English | عربی | Kurdî دواهەواڵ
ڕاستەوخۆ  
 
بە بڕیارێك گەشتکردن بۆ دەرەوەی وڵات بەبێ مۆڵەتی فەرمی قەدەغە کرا
2019-06-25 [06:15 AM]

ZNA-هەولێر


بە بڕیاری وەزیری ناوخۆی هەرێمی کوردستان، گەشتکردنی کارمەند و ئەفسەرانی هێزەکانی ئاسایشی ناوخۆ بۆ دەرەوەی وڵات بەبێ مۆڵەتی فەرمی، قەدەغە کرا.

بەپێی نووسراوێک کە ڕۆژی ٢١ی ٥ی ٢٠١٩ بە واژۆی کەریم شنگالی، وەزیری ناوخۆ دەرکراوە و ئاراستەی سەرجەم بەڕێوەبەرایەتییە گشتییەکانی هێزەکانی ئاسایشی ناوخۆ کراوە کە ئاماژە بەوە دراوە، ماوەیەکە تێبینی دەکرێت کە کارمەند و ئەفسەرانی سەر بە وەزارەتی ناوخۆ و وەزارەتی پێشمەرگە، هاتوچۆی وڵاتانی دەورووبەر دەکەن و هەندێکیان لە هێڵی بازرگانیی نێوان هەرێمی کوردستان و وڵاتانی دەوروبەر کار دەکەن.

هەر بۆیە بڕیار دراوە کە لەمەودوا بە هەموو شێوەیەک هاتوچۆی کارمەندان و ئەفسەرانی هێزەکانی ئاسایشی ناوخۆ بۆ دەرەوەی وڵات بەبێ وەرگرتنی مۆڵەتی فەرمی  کە تێیدا هۆکاری سەردانەکەی دیاری کرابێت، قەدەغەیە و داوا کراوە کاری پێویست بۆ جێبەجێکردنی بڕیارەکە دەست پێ بکەن.

لە هەرێمی کوردستاندا دەیان هەزار کارمەندی هێزەکانی ئاسایشی ناوخۆ لە چوارچێوەی هەردوو وەزارەتی ناوخۆ و پێشمەرگەدا هەن کە ئەم بڕیارە دەیانگرێتەوە.





ئەم هەواڵە 7450جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad