English | عربی | Kurdî دواهەواڵ
ڕاستەوخۆ  
 
مەسرور بارزانی پێشوازیی لە شاندێكی گروپی هەموو پارتەكانی پەرلەمانی بەریتانیا كرد
2019-06-23 [08:46 AM]

ZNA-هەولێر


 

ئەمڕۆ یەکشەممە 23-6-2019 مەسرور بارزانی راوێژكاری ئەنجوومەنی ئاسایش و راسپێردراوی پێکهێنانی کابینەی نوێی حکوومەتی هەرێمی كوردستان پێشوازیی لە شاندێكی گروپی هەموو پارتەكانی پەرلەمانی بەریتانیا بۆ دۆستایەتی هەرێمی کوردستان بەسەرۆکایەتی جاک لۆپرێستی سەرۆکی گرووپی هەموو پارتەکانی پەرلەمان و ئەندامێتی ستیڤ رید، تۆبی پێرکینس و گاری کێنت بەرێوەبەری گروپی کوردستان لە پەرلەمانی بەریتانیا كرد.

لەو دیدارەدا مەسرور بارزانی دەستخۆشی لەو گرووپەی پەرلەمانتارانی بەریتانیا کرد بۆ هاوکاری و پشتگیرییەکانیان لە هەرێمی کوردستان و باسی لە هەنگاوەکانی پێکهێنانی کابینەی نوێی حکوومەت کرد.

هەر لەو دیدارەدا گفتوگۆ لەبارەی ئەو ژمارە زۆرەی ئاوارە و پەنابەران لە هەرێمی کوردستان کراو جەخت لەوە کرایەوە، کە پێویستە کۆمەڵگەی نێودەوڵەتی هەوڵەکانی خۆی بۆ پێشکەشکردنی یارمەتییە مرۆییەکان چڕتر بکاتەوە.

لەلای خۆیەوە شاندی گروپی هەموو پارتەكانی پەرلەمانی بەریتانیا جەختیان لە بەردەوامی پەیوەندییەكانی نێوان هەرێمی كوردستان و بەریتانیا كردەوە و مەبەستی سەردانەکەشیان روونکردەوە، کە لەلایەک هانی وەبەرهێنەرانی بەریتانیا دەدەن روو لە هەرێمی کوردستان بکەن، لەلایەکی دیکەوە دەیانەوێت لێکۆڵینەوە لەبارەی چۆنێتی هاوکاری کردنی پەنابەران و ئاوارەکان بکەن.

لەکۆتایی دیدارەکەدا وێڕای بەئاوات خواستنی سەرکەوتن بۆ مەسرور بارزانی لە ئەرکی نوێدا، ئامادەیی خۆشیان بۆ پشتیوانی کردن لە کابینەکەی دەربڕی لەمیانەی هاندانی سه‌رمایه‌دارانی به‌ریتانیا و به‌شدارى کردنیان له‌ به‌ره‌وپێشه‌وه‌بردنی بواری ئابووریی و پێشكه‌شكردنی پسپۆڕی بۆ بوارە جیاكانى هه‌رێمی کوردستان.





ئەم هەواڵە 2599جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad