English | عربی | Kurdî دواهەواڵ
ڕاستەوخۆ  
 
خۆپیشاندانی قوتابیانی پۆلی 12 دەستی پێكردەوە
ئەرشیف
2019-06-23 [07:10 AM]

ZNA- هەولێر


لە چەند شارێکی ھەرێمی کوردستان، قوتابییانی پۆلی ١٢ی ئامادەیی خۆپیشاندانیان ئەنجام دا و بانگەشەی بوونی کۆمەڵێک کەموکوڕییان لە تاقیکردنەوەکانی چەند وانەیەک کرد و داوای چارەسەری گونجاویان کرد.

ئەمڕۆ یەکشەممە ٢٣- ٦- ٢٠١٩، بۆ جاری دووەم لە شاری ھەولێر لەبەردەم تەلاری پەرلەمانی کوردستان خۆپیشاندان دەستی پێكرد، ھەروەھا لە ڕانیەش خۆپیشاندان بەڕێوە چوو، پێشتریش لە سلێمانی و ھەڵەبجە و چەند شوێنێکی دیکە خۆپیشاندان کراوە.

قوتابییان باسیان لەوە دەکرد کە تاقیکردنەوە گشتییەکان کەموکوڕی ھەبووە و لە وانەی بیرکاریدا ڕێگە نەدراوە تیانووس بەکار بھێنن و لە ھەندێک وانەشدا پرسیارەکان ھەڵەی زمانەوانی و پرسیار لە دەرەوەی میتۆدی خوێندن ھاتووەتەوە.

ئەمە لە کاتێکدایە کە چاوەڕوان دەکرێت نیوەڕۆی ئەمڕۆ، لێژنەی پەروەردە و خوێندنی باڵا لە پەرلەمانی کوردستان و بەڕێوەبەری گشتیی ئەزموونەکانی وەزارەتی پەروەردە پرێس کۆنفرانسێک ئەنجام بدەن.

پێشتر وەزارەتی پەروەردە لە ڕێگەی داواکاری گشتی و بە تۆمەتی تێکدانی دەروونی قوتابییان، سکاڵای لە دژی دوو پەیج جووڵاندبوو، بەڵام (زانکۆ لاین) کە یەکێکە لەو پەیجانەی سکاڵای لە دژ تۆمار کرابوو، بە چەندان بەڵگەی جۆراوجۆر، وەڵامی وەزارەتەکەی دایەوە و لایەنە پەیوەندیدارەکانیش بەوە تۆمەتبار کرد کە پرسیاری تاقیکردنەوەی پۆلی ١٢ دزەی کردووە.

 





ئەم هەواڵە 2575جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad