English | عربی | Kurdî دواهەواڵ
ڕاستەوخۆ  
 
كوڕینە دائیرەی‮ ‬ئیحسا زۆر موهیمە
2019-07-02 [12:56 PM]

نووسینی: فارس قادر فەقێ عەبدوڵلا


ئەم دەستەواژەیە قسەی‮ ‬برادەرێکمانە خوالێخۆش بێت کە کەسایەتییەکی‮ ‬شاری‮ ‬ھەولێر بوو،‮ ‬ساڵی‮ ‬١٩٩٦ ‮ ‬لەوکاتەی‮ ‬رووداوە نەخوازراوەکانی‮ ‬ناوەخۆ روویدابوو،‮ ‬باری‮ ‬ئەمنی‮ ‬شاری‮ ‬ھەولێر ئارام نەبوو،‮ ‬ئەم دۆستەمان دەیفەرموو‮ “‬پێویستە شەوانە سەیارەیەکی‮ ‬نەجدە لەبەر دەرگای‮ ‬فەرمانگەی‮ ‬ئاماری‮ ‬ھەولێر‮ ‬بوەستێت و پاسەوانی‮ ‬لێبکات چونکە دائیرەی‮ ‬ئیحسا‮ ‬ئامار‮ ‬زۆر گرنگە‮”. ‬ئەو سەردەم ھەڤاڵان لە مەبەستی‮ ‬خوا لێخۆشبوو تێنەدەگەیشتن و ھەرکەسێک باسی‮ ‬شوێنێکی‮ ‬ناو ھەولێری‮ ‬بکردبا وەک بگوترابا زانکۆ گرنگە ئەو دەیگوت‮ “‬ئیحسا گرنگ ترە‮” ‬یان پەروەردە‮ ‬یان شارەوانی‮ ‬ئەو دەیگوت‮ “‬ئیحسا گرنگ ترە‮” ‬تا وایلێھات بگوترابا کارەبا و ئاوی‮ ‬ماڵان و نەخۆشخانە گرنگە ئەو دەیگوت‮ “‬ئیحساش گرنگە و کورینە لە‮ ‬یادتان نەچێ‮”‬،‮ ‬ تا وایلێھات ئەم بابەتە کەوتە گفتوگۆ لە نێوانمان منیش بە پێکەنینەوە گووتم بەلێ قسەی‮ ‬ھەڤاڵمان راستە،‮ ‬ئیحسا لە ھەمووی‮ ‬گرنگترە لە نەخۆشخانەش گرنگترە،‮ ‬ھەڤالان رووی‮ ‬پرسیاریان لە من کرد و گوتیان چۆن وا دەبێ و مەبەستتان چیە؟‮!! ‬وە چۆن دەبێ ئیحسا لە سەروی‮ ‬ھەموو شوێنەکانە تری‮ ‬خزمەتگوزاری‮ ‬بێت،‮ ‬زۆر سەیرە‮!.. ‬گوتم ھەڤاڵینە ئێوە مەبەستی‮ ‬ئەم ھەڤاڵەمان تێناگەن،‮ ‬ئەو بۆیە وا دەڵێت چونکە ماڵی‮ ‬خۆی‮ ‬بەرامبەر دائیرەی‮ ‬ئیحسایە و ئەو مەبەستی‮ ‬ئەوەیە حیمایە بۆخۆیی‮ ‬و ماڵ و منداڵی‮ ‬خۆی‮ ‬دابین بکات نەک بۆ ئیحسا‮!.‬
ئەوەبوو ئەو ھەڤاڵەمان خوالێیخۆش بێت گوتی‮ “‬خوا شاھێدە راست دەکات و بەس ئەو،‮ ‬ئەوەی‮ ‬ناو دڵی‮ ‬منی‮ ‬زانی‮”‬،‮ ‬ ھەڤاڵمان پیاوێکی‮ ‬دڵساف و راستگۆ بوو ھەزار رەحمەت لە گۆری‮ ‬نەیدەتوانی‮ ‬ئەوەی‮ ‬دڵی‮ ‬خۆی‮ ‬بشارێتەوە‮.‬
تا ئێرە گێرانەوەی‮ ‬حیکایەتێکی‮ ‬خۆشبوو ئەوەی‮ ‬لە دوای‮ ‬ئەو حیکایەتە مەبەستمە بیلێم ئەو سەردەمە لە دانانی‮ ‬کابینەی‮ ‬وەزارەتەکان لە حکومەتی‮ ‬خۆمان،‮ ‬خەریکە ھەمووی‮ ‬وەک ھەڤاڵەکەمان بکەن و‮ ‬یەکێک دەڵێت نەفت گرنگە؟‮!! ‬یەکێک دەڵێت شارەوانی‮ ‬گرنگە لە بیرمەکەن‮ !! ‬یەکێک دەلێ پەروەردە ئەوی‮ ‬تر دەڵێت دارایی‮ ‬بەھەرحال‮ ‬ھەرکەسەو گوێز لە ھەمبانەی‮ ‬خۆی‮ ‬دەژمێرێ‮ ‬و بە مەرامی‮ ‬خۆی‮ ‬قسە دەکات،‮ ‬ دەبا بپرسین کامیان گرنگ نین؟‮!! ‬ئایا وەزارەتی‮ ‬خوێندنی‮ ‬باڵا چی‮ ‬کەمترە لەوانەی‮ ‬کە گوتراون و دەگوترێن؟ لە واقیعدا خەریکە ئەم وەزارەتە لە بەر کەسانی‮ ‬بەرژەوەندی‮ ‬خوازی‮ ‬تایبەت ئەوەی‮ ‬تێدا نەمینێ ئەویش زانستە،‮ ‬ باشە با بزانین لە پەروەردە چیمان زیاد کردووە دەکرێ دەستکەوتەکان باس بکەین چین؟‮!! ‬قوتابخانەی‮ ‬ئەھلی‮ ‬و تیجارەت و تێکەلاوکردنی‮ ‬پەروەردە لە گەل بیرۆکەی‮ ‬سەرمایەداری‮ ‬زیاتر چی‮ ‬کراوە؟ جا جیاوازی‮ ‬چیە لە نێوان وەزارەتی‮ ‬پەروەردە‮ ‬یان خوێندنی‮ ‬باڵا،‮ ‬کامیان باشترن و گەر حوکم دەدرێ بە چ پێوەرێک پێوانەی‮ ‬بۆ دەکرێ کۆمپانیا و خاوەن زانکۆ و قوتابخانە ئەھلیەکان بازرگانی‮ ‬بێ بروانامەن ئەی‮ ‬شارەوانی‮ ‬کە دەگووترێ باشە بە چی‮ ‬باشە‮! ‬بە ملک و سەروەت و سامانی‮ ‬باب و باپیران‮! ‬کە تەخشان و پەخشان کراوە و دەکرێ؟‮ ‬یان وەزارەتی‮ ‬کار کە ھاوکاری‮ ‬مەزاجی‮ ‬بۆ گروپێک دەکا وە نەدانی‮ ‬بە گروپێکی‮ ‬تر بە بیانووی‮ ‬جۆراو جۆر‮.‬
بەراستی‮ ‬ئەم ھاش و ھیشە فلان شوێن باشترە لە فلان شوێن شتێکی‮ ‬بێ مانایە،‮ ‬ھەموو شوێنەکان گرنگن،‮ ‬بەلێ وەزارەتی‮ ‬پەروەردە زۆر گرنگە،‮ ‬ناوەخۆ گرنگ ترە،‮ ‬خوێندنی‮ ‬بالاش پیرۆزە،‮ ‬دارایش ئەساسە و داینەمۆی‮ ‬ھەمووانە،‮ ‬تەندروستیش پێداویستیەکی‮ ‬ژیانە،‮ ‬پێشمەرگەش شەرەف و کەرامەتمانە،‮ ‬شارەوانیش دوارۆژ و ئایندەمانە،‮ ‬ئەوقافیش رەوشت و رێنمایی‮ ‬و رێ نیشاندەرمانە و عەدلیش رێکخەری‮ ‬ژیان و بە دیھێنانی‮ ‬ئارامی‮ ‬و مافی‮ ‬ھەموومانە‮. ‬بەلێ ھەمویان گرنگن ھیچیان کەم نین‮ ‬یەک لە‮ ‬یەک گرنگترن پۆلین ناکرێن و لە دووتایی‮ ‬تەرازوودا وەک‮ ‬یەک نین،‮ ‬بەڵکو ئەرکەکان،‮ ‬جیاوازن بەڵام ھەمووی‮ ‬ئەندامی‮ ‬یەک جەستەن بەلێ ھەریەکێکی‮ ‬لەنگ بێ جەستەی‮ ‬کورد ھەمووی‮ ‬لەنگ دەبێ‮.‬
بەلێ دەبێ ئەم دەستەواژەیە بگۆرین فلان وەزارەت باشترە لە فلان‮! ‬نەخێر وانیە و بەئاگاین لە نییەتەکان و کارەساتە وابگوترێ ھەمووی‮ ‬گرنگن،‮ ‬بەلام گەر بگوترێ لە کاری‮ ‬گرنگتر دەگەرێین بیکەین ئەوکات دەبێ پیاوی‮ ‬گرنگ بۆ وەزارەتەکان دابنێین نەک وەزارەتی‮ ‬گرنگ بۆ پیاوەکان ببینینەوە،‮ ‬بەلێ دەبێ پیاو بۆ شوێن ببیننەوە،‮ ‬شوێن بۆ پیاو نەبینینەوە وەک بابەتی‮ ‬مەسەلەی‮ ‬دائیرەی‮ ‬ئیحسا تەنھا بەردەرگەی‮ ‬ماڵی‮ ‬خۆمان نەبینین،‮ ‬ئەگینا ئەوەی‮ ‬ماوەش تێکی‮ ‬دەدەین وەک ئەوەی‮ ‬ئێستا کردمانە و دەیکەین زانکۆی‮ ‬ئەھلی‮ ‬و قوتابخانەی‮ ‬ئەھلی‮ ‬بەکرێ دانی‮ ‬نادی‮ ‬کۆلیج حانوتی‮ ‬قوتابخانە بازارەکانمان دەکەین بە بازاری‮ ‬دەلال خانە‮. ‬بەلێ تکایە ھەمووی،‮ ‬بەلێ دائیرەی‮ ‬ئیحسا گرنگە،‮ ‬بەڵام ئەوانیتریش کامیان لە ئیحسا کەمترن‮!. ‬ھەر ناونیشانەو شوێنێک پیاوی‮ ‬خۆی‮ ‬بۆ پەیدا بکەین نەک بۆ کۆمەلێک پیاوێکی‮ ‬دیاریکراو‮. ‬بەلێ ھەمووی‮ ‬گرنگە و بە دەستی‮ ‬پیاوی‮ ‬گەورە و گرنگ جوانتری‮ ‬دەکەین دەبا پیاوی‮ ‬پیس لەسەر حسابی‮ ‬خێر و خێراتی‮ ‬ئەو میللەتە جوان نەکەین ھەمووی‮ ‬بە جوانان جوانتر بکەین‮!! ‬چونکە ئەوەی‮ ‬جوان نیە جوانکاری‮ ‬بۆ دەکەین ھەر ھێندە جوانن تا لە شوێنە جوانەکان لایان دەدەین‮.‬





ئەم هەواڵە 2881جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad