English | عربی | Kurdî دواهەواڵ
ڕاستەوخۆ  
 
ترەمپ: بۆ دانوستان لەگەڵ ئێران هیچ پەلەم نییە
2019-06-27 [06:47 AM]

ZNA-هه‌ولێر


دۆناڵد ترەمپ، سەرۆک کۆماری ئەمریکا، وێڕای ئاماژە بە ھێزی سەربازیی وڵاتەکەی، جەختی کردەوە بۆ دانوستان لەگەڵ ئێران ھیچ پەلەم نییە و لە ئەگەری ڕوودانی شەڕیش درێژە ناکێشێت.

سەرۆک کۆماری ئەمریکا لە لێدوانێکدا بۆ کەناڵی (فۆکس‌نیوز) گوتی: "لە ئەگەری ھێرشی سەربازی بۆ سەر ئێران، پێویست بە ھێزی زەمینی ناکات و "ھیچ سەربازێک پۆستاڵی ناکەوێتە سەر زەوی".

ئەم قسانەی دۆناڵد ترەمپ لە کاتێکدان کە عەلی خامنەیی ڕێبەری کۆماری ئیسلامیی ئێران لە کاردانەوەی بە سزا و گەمارۆکانی ئەمریکا بۆ سەر خۆی و دامودەزگاکانی گوتی: "ئەمریکییەکان ناوێرن بێنە پێشەوە و لە ئیرادەی خەڵکی ئێران ترساون و ئەوەش کە باسی دانوستان دەکەن ھەموو فریوکارییە".

دۆناڵد ترەمپ ھاوکات لەگەڵ ئەوەی کە باسی ئەگەری روودانی جەنگ لەگەڵ ئیران دەکات، لەبارەی گفتوگۆ و دانوستان لەگەڵ ئێران ڕای گەیاندووە: "ئەگەر بەرپرسانی ئێران ڕێککەوتن نەکەن، خۆبەزلزان و گەمژەن و بۆ دانوستان لەگەڵ ئێران ھیچ کاتێکی دیاریکراومان نییە و ھیچ پەلەشم نییە".

گرژی و ئاڵۆزییەکانی نێوان تاران و واشنتۆن کە ماوەی دوو مانگە تەشەنەیان سەندووە، پاش تێکشکانی فڕۆکەیەکی بێ فڕۆکەوانی ئەمریکی لەلایەن ئێرانەوە لە نزیک ئاوەکانی کەنداو، ئەم گرژییانە زیاتر بوون و ئەمەش بووەتە ھۆی ترس و نیگەرانیی وڵاتانی ناوچە و جیھان.





ئەم هەواڵە 5437جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad