English | عربی | Kurdî دواهەواڵ
ڕاستەوخۆ  
 
سلێمانی ... جێژوانی یاران داخرا‎
2019-07-03 [10:57 AM]

ZNA - هه‌ولێر


 

به‌هۆی هه‌بوونی منداڵی خوار هه‌ژده‌ساڵ و پابه‌ند نه‌بوونی به‌ مه‌رج و رێنماییه‌كانی كاركردن، لیژنه‌كانی قائیمقامیه‌ت كافتریای جێژوانی یاران داده‌خات.

قایمقامی سلێمانی له‌ راگه‌یه‌نراوێكدا كه‌ وێنه‌یه‌كی بۆ ئاژانسی هه‌واڵی زاگرۆی نێردراوه‌، باسی له‌وه‌ كرد، به‌هۆی هه‌بوونی منداڵی خوار هه‌ژده‌ساڵ له‌ شوێنه‌كه‌یدا و پابه‌ند نه‌بوونی به‌ مه‌رج و رێنماییه‌كانی ته‌ندروستی و گه‌شتوگوزار، لیژنه‌ی ریستۆرانتی سه‌ربه‌لیژنه‌ هاوبه‌شه‌كانی قائیمقامیه‌تی سلێمانی كافتریای جێژوانی یارانی داخست.

پێشتر‌ لیژنه‌ هاوبه‌شه‌كانی قائیمقامیه‌تی سلێمانی سه‌رجه‌م گازینۆ، كافتریا، كۆفی شۆپی كێشانی نێرگه‌له‌، فرۆشیاران و یانه‌كانی خواردنه‌وه‌ ئاگادار كراونه‌ته‌وه‌ رێگری له‌ منداڵی خوار هه‌ژده‌ ساڵ بكه‌ن له‌ هاتوچۆكردن بۆ شوێنه‌كه‌یان و نێرگه‌له‌ و خواردنه‌وه‌یان پێشكه‌ش نه‌كه‌ن، به‌پێچه‌وانه‌وه‌ شوێنه‌كه‌ روبه‌روی داخستن ده‌بێته‌وه‌.

جگه‌ له‌ هه‌بوونی منداڵی خوار هه‌ژده‌ ساڵ كافتریای جێژوانی یاران، پابه‌ند نه‌بووه‌ به‌ مه‌رج و رێنماییه‌كانی ته‌ندروستی و مۆڵه‌تی كاركردنی له‌ گه‌شتوگوزار وه‌رنه‌گرتووه‌ هه‌روه‌ها كامێرای چاودێری له‌ شوێنه‌كه‌یدا دانه‌ناوه‌ كه‌ یه‌كێكه‌ له‌ مه‌رجه‌كانی كردنه‌وه‌ی ئه‌و شوێنانه‌ بۆ كاركردن.

به‌بڕیاری قائیمقامی سلێمانی و له‌لایه‌ن لیژنه‌ی ریستۆرانته‌وه‌ شوێنه‌كه‌ی داده‌خرێت و خاوه‌نه‌كه‌شی روبه‌روی رێكاری یاسایی ده‌كرێته‌وه‌.

 

لیژنه‌ی ریستۆرانت یه‌كێكه‌ له‌ لیژنه‌ هاوبه‌شه‌كانی قائیمقامیه‌تی رۆژانه‌ سه‌ردانی ئۆتێل و مۆتێل و رستۆرانت و كافتریا و شوێنه‌ گه‌شتیارییه‌كان ده‌كات و له‌ سه‌رپێچییه‌كانیان ئاگاداریان ده‌كاته‌وه،‌ له هه‌بوونی سه‌رپێچیدا سزای ماددی ده‌درێن و به‌  دوباره‌ بوونه‌وه‌ی سه‌رپێچیه‌كه‌ی شوێنه‌كه‌ روبه‌روی داخستن ده‌كاته‌وه‌.





ئەم هەواڵە 3472جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad