English | عربی | Kurdî دواهەواڵ
ڕاستەوخۆ  
 
گرنگیا سەرەدانا بەغدا بۆ هەرێما کوردستانێ؟
2019-06-25 [10:50 AM]

نڤیسینا : هوزان عەبدوللا


دگەل دەستبکاربوونا سەرۆکێ هەرێما کوردستانێ، چاڤ هەموو ل هندێ بوون پێنگاڤ ژ بۆ چارەکرنا هەموو کێشەیێن دناڤبەرا هەولێر و بەغدا دا بهێنە هاڤێتن، پشتی دەستبکاربوونا سەرۆکێ هەرێمێ ئێکەم سەرەدان ژ بۆ بەغدایا پایتەختا ئیراقێ هاتە کرن، ئەو بەغدایا نە دهێلیت ببینە جیران، نە ب درستی مافێن مە ل گۆرەی دەستوری بدەت.
وەلاتیان چ هیڤی ب ڤێ سەرەدانێ هەیە؟
سەرەدانا نێچیرڤان بارزانی ژ بۆ بەغدا بوویە هیڤیەک ژ بۆ خەلکێ هەرێما کوردستانێ ژ بەرکو ئەو تەوەرێن د کۆمبوونا وی دگەل رایەدارێن ئیراقی دا هاتینە بەحسکرن و دوپاتی ل سەر چارەکرنا وان هاتینە کرن، راستەوخوە پەیوەندی ب وەلاتیان ڤە هەیە ب تایبەت پرسا بودجەی، دەڤەرێن کوردستانی .
مەرەم ژ ڤێ سەرەدانێ چبوویە؟
یا دیارە د دەمێن بوری دا ب تایبەت پشتی ئەنجامدانا رێفراندوما هەرێما کوردستانێ پەیوەندیێن هەولێر و بەغدا گەلەک ئالۆز ببون، ژ بەر بکار ئینانا هێزێ و خیانەتا شازدەی ئۆکتوبەرێ گەلەک ژ ئاخا هەرێما کوردستانێ هاتە ژ دەست دان، د ڤان هەموو ئالۆزیان دا نێچیرڤان بارزانی ل دەما سەرۆکوەزیر و پتریا دەستەلاتێن سەرۆکێ هەرێما کوردستانێ ژی پێ هاتینە دان داخوازا دیالۆگێ ژ بەغدا دکر و ب بەردەوامە، هەردەما بەغدا گەفەک کربا د بەرامبەر دا نێچێرڤان بارزانی داخوازا دیالۆگێ دکر، لەورا ژی ئەڤ دیپلۆماسیەتا وی یا ئارامکرنا رەوشێ د هەمی بارودوخان دا وەکر باوەریا پتریا سەرکردەیێن ئیراقی و دیسان جادەیا ئیراقی بخوە بینیت کو ئینیەتا هەرێمێ چارەکرنا کێشەیانە، لەورا ژی ژ بەر وێ سیاسەتا وی حەیدەر عەبادی نەشیا درێژیێ ب دەستەلاتا خوە یا دۆژمنکارانە بەرامبەر هەولێرێ بدەت و ژ مەیدانا سیاسی هاتە دیرکرن ئەڤە بوو رێخوشکەرەک ژ بۆ دوبارا پێداچوونا پەیوەندیان، لەورا دگەل دەستبکاربوونا عەبدولمەهدی ئینەتا هەردوو لا ب درست دیاربوو و هنارتنا مووچە و بودجەیا هەرێمێ باشترین گروڤە بو ل سەر ڤێ چەندێ. تەوەرێ دی یێ هەری گرنگ کو نها سەرۆکێ هەرێما کوردستانێ کار بو دکەت، چارەکرنا کێشەیێن دەڤەرێن کوردستانی و ب تایبەت کەرکووکێ یە لەورا د وان کۆمبوونێن هاتینە کرن دوپاتی ل هەماهەنگیا هەردو لایان هاتیە کرن و درستکرنا لژنەیەکا هەماهنەگیێ بۆ چارەکرنا وان کێشەیان و ب تایبەت مادەیا ١٤٠ باشترین دیاریە بۆ خەلکێ دەڤەرێن کوردستانی و پتر لێکنزیکرنا هەولێر و بەغدا بو قوناغێن داهاتی.
پرسا پەترولێ..
د نهادا پتریا لایەنێن ئیراقی کار بوو هندێ دکەن دوبارە پشکا هەرێمێ و موچەیێ وەلاتیان بهێتە برین، بهانەژی بو ڤێ چەندێ نە زەلالیە د پرسا فروتنا پەترولا هەرێمێ دا، لێ د ڤێ سەرەدانێ دا سەرۆکێ هەرێما کوردستانێ ب ئاشکرای دوپاتی ل هندێ کریە کو هەرێم ئامادەیا میکانزما فروتنا پەترولێ و ئاشکراکرنا داهاتێ وێ بۆ پەرلەمانێ ئیراقێ ئاشکرا بکەت، ئەڤە ژی دیاریەکا دی یا دلخۆشکەرە ژ بۆ وەلاتی و لایەنێن سیاسی یێن کار بو بدەستڤەئینانا مافێن کوردان د چارچووڤەیێ دەستوری دا دکەن
بۆ داهاتی چ بهێتە کرن؟
گرنگە سەرۆکێ هەرێما کوردستانێ ب رژدی ل سەر چارەکرنا ڤان پرسا کاربکەت یێن د سەرەدانا بەغدا دا هاتیەن بەحسکرن داکو ئێدی بەغدا ژ سیاسەتا چەوساندنا کوردان بەردەت.





ئەم هەواڵە 1600جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad