English | عربی | Kurdî دواهەواڵ
ڕاستەوخۆ  
 
ده‌یان بازرگانانی ده‌رمان ده‌ستگیر كراون، كه‌سی بیانیاشیان تێدایه‌
2019-07-02 [12:05 PM]

ZNA - هه‌ولێر


بەرپرسێكی كۆنترۆڵی دەرمان ئاماژه‌ی به‌وه‌دا، ژماره‌یه‌ك كەسی بازرگانی ساختەكار و قاچاخچی دەرمانیان دەستگیركردووە، خەڵك و باندی بیانیشیان تێدایه‌.

د.گۆران ڕۆژبەیانی، بەرێوەبەری  كۆنترۆِلی دەرمان لە وەزارەتی تەندروستی هەرێمی كوردستان رایگەیاند، لەو ماوەیەدا ژمارەیەك بازرگان و قاچاخچی دەرمان دەستگیركراون، كه‌ له‌ 33 كەس پێكهاتوون بازرگانان و قاچاخچیەكانی دەرمانیان تێدایه‌ و دروانەتە دادگا.

د.گۆران وتیشی، ئەو كەسانە بازرگانی دەرمان و قاچاخچی بوونە و هەوڵیانداوە دەرمانی قاچاخ و نایاسایی بهێننە ناو هەرێمی كوردستان، بە هاوكاری دامودەزگاكانی تەندروستی و ئاسایش و پۆلیس ئەو كەسانە دەستگیركراون.

روونی كردەوە، ئەوانەی دۆسیەكانیان لە دادگایە پاش بەدواداچوونی دادگا دەركەوتووە كەسانی تریش به‌شداریان كردوه‌، واتا بە شێوەی باند كاریان كردووە ئەوانیش رێكاری یاساییان لە بەرامبەردا وەرگیراوە.

ئه‌وه‌شی خسته‌روو، لە نێو ئەو 33 كەسەی دەستگیركراون خەڵكی بیانیش هەیە وەكو عەرەب و تورك و فارس، رێكارەكانمان بەرامبەر دەرمانی ساختە و بازگانان توندتر كردووە، بەڵام پێویستمان بە هاوكاری زیاترە بۆ ئەوەی بتوانین بەرەنگاری ئەو مەترسیە ببینەوە بۆ ئەوەی دەرمانی بێ كوالێتی و نایاسایی نەهێندرێتە كوردستان.

باسی له‌وه‌ش كرد، دوای چاودێریەكی زۆری جولە و شوێنی ئەو كەسانە پلانی دەستگیركردنیان ئه‌نجام دراوه‌، تەنانەت  كەسی وا دەستگیركراوە قاچاخچی لە نێو ولاتان كردووە.

ئەوبەرپرسەی كۆنترۆڵی دەرمان وتیشی، هەركەسێك بە نایاسایی دوور لە رێنماییەكانی ئێمە كار بكات و بە بەڵگە لەسەری بسەڵمێندرێت كاری نایاسایی دەرمان دەكات ئەوە رێكاری یاسایی لە دژ دەگیرێته‌ بەر، چەندین خەڵك دەستگیركراون، چەندین كۆگا و دەرمانخانە داخروان و دراونەتە دادگا.

 

باسنیوز





ئەم هەواڵە 2068جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad