English | عربی | Kurdî دواهەواڵ
ڕاستەوخۆ  
 
هێرشی سەر بۆرییە نەوتییەكانی سعودییە لە عێراقەوە ئەنجامدراوان
2019-06-29 [08:18 AM]

ZNA- ھەولێر


شارپرێس:
رۆژنامەی وۆڵ ستریت جۆرناڵی ئەمەریكی ئاشكرایكرد، بەرپرسە ئەمەریكییەكان گەیشتوونەتە ئەو ئەنجامەی ئەو هێرشانەی مانگی رابردوو بەفرۆكەی بێفرۆكەوان كرانە سەر دامەزراوە نەوتییەكانی سعودییە لە باشووری عێراقەوە هەستاون نەوەك وەكو ئەوەی دەوترا لەیەمەنەوە هاتوون ، ئەمەش مەترسی ئەوە درووست دەكات هاوپەیمانەكانی ئێران لەناوچەكە بەرەیەكی نوێی ناكۆكی لەململانێی نێوان تاران و واشنتۆن بكەنەوە.

بەگوێرەی رۆژنامەكە مایك پۆمپیۆ وەزیری دەرەوەی ئەمەریكا پێشتر داوای لەعادل عەبدول مەهدی سەرۆك وەزیری عێراق كردووە ، ڕێوشوێنی پێویست بگرێتەبەر بۆ ڕێگری لەوەی خاكی عێراق ببیتە زەمینەیەكی نوێ بۆ دەستپیكردنی هێرشەكان .

رۆژنامەی وۆڵ ستریت جۆرناڵ ئاشكراشیكرد، بەرپرسە عێراقییەكان گومانیان لەو هەڵسەنگاندنەی ئەمەریكییەكان هەیە و داوایان لەئیدارەی دۆناڵد ترامپ كردووە لەو  بارەیەوە بەڵگەی پێویست بخەنەڕوو .

پێشتر بڕوا وابوو ئەو هێرشانەی لە ١٤ی ئایار كرانە سەر دامەزراوە و بۆڕییە نەوتییەكانی سعودییە و زیانێكی گەورەیان پێگەیاندن سەرچاوەكەی لە یەمەنەوە بووبێت، كە بۆ ماوەیەك هەناردەی نەوتی ئەو وڵاتەی لەباشوورەوە راگرت .

وەرگێران: ئاكۆ عەبدوڵڵا ئاڵی

 





ئەم هەواڵە 1984جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad