جڤاكى و سیاسی و پاراستنا ئارامیا كوردستانێ ئه‌وا ب سایێ سه‌رۆك بارزانێ و پێشمه‌رگێن كوردستانێ هاتیه‌ هه‌بوونێ...هتد."





ئەم هەواڵە 3178جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad