English | عربی | Kurdî دواهەواڵ
ڕاستەوخۆ  
 
دووباره‌ ئاڤه‌دانكرن
2019-06-27 [11:35 AM]

نڤیسینا : ئاشتى فه‌تحى بێسفكى


پشتى هاتنا رێكخراوا تیرورستى یا ده‌وله‌تا ئیسلامى ل عیراق و شام (داعش) بو وه‌لاتێ عیراقێ ل سالا 2014 بویه‌ هوكارێ تێكدانا فاكته‌رێ ئارامیێ ل سه‌رانسه‌رى عیراقێ كو هه‌رێما كوردستانێ ژى ژ ئه‌ڤێ مه‌ترسیێ بێ به‌هر نه‌بوویه‌ له‌وران  توشى ده‌هان نه‌خوشى و نه‌هامه‌تیێن مه‌زن بوو ل سه‌ر ده‌ستێ ئه‌ڤێ رێكخراوا تیرورستى یا جیهانى ، ژ تالانكرن و جیوناساید و كوشتارێن مه‌زن ب سه‌رێ مله‌تێ كورد ئینان ، هه‌ر ژ ده‌ست پێكا چالاكیێن ئه‌ڤێ رێكخراوا تیرورستى یا داعش بوونه‌ هوكارێ په‌كخستنا سه‌رجه‌م كار و وه‌به‌رهێنان و خزمه‌تگوزاریێن گشتى ل سه‌رانسه‌رى هه‌رێما كوردستانێ د گشت بواران دا ، سه‌ره‌راى هندێ كو پێشتر هژماره‌كا مه‌زنا كومپانیێن جیهانى ل هه‌رێما كوردستانێ كاردكر ژبو ئاڤه‌دانكرنا هه‌رێما كوردستانێ د سه‌رجه‌م بوارێن جودا جودا دا ،  پشتى دوماهیك هاتنا شه‌رێ تیرورستى یێ رێكخراوا داعش ل 7 ى كانونا ئێكێ یا سالا 2017 و شكه‌ستنا ئه‌ڤێ رێكخراوا جیهانى ل سه‌رده‌ستێ پێشمه‌رگه‌یێن قه‌هره‌مان و سوپایێ عیراقێ و پشته‌ڤانیا هه‌ڤپه‌یمانیا نیڤده‌وله‌تى ، ئێدى مله‌تێ كورد شیان هنده‌ك ده‌مژمێران ب ئازادى پال بكه‌ڤن ، له‌وران پشتى دوماهیك هاتنا شه‌رێ تیرورستى یێ داعش د نوكه‌ دا جاره‌كا دیتر هه‌رێما كوردستانێ پێدڤیاتى ب ئاڤه‌دانكرن و خزمه‌تگوزاریێن گشتى یه‌ د گشت بواران دا ، ده‌ست پێكرنا گفتوگویێن دناڤبه‌را هه‌ولێر و به‌غدا ل 20 خزیرانا سالا 2019 بو چاره‌سه‌ركرنا ئاریشه‌یێن هه‌لاویستى بوویه‌ پالده‌ره‌كێ مه‌زن ژبو سه‌رنج راكێشانا كومپانى و ده‌سته‌یێن بازرگانى د وه‌به‌رهێنان و پشكداریكرن د به‌رده‌وامى دان ب ئاڤه‌دانكرنا هه‌رێما كوردستانێ ، له‌وران ئیمزاكرنا یاداشتناما لێك گه‌هشتنێ دناڤبه‌را ژوورا بازرگانى یا هه‌رێما كوردستانێ و ژوورا بازرگانى یا ویلایه‌تیێن ئێكگرتى یێن ئه‌مریكا ل 23 ى خزیرانا سالا 2019 ب ئاماده‌بونا سه‌روكێ هه‌رێما كوردستانێ (نێچیرڤان بارزانى ) و جێگرێ هاریكارێ وه‌زیرێ ده‌رڤه‌ یێ ویلایه‌تیێن ئێكگرتى یێن ئه‌مریكا (ئه‌ندرو پیك) پێنگاڤه‌كا گه‌له‌ك مه‌زنه‌ د ئاراسته‌كرنا كومپانیێن ئه‌مریكى د ئاڤه‌دانكرنا هه‌رێما كوردستانێ دا ، سه‌ره‌راى هندێ كو هژماره‌كا كومپانیێن ئه‌مریكى ل هه‌رێما كوردستانێ به‌رده‌وامى كاردكه‌ن ، ل ده‌ما شه‌رێ پێشمه‌رگه‌یێ قه‌هره‌مان ل دژى رێكخراوا تیرورستى یا داعش دا به‌رده‌وام بوون لسه‌ر كارێ خو و هه‌رێما كوردستانێ بتنێ نه‌هێلا ، له‌ورا د نه‌خوشترین ئاسته‌نگێن روى ب روى هه‌رێما كوردستانێ بوین ئه‌مریكا خوه‌ ب خودانێن كوردان زانیه‌ ، له‌وران پرانیا نڤیسه‌ر و شلوڤه‌كارێن نافخوى و نیڤده‌وله‌تى رولێ سه‌روكێ هه‌رێما كوردستانێ (نێچیرڤان بارزانى) د ئاراسته‌كرنا دووباره‌ ئاڤه‌دانكرنا هه‌رێما كوردستانێ ب به‌رز دنرخینن رول و شوین تبلێن وى د ده‌ما ده‌رباز بوى دا د ئاڤه‌دانكرن و پێشخستنا سه‌رجه‌م بوارێن جودا جودا ل هه‌رێما كوردستانێ یا رون و ئاشكه‌رایه‌ .





ئەم هەواڵە 1570جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad