English | عربی | Kurdî دواهەواڵ
ڕاستەوخۆ  
 
بڕی پێدانی كارەبای نیشتیمانی بەهاوڵاتیان ئاشكرا دەكرێت
2019-06-25 [07:42 AM]

​ZNA – هەولێر


بەرپرسێکی وەزارەتی کارەبا ئاشکرای دەکات بەراورد بە ساڵی رابردوو ئەم هاوینە پێدانی کاتژمێرەکانی کارەبای نشتیمانی بە هاوڵاتیان زیاتر بووە، جەختیش دەکاتەوە 18 کاتژمێر کارەبا دەدرێت و 6 کاتژمێرەکەی تریش مۆلیدە پڕی دەکاتەوە.

حوسێن حەمەد، بەرێوبەری گشتی کارەبای هەولێر بە باسی گوت:  ئێستا شەو ورۆژ 17 بۆ 18 کاتژمێر کارەبای نشتیمانی دەدرێتە هاوڵاتیان بەراوورد بە پارساڵ ئەمساڵ دۆخی کارەبا باشترە و ئومێد هەیە باشتریش بکرێت".

ئەو بەرپرسەی کارەبا هۆکاری باشبوونی کارەبای لە هاوینی مساڵدا گەڕاندەوە بۆ گەیاندنی غازی سرووشتی بۆ یەکەکانی بەرهەمهێنانی کارەبا و بەگەڕخستنی چەند پڕۆژەیەکی تازەی کارەبا.

ئەو گوتیشی: لە مانگی 6ی ساڵی رابردوودا 4 بۆ 5 کاتژمێر کارەبا کەمتر دەدرایە هاوڵاتیان بەڵام  ئەمساڵ لە مانگی 6 بە تێکرا نزیکەی 5 کاتژمێر کارەبای زیاتر دەدرێتە هاوڵاتیان، هەروەها پار لەو کاتانە خواست لەسەر کارەبا لە هەولێر هەزار و 300 مێگاوات بوو، بەڵام ئەمساڵ 300 مێگاوات خواست کەمترە".

هاوینی ساڵی رابردوو تێكرای بەرهەمی كارەبا نەدەگەیشتە 3هەزار مێگاوات، بەڵام ئەمساڵ لە سەرووی 3هەزار و 500 مێگاواتە.

هۆگر شاڵی بریکاری وەزارەتی کارەبای حکوومەتی هەرێمی کوردستان رایگەیاند: پاش هەڵسەنگاندی بارودۆخی کارەبا و چۆنیەتی ئیشپێکردنی یەکەکانی وێستگەکانی غازی بەرهەمهێنانی کارەبا و کارۆ ئاوی لەهەردوو بەنداوی دوکان و دەربەندیخان، ئێستادا بەتێکڕا 3 هەزار و 570 مێگاوات کارەبا بەرهەم دەهێنرێت".

روونی کردەوە بەرەچاوکردنی بەرزبوونەوەی پلەکانی گەرما و هەڵکشانی خواست لەسەر بەکارهێنانی کارەبا بۆ 5 مێگاوات، وەزارەتی کارەبا دەتوانێت تاوەکو 18 کاتژمێر کارەبا بدات، گوتی:"6 کاتژمێرەکەی دیکەش لە رێگەی موەلیدەی ئەهلیەوە کارەبا بەسەر هاوڵاتیاندا دابەش دەکرێت.





ئەم هەواڵە 7858جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad