English | عربی | Kurdî دواهەواڵ
ڕاستەوخۆ  
 
گێلاس یه‌كێك له‌ میوه‌ به‌ سووده‌كان
2019-06-24 [11:03 AM]

هەولێر _ ZNA



بۆ رێكخستنی خوێن له‌ سیستمی هه‌رسكردن زۆر به‌سووده‌
زانایان پێیانوایه‌ گێلاس ده‌بێته‌ یه‌كێك له‌ هۆكاره‌كان بۆ چاره‌سه‌ركردنی نه‌خۆشانی توشبوو به‌ شه‌كره‌،  هاوكات له‌ توێژینه‌وه‌یه‌كدا له‌ سه‌ر سووده‌كانی گێلاس زانایان ڕوونی ده‌كه‌نه‌وه‌، میوه‌ی گێلاس چه‌ندین سوودی بۆ جه‌سته‌ هه‌یه‌ و كانزاكانی كالسیوم، فۆسفۆر، پۆتاسیوم، مگنزیوم له‌ خۆ ده‌گرێت.

له‌ توێژینه‌وه‌كه‌دا ده‌ركه‌وتوه‌ كه‌ گێلاس خاوه‌نی چه‌ورییه‌كی كه‌م و ڕیشاڵی زۆره‌، وه‌ بۆ رێكخستنی خوێن له‌ سیستمی هه‌رسكردن زۆر به‌سووده‌، ژه‌هری له‌ش ده‌رده‌كات و بۆ كاركردنی ریكووپێكی دڵ و ریخۆڵه‌ و گه‌ده‌ زۆر به‌سووده‌.

هه‌ربۆیه‌پسپۆرێكی خۆراكی له‌باره‌ی گێلاسه‌وه‌ وتی: گێلاس ئیشتیهای خواردن زیاد ئه‌كات، ئارامبه‌خشه‌ و ئارامی به‌ مێشك ده‌دات و هێزی فكری زیاد ئه‌كات و هۆكاری ڕوخۆشییه‌ وه‌ یارمه‌تیده‌ره‌ بۆ دابه‌زاندنی كێشی له‌ش و، ڕێگره‌ بۆ توشبوون به‌ هه‌وكردن. یه‌كێكه‌ له‌و میوه‌ ناسكانه‌ی پڕیه‌تی له‌ ماده‌ كانزاییه‌كانی وه‌ك (كالسیوم، فۆسفۆر، پۆتاسیوم، مگنزیوم، گوگرد، ئاسن، مس، كۆپالت، تۆتیا).

له‌گه‌ڵ ئه‌وانه‌شدا گێلاس زۆر سوودمه‌نده‌ بۆ ئه‌وكه‌سانه‌ی نه‌خۆشیی رۆماتیزم و گرێی جومگه‌كانیان هه‌یه‌، هاوكات گێلاس بۆ توشبوان به‌ نه‌خۆشی به‌ردی گورچیله‌ و به‌ردی زراو زۆر سودمه‌نده‌ و گێلاس خوێن و گه‌ده‌ش پاك ده‌كاته‌وه‌، بۆیه‌ پێویسته‌ رۆژانه‌ 250 بۆ 350 گرام بۆ یه‌ك ژه‌می خواردن به‌كار بهێنرێت بۆ ئه‌و كه‌سانه‌ی ده‌یانه‌وێت سوودی لێ ببینن.

له‌ 100گم گێلاسدا بڕی(70كالۆری، 82گم ئاو، 14_18ملگم كاربۆهیدرات، 1، 8ملگم پڕۆتین، 25ملگم پۆتاسیۆم، 25ملگم كالیسیۆم، 18ملگم ڤیتامین سی تێدایه‌). گێلاس سه‌ره‌تا له‌ وڵاتی سویسرا دۆزرایه‌وه‌، دواتر به‌ وڵاتانی ئه‌ڵمانیاو فه‌ڕه‌نسادا بڵاوب ووه‌وه‌. پاشان هێنراوه‌ته‌ وڵاتانی ئاسیا.





ئەم هەواڵە 2089جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad