English | عربی | Kurdî دواهەواڵ
ڕاستەوخۆ  
 
ئەو چەند خۆراكەی بۆ تەندروستی دڵ بەسوودن
2019-06-27 [01:23 AM]

هەولێر _ ZNA


 

هەمو ساڵێك یەك لە چواری حاڵەتەكانی مردن بەهۆی دڵەوە روودەدەن.

بۆیە چەند گۆڕانكارییەكی سادە لە شیوازی ژیاندا دەتوانێت تەندروستی دڵت باش بكات.

 

ئەم شەش خۆراكە دەكرێت ببنە بەشێك لەو خزمەتەی دەتوانیت بە ‌ئاسانی پێشكەشی دڵی بكەی:
 

1-تەماتە: تەماتە سەرچاوەیەكی دەوڵەمەندی ڤیتامین سی، پۆتاسیۆم، ریشاڵی خۆراكی و ڤیتامین (ئەی) یە. جگە لەوانە تەماتە بە دژە ئۆكسێنی لایكۆپین دەوڵەمەندە كە یاردەی دابەزاندنی كۆلیسترۆلی زیانبەخش دەدات و بۆرییەكانی خوێن فراوان دەكات. هەموو ئەوانەش یاریدەدەر دەبن بۆ پاراستنی تەندروستی دڵ.

2-ماسی چەور: ماسییە چەورەكان سەرچاوەیەكی دەوڵەمەندی ئۆمێگا-3 ن. توێژینەوەكان سەلماندوویانە ئەگەر هەفتانە دوو ژەم ماسیی چەور بخۆی ئەگەری تووشبوونت بە نەخۆشییەكانی دڵ بەڕێژەی 30% كەمدەكات. ماسی ساردین و سەلەمۆن و تونە هەموویان سەرچاوەی باشی ئۆمێگا-3 ن. بەڵام ماسی ساردین، چونكە قەبارەی بچووكە، بڕێكی كەمتری ماددەی زیانبەخشی جیوەی تێدایە.
 

3-دانەوێڵەكان: لە نموونەی نانی بۆر و برنجی بۆر و شۆفان و هاوشێوەكانیان بڕێكی بەرچاوی ریشاڵی خۆراكیی نەتواوەیان تێدایە. جگە لەوە چەندین دژەئۆكسێن و چەوری رووەكی (فایتۆستیرۆڵ) یان تێدایە، كە هەموویان بۆ دڵ بەسوودن.

 

4-چەورییە بەسوودەكان: وەكو رۆنی زەیتوون، كونجی، گوێز و رۆنی رووەكی. ئەمانە بە چەورییە ناتێرەكان دەوڵەمەندن كە ئاستی چەوری خوێن رێكدەخەن.
 

5-پاقلەمەنییەكان: بە پرۆتینی رووەكی، ریشاڵی تواوە، كانزا و دژەئۆكسێنەكان دەوڵەمەندن. ئەگەر رۆژانە تەنیا نیو كوپ لە پاقلەمەنییەكان بخۆیت، یاریدەدەر دەبێت لە پاراستنی ئاستی كۆلیسترۆلی خوێنت. ئەویش چونكە ریشاڵە تواوەكانی پێكهاتەی پاقلەمەنییەكان لە ریخۆڵەدا بە كۆلیسترۆڵەوە دەنووسێن و ناهێڵن هەڵبمژرێت و بگاتە جگەر و خوێن.
 

6-چەرەسەكان: پڕن لە ڤیتامین و كانزا و ریشاڵی خۆراكی و چەوری بەسوود. توێژینەوەكان دەڵێن ئەوانەی 2-4 جار لە هەفتەیەكدا چەرەسەكان دەخۆن، ئەگەری تووشبوونیان بە نەخۆشییەكانی دڵ كەمترە لەوانەی نایخۆن.

دەركەوتووە چەرەسەكان ئاستی كۆلیسترۆڵی زیانمەندی خوێن كەمدەكەنەوە و یاریدەی پاراستنی دیواری بۆرییەكانی خوێنیش دەدەن.

بەڵام زیادەڕەویش مەكە لە خواردنیان چونكە وزەیەكی زۆر دەدەن و رێگا بۆ قەڵەوبوون خۆشدەكەن.





ئەم هەواڵە 1885جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad