English | عربی | Kurdî دواهەواڵ
ڕاستەوخۆ  
 
ئەوا مە دڤێت سەرۆک نێچیرڤان بارزانی گۆت و کرە کریار
2019-07-03 [11:42 AM]

نڤیسینا : غیاس خالد زێباری


لرۆژا ٢٣/٦/٢٠١٩ جەنابێ سەرۆکێ ھەرێما کوردستانێ نێچیرڤان بارزانی د رێو رەسمێن واژووکرنا یاداشتنامەیا لێکتێگەھشتنێ و ھەڤپشکیا دناڤبەرا ژۆرا بازرگانیا ھەرێما کوردستانێ و یا وەلاتێن ئێکگرتیێن ئەمریکادا ل ھەولێرا پایتەخت بەرھەڤ بۆ و گۆتارەک ئاراستەکر ، پشکداریا جەنابێ وی لڤێ چالاکیا ئابووری یا مەزن نیشانێ پشتەڤانیا جەنابێ وی یە بۆ گەرتێ ئابووری و پیشەسازی ، ھەروەسا ھاتنا ڤێ مەزنترین رێکخراوا ئابووری یا جیھانی بۆ ھەرێما کوردستانێ دەسکەفتەکە ھەری مەزنە بۆ ھەرێما کوردستانێ و نیشانێ پشتەڤانیا سەرۆکێ ھەرێمێ یە بۆ ڤان ھەردوو کەرتێن کریگەر بۆ ڤەژاندنا ئابوورێ وەلاتا و پێشڤەرچوونێن جڤاکی و سیاسی . 
چەندین ساڵە نەبوونا ژێر خانا ئابووری و پیشەسازی ل ھەرێما کوردستانێ گازندا سەرەکیا خەلکێ کوردستانێ نەخاسمە ئەوێن تایبەتمەند دڤان واران دا ، پەیوەندی و ئابوورێ بھێز ، سازیێن پیشەسازی و ھاتنا وەبەرھێنانا و پشتەڤانیا بەرھەمئینانێ ، بنەمایێن سەرەکیێن ئاڤاکرنا وەلاتێن بھێزە ، دڤێ گۆتارا کورتا سەرۆک نێچیرڤان بارزانی دا دیار دبیت جەنابێ وی ھزرەکا دووربین و کومپیوتەری دڤان بوواراندا ھەیە و پلانەکا مۆکۆم بۆ بھێزکرنا ژێرخانا ئابووری و پیشەسازی بۆ ھەرێما کوردستانێ دارشتیە ، ھاتنا ڤێ رێکخراوا ب مەلیونان کۆمپانی و سەرمایەدار و بازرگان و وەبەرھێنەران ل خۆ دگریت بۆ ھەرێما کوردستانێ ، نیشانێن ڤەکرنا ئاسوویێن گەشە بەرامبەر پاشەرۆژا کوردستانێ . 
تەکەزیا سەرۆکێ ھەرێمێ ل پێشڤەبرنا پەیوەندیێن بازرگانی لگەل ئەمریکا و وەلاتێن دەرڤە ، فاکتەر و رێخوشکەرن بۆ بنیاتنانا کوردستانەکا بھێز ژلایێ ئابووری و بارزگانی و جڤاکی ، ئەڤ پەیوەندیە شوورھەیەکا مۆکۆمن بۆ پاراستنا کوردستانێ و دابینکرنا پشتەڤانیا نیڤدەولەتی ژلایێ سیاسی ، لسەر ئاستێ نافخۆیی ژی شانێن ئابوورێ ھەرێمێ دێ گەھینتە وی ئاستێ خۆ لبەر  پێشھات و بوویەر و قەیرانان بگریت ئەوێن لسەر ھەرێمێ دھێنە سەپاندن ، ھەر وەکی لسالێن بووری ژلایێ حکومەتا عیراقێ ھاتینە سەپاندن . 
ھاتن و پشکداریا وەبەرھێنەرێن ئەمریکا و ئەندامێن ڤێ رێکخراوا مەزن ل ئاڤاکرن و پێشڤەبرنا کوردستانێ ، ژ ئەنجامێ بەستنا وان پەیوەندیانە ئەوێن لسەر دەستێ سەرۆک نێچیرڤان بارزانی لگەل ئەمریکا و جیھانێ ھاتینە بەستن و وێ سەقامگیریێ و تەناھیێ ئەوا ل ھەرێما کوردستانێ ھاتینە بەستن . باوەریا سەرۆکێ ھەرێمێ بکارێن ھەڤپشکێن بازرگانی و ئابووری و پیشەسازیێن دناڤبەرا ھەردوو ئالیان ، دەرگەھان بەرامبەر ھاتنا رێکخراو و کۆمپانی و بزنزمانیێن دیترێن جیھانێ ڤەدکەت بۆ ھەرێما کوردستانێ . 
ژلایەکێ دیتر ئەڤ چالاکیە و چالاکیێن دیتر یێن ئابووری دڤان کاودانان دا بۆ مە دیار دکەت سەرۆکێ ھەرێمێ ھەرێمێ ھەوەکا بەرفرەە بۆ قۆناغا پشتی شەرێ داعش بەرپا کریە ، ئەوژی قۆناغا ئاڤەدانکرنێ و ڤەژاندنێ یە ، بەردەوامی و سەرکەفتنا ڤێ قۆناغێ ، دێ ھەرێما کوردستانێ ژلایێ ئابووری و پیشەسازی گەھینتە ئاستێ وەلاتێن مەزنێن دەڤەرێ ، ھەرێما کوردستانێ ل کێشە و ڤەرێژێن قایرانا بووری و دارایی دەرباز بیت ، وەک بێکاری ، نەبوونا دامەزراندن و موچەیان ، ژلایێ ھاتنا بەرھەمێن بیانی ژی کۆ سالانە سەرمایەکێ زۆرێ کوردستانێ دچیتە دەرڤە ھەتا رادەیەکێ دێ کێمتر کەت ، چونکی کارگەھێن نافخۆ دێ ھێنە دامەزراندن ، ژلایێ جڤاکی ژی قۆناغا ئاڤاکرنەڤا کوردستانێ ، ئاریشا ئاکنجیبوونێ و کۆچا بەرەڤ باژاران ئەگەر چارە نەکەت دێ گەھینتە ئاستەکێ کێم . 
برەنگەکێ گشتی ئەو پرس و مژارێن سەرۆکێ ھەرێما کوردستانێ دوێ گۆتارا خۆدا ئاماژە پێ کری و لسەر راوەستای و بووینە بەرنامە و پلانێن وی ، ئەو پرس و ڕەخنە و گازندەنە ئەوێن خەلکێ کوردستانێ بەری نھو دکرن و ھیڤی خواز بوون ، رۆژا پراکتیزەکرنا وان ببینن و ببنە بەرنامێ دەسھەلاتداریا ھەرێما کوردستانێ .





ئەم هەواڵە 448جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad