English | عربی | Kurdî دواهەواڵ
ڕاستەوخۆ  
 
با چیتر خاكی هەرێمی كوردستان نەبێتە قوربانی بەرژەوەندییەكانی پەكەكە
2019-07-02 [12:38 PM]

نووسینی:وەیسی سەعید وەیسی


 

بەداخەوە ماوەماوە بەهۆكاری جموجۆلی سەربازی پەكەكەوە و بونیان لە ژمارەیەك گوندو ئاواییەكانی هەرێمی كوردستان رەوشی ژیان و گوزەرانی دانیشتوانی ئەم ناوچانە لەمەترسی دایە چونكە بونەتە ئامانجی فرۆكەكانی توركیا وێرای ئەوەی بەهۆی ئەم جموجۆلە سەربازیانەش رێگری كراوە لەئاوەدانكردنەوەی ناوچەكان بۆیە گرنگە هێزەكانی پەكەكە لەپەرۆشی خەڵكەكە دابن و رێگاچارەیەك بدۆزنەوە تاچیتر خاكی كوردستان نەبێتە شوێنی یەكلاكردنەوەی ململانێكان و نانەوەی پشێوی و دلەراوكێ هەرچەندە بەهەربیانوێك بێت بۆردومانكردنی خاكی هەرێمی كوردستان تاوانێكە دژبە بەهامرۆییەكان بەڵام لەگەڵ ئەمەشدا كاتی هاتوە پەكەكەش بەسیاسەتی خۆی دا بچێتەوە و ناوچەسنوورییەكان چۆل بكات و بەهیچ جۆرێك لەناو خاكی كوردستان هێرش و جموجۆلی سەربازی بۆ سەر وولاتی توركیا ئەنجام نەدات، چونكە بەمەبیانوو دەداتە دەست تاهێرش بكرێتە سەرناوچەسنورییەكان كە بەم هۆیەوە تاكو ئێستا بەسەدان گوند ئاوەدان نەكراونەتەوە لەكاتێكدا هەموومان كۆكین لەسەرئەوەی كە كێشەی رەوای گەلی كورد بەشەڕ و كوشتار چارەسەرناكرێت، بۆیەش لەم سۆنگەیەوە گرنگە هەڵوەستە لەسەر چەند خالێك بكەم.
١-ناكرێت بەهیچ بیانوویەك ناوچە سنورییەكان بكرێنە مەیدانی شەڕوئاژاوە دروست كردن چونكە ئەمەیان راستەوخۆ كاریگەری لەسەرژیان وگوزەرانی گوندنشینەكان هەیە كە بەو هۆیەوە ساڵانە دووچاری زیانی گەورەی گیانی و ئابووری دەبن 
٢-كاتی هاتووە هێزەكانی پەكەكە لەم سنورانە بكشێنەوە و چالاكییەكانیان بگوازنەوە شوێنی راستەقینەی خۆیان كە باكوری كوردستانە راستە كوردستان یەك پارچەیە، بەڵام هەر هێزولایەنێكیش شوێنی راستەقینەی خۆی دیارە.
٣-ولاتی توركیاش هێرشەكانی رابگرێت هەوڵ بدات بەدیالۆك و لێكتێگەیشتن چارەسەری كێشەكانیان بكەن.
٤-حكومەتی عیراقیش دەبێ هەلوێستی رەسمی خۆی هەبێت چونكە بەپێ دەستوور سنوری هەرێمی كوردستانیش بەشێكە لەسەروەری خاكی عێراق.
ئەوەی زیاتر هاندەرم بووی بۆ نوسینی ئەم چەند دێرانەش ئامادەبوونم بوو لەساتی هێنانەوەی تەرمی یەكێ لە قوربانیانی فرۆكەكانی توركیابوو لە دەڤەری سیدەكان كەچ نیگەرانی وغەمبارێكی بۆ بنەماڵەكەی دروست كردبوو كە گرنگە سەرانی پەكەكە لەخەمی گیانی ئەو خەلكانەدابن بۆ ئەوەی چیتردایكان و بنەماڵەكانیان جەرگ سوتاونەبن چونكە ناكرێت چیتر رێگا بدرێت خاك و خەڵكی هەرێمی كوردستان بكرێتە قوربانی بەرژەوەندییەكانی پەكەكە".





ئەم هەواڵە 3031جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad