English | عربی | Kurdî دواهەواڵ
ڕاستەوخۆ  
 
ئێران بەچەكی نهێنی هەڕەشە لە ئەمەریكا دەكات
2019-07-03 [07:05 AM]

​ZNA – هەولێر


فه‌رمانده‌یەكی به‌رگریی ئاسمانی ئێران هۆشداریی ده‌داته‌ ئه‌مه‌ریكا و ده‌ڵێت: "ئێران چه‌كی نهێنی تایبه‌ت به‌خۆی هه‌یه‌ و به‌رگریی له‌ خۆی پێده‌كات".

ئه‌مڕۆ چوارشه‌ممه‌ 3/7/2019، ئاژانسی هه‌واڵی ته‌سنیمی ئێرانی له‌سه‌ر زاری ئه‌میر سه‌باحی، فه‌رمانده‌ی به‌رگریی ئاسمانی ئێران بڵاویكردووه‌ته‌وه‌ و ده‌ڵێت: "ده‌بێت ئه‌مه‌ریكا هیچ كاتێك ئه‌وه‌ی بیرنه‌چێت، هه‌میشه‌ هۆشداریی ده‌ده‌ینێ كه‌ نمایشی سه‌ربازی به‌رامبه‌ر ئێران به‌سه‌رچووه‌، چونكه‌ چه‌كی نهێنی تایبه‌ت به‌خۆمان هه‌یه‌ و به‌رگریی له‌ خۆمان پێده‌كه‌ین".

فه‌رمانده‌كەی هێزی ئاسمانی ئێران ئاماژەی بەوەش كرد: "راوه‌ستانی هێزه‌كانی ئه‌مه‌ریكا به‌رامبه‌رمان له‌ دووریی 200 میل له‌ناو ده‌ریاكاندا، به‌هۆی توانا و لێهاتوویی سه‌ربازیی هێزه‌ چه‌كداره‌كانی ئێرانه‌وه‌یه‌، چونكه‌ دوژمن ده‌زانێت ئاماده‌سازیی ئێران له‌ بواری سه‌ربازییدا بۆ تاقیكردنه‌وه‌ نابێت و ئه‌گه‌ر یه‌ك هه‌ڵه‌ بكه‌ن ده‌بێته‌ دوا هه‌ڵه‌ بۆیان".

سه‌باحی ده‌شڵێت: "ئه‌مه‌ریكا جێگای متمانه‌ نییه‌ چونكه‌ له‌ رووی سیاسییه‌وه‌ فشارێكی زۆر ده‌كات و هێزه‌ سه‌ربازییه‌كانی له‌ كه‌نداو گڵ  ده‌داتەوە و ده‌یه‌وێت مه‌رامه‌ خراپه‌كانی به‌سه‌ر گه‌لانی ئیراندا بكاته‌ واقیع و بیسه‌پێنێ، له‌لایه‌كی دیكه‌وه‌ ته‌پڵی شه‌ڕ ده‌كووتن و سزاكانی سه‌ر ئێران فراوان ده‌كه‌ن، دوای هه‌موو ئه‌وانه‌ش ناكرێت باوه‌ڕ به‌ ئه‌مه‌ریكا بكرێت و له‌گه‌ڵی بچینه‌ دانووستانه‌وه‌".

 





ئەم هەواڵە 5860جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad