English | عربی | Kurdî دواهەواڵ
ڕاستەوخۆ  
 
هه‌ولێر و به‌غدا به‌ره‌ڤ قوناغه‌كا نوى ...
2019-06-25 [11:01 AM]

نڤیسینا : ئاشتى فه‌تحى بێسفكى


پشتى ئه‌نجامدانا ریفراندوما سه‌ربه‌خویا هه‌رێما كوردستانێ ل 25 ى ئه‌یلولا سالا 2017 كو گه‌لێ كورد ب زورینه‌یا ده‌نگێن به‌لێ بو سه‌ربه‌خویا كوردستانێ داخازا جودابونێ ژ عیراقا فیدرال خاست ، پشتى ئه‌ڤ ده‌ستكه‌فتێ  مه‌زن د دیروكا مله‌تێ كورد دا هاتیه‌ پێش ، ئێدى چه‌ندین رویدان و پێشهاتێن چاڤه‌رێكرى ژ حكومه‌تا عیراقا فیدرال هاتنه‌ پێش ب سزادانا گه‌لێ كورد وه‌ك سه‌پاندنا ئابلوقه‌یێن ئابوورى و سیاسى و ڤه‌گوهاستنێ و داخازا گرتنا سنورێن وه‌لاتێن ده‌وروبه‌رى هه‌رێما كوردستانێ ، زێده‌بارى راگرتنا مووچه‌یێن فه‌رمانبه‌رێن هه‌رێما كوردستانێ و كێمكرنا بودجه‌یا هه‌رێما كوردستانێ تا گه‌هشتیه‌ راده‌یێ لڤاندنا هێزا سه‌ربازى ل دژى هه‌رێما كوردستانێ ، ئه‌ڤ چه‌ندا هه‌نێ هاته‌ رویدان ژبه‌ركو هاولاتیێن كوردستانى بتنێ داخازا ئێك ژ مافێن خو یێن ره‌وا كر ، په‌یوه‌ندیێن هه‌رێما كوردستانێ و عیراقا فیدرال گه‌هشتنه‌ خرابترین ئاست ، سه‌ره‌راى ئه‌وان هه‌مى ئابلوقه‌یێن جورا و جورێن حكومه‌تا عیراقێ لسه‌ر هه‌رێما كوردستانێ سه‌پاندین گه‌لێ كوردستانێ د بلندترین ئاستێ خوراگریێ دابون ، پاشان ژ ئه‌گه‌رێ نه‌ په‌یدابوونا چ هزرێن خوین رشتنێ دناڤبه‌را هه‌ولێر و به‌غدا و خیانه‌تا روى ره‌شێن 16 ى ئكتوبه‌را سالا 2017  بریارا سركرنا ئه‌نجامێن ریفراندوما سه‌ربه‌خویا هه‌رێما كوردستانێ هاته‌دان ل 25 ئكتوبه‌را سالا 2017 ، پاشان هه‌ولێر و به‌غدا ژ قوناغا هه‌لگرتنا چه‌كى به‌ره‌ڤ قوناغا دان و ستاندنێ ڤه‌ ده‌رباز بوون ، ب تایبه‌تى رولێ سه‌روك وه‌زیرێن هه‌رێما كوردستانێ ل وى ده‌مى (نێچیرڤان بارزانى) كو شیا ب هێزا خوه‌ یا دبلوماسى چه‌ندین پێشڤه‌چونێن نوى دناڤبه‌را هه‌ولێر و به‌غدا په‌یدا بكه‌ت ، پشتى كو ل 25 گولانا سالا 2019 (نێچیرڤان بارزانى) هاتیه‌ هه‌لبژارتن وه‌ك سه‌روكێ نوى یێ هه‌رێما كوردستانێ ، گه‌لێ عیراقێ ب گشتى و هه‌رێما كوردستانێ ب تایبه‌تى گه‌شبینن ب رولێ وى یێ كاریگه‌ر د پێشڤه‌برنا په‌یوه‌ندیێن هه‌رێما كوردستانێ و عیراقا فیدرال دا ، ئێكه‌م سه‌ره‌دانا سه‌روكێ هه‌رێما كوردستانێ (نێچیرڤان بارزانى) بو به‌غدا ل 20 خزیرانا سالا 2019 و كومبونا سه‌روكێ هه‌رێما كوردستانێ دگه‌ل سه‌روك كومارێ عیراقێ و سه‌روك وه‌زیرێن عیراقێ و سه‌روك په‌رله‌مانێ عیراقێ ، كو ئارمانج ژێ پێكولا چاره‌سه‌ركرنا ئه‌وان بابه‌تانه‌ یێن كو تا نوكه‌ ماینه‌ هلاویستى و نه‌هاتینه‌ چاره‌كرن ژ لایێ حكومه‌تێن ده‌رباز بوى یێن عیراقێ ڤه‌ ، له‌ورا كاروانێ سه‌روكێ نوى یێ هه‌رێما كوردستانێ ژبو بهێزكرنا پێگه‌هێ هه‌رێما كوردستانێ ژ به‌غدا یا پایته‌ختێ عیراقێ ده‌ست پێكر، قوناغا نوى یا دناڤبه‌را حكومه‌تا عیراقێ و هه‌رێما كوردستانێ دا گه‌شبینى دیاره‌ د چاره‌سه‌ركرنا پرسگرێكێن هه‌لاویستى دا .





ئەم هەواڵە 1675جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad