English | عربی | Kurdî دواهەواڵ
ڕاستەوخۆ  
 
جۆرێ‌ سه‌ره‌دانا ئێكێ‌ بۆ به‌غدا
2019-07-03 [12:18 PM]

نڤیسینا : شێرزاد نایف


پشتی ماندیبوونه‌كا دوور و درێژ و ریێه‌كا پری ئاریشه‌ و ئاسته‌نگ و ئالۆزی ب سه‌ر هه‌رێما كوردستانێ‌ و گه‌لێ‌ وێ‌ راده‌بازبووین و گه‌لێ‌ عیراقێ‌ ژی ب گشتی، ئێدی ئه‌و ئه‌ڤرازی یێن به‌ر ب نشیڤی ڤه‌ دچن، و یا ژ هه‌میێ‌ گرنگتر ژی هه‌لبژارتنه‌كا سه‌رۆكێ‌ نوو بۆ هه‌رێما كوردستانێ‌، ئه‌ڤه‌ لاپه‌ره‌كێ‌ نوو هاته‌ ڤه‌كرن و مزگیینێن هه‌یڤا هنگڤی   مه‌ دیتن ل سه‌ر سه‌روسیمایێن مه‌زنه‌ به‌رپرسێ‌ عیراقێ‌، ل ده‌مێ‌ سه‌ره‌دانا سه‌رۆكێ‌ هه‌رێمێ‌ نێچیرڤان بارزانی و پێشوازیكرنا وی ژ لایێ‌ هه‌ر دێ‌ ده‌سهه‌لاتدارێ‌ عیراقێ‌ یێن سه‌ره‌كی ڤه‌، ئاماژه‌كا گه‌شبینیێ‌ بوو ژبۆ هه‌می خه‌لكێ‌ عیراقێ‌، ئه‌ڤ حنێره‌ هه‌می دزڤریت بۆ پلانا كه‌سێ‌ نێچیرڤان بارزانی یا ژ سه‌ربۆرا دوور و درێژه‌، چه‌ندی كۆسپ و ئاریشه‌ هاتینه‌ سه‌رێ‌ هه‌رێمێ‌ و مفایه‌كێ‌ زۆر ژ وان به‌رپرسێن به‌ری ده‌می و هه‌ر وه‌سا ئه‌و ره‌وشا سه‌خت، هه‌موو بوونه‌ سه‌ربۆرێن مفادار حه‌تا وی رادی جه‌نابێ‌ وی دزانیت ژ سه‌لیقا ده‌نگ و ره‌نگێن كه‌سێن دهێنه‌ سه‌ر ده‌ستهه‌لاتا عیراقێ‌ ئه‌ڤه‌ ژی میراته‌كێ‌ دێرین هه‌ژ سه‌رده‌مێ‌ مه‌لا مسته‌فا بارزانیێ‌ نه‌مر وه‌ره‌ ده‌ستپێكری، بوویه‌ عورفه‌ك ئه‌و دیالۆگ و  رێككه‌فتنێن دهاتنه‌ كرن یێن دوباره‌بووینه‌، له‌ورا ڤی سه‌رۆكێ‌ مه‌ یێ‌ گه‌نج باش زانی چاوا ده‌ستێ‌ خوه‌ دابنیته‌ سه‌ر كیژ برینێ‌ و ل كیڤه‌ بده‌ت!. له‌ورا هه‌ر ده‌ملده‌ست و د ئێكه‌مین رێككارا خوه‌ دا، قه‌ستا به‌غدا كر، چاوا به‌ری ده‌می ژی هه‌می بژاره‌ ل به‌ر سه‌رۆك وه‌زیرێن پێشین حه‌یده‌ر عه‌بادی گرتبوون، هه‌می هه‌جه‌ت لێ‌ براندبوون پشتی وان ئاریشه‌یێن دروستبووین و و ده‌ستێوه‌ردانێن وه‌لاتێن هه‌ڤسوی، جۆرێ‌ ڤێ‌ سه‌ره‌دانێ‌ پتر یا سیاسی بوو، ژلایه‌كێ‌ دی ڤه‌ ژی ژ نه‌خشه‌رێیا سه‌روه‌ریا كوردستانی یا سیاسی یا سه‌رۆكێ‌ وه‌زیرێن هه‌رێمێ‌ یێ‌ نوو مه‌سرۆر بارزانی یه‌ وه‌كو هه‌ڤپه‌یڤینا ل گه‌ل سه‌رپه‌رشتێ‌ گشتی یێ‌ فراكسیۆنا نشتیمانی د. ئه‌یاد عه‌لاوی و شاندێ‌ دگه‌ل دا، داگرتنا ڤالاهیه‌كا گرنگه‌ ل سه‌رانسه‌ری عیراقێ‌، ژ به‌ر سه‌نگا وی یا ب بها ل عیراقێ‌ وه‌كو سه‌رۆكوه‌زیرێ‌ خوله‌كا پێشین یا عیراقێ‌ و هه‌لویسیتێن وی یێن ئه‌كتیڤ ل گه‌ل كوردان، ژ لایه‌كی دی ڤه‌ ژی وه‌ك شیعه‌كێ‌ علمانی. ژلایه‌كێ‌ دی ڤه‌ ژی بزاڤێن سه‌رۆكێ‌ مه‌زن و لێڤه‌گه‌رێ‌ كوردستانێ‌  مسعود بارزانی وه‌ك په‌یوه‌ندیا ل گه‌ل بالیۆزێ‌ ده‌وله‌تا كویت و په‌یوه‌ندیێن دێرین د ناڤبه‌را گه‌لێ‌ كوردستانێ‌ و یی َكویتێ‌ دا، ئه‌ڤنه‌ هه‌می دێ‌ هه‌ولێرێ‌ ئێخیته‌ ل ژێر سیبه‌را چالاكیێن پێشچاڤ بۆ هه‌می ده‌ڤه‌را رۆژهه‌لاتا ناڤین و سه‌رۆكێ‌ وی یێ‌ نوو دێ‌ بیته‌ ئه‌گه‌رێ‌ ڤه‌بوونا لاپه‌ره‌كێ‌ گه‌شتر بۆ هه‌می ده‌ڤه‌رێ‌ و خورتكرنا ئاشتیێ‌ و به‌رقه‌راریێ‌ ل ده‌ڤه‌رێ‌. ئه‌و كه‌سێ‌ شیایی ئاریشه‌یێن هه‌می وه‌لاتان ل ڤێ‌ خالا گه‌رم سار بكه‌ت و نیشا هه‌میان بده‌ت كا سیاسه‌ت ل ڤێ‌ ده‌ڤه‌رێ‌ چاوا و ب چ ره‌نگ سه‌ردكه‌ڤیت، ئه‌ڤجا ئه‌ڤ هه‌ر سێ‌ سه‌ركرده‌ یێن خه‌مخۆر یێن رۆلێ‌ په‌لگازسكێ‌ دئینن یێن به‌رگریێ‌ ژ كوردستانه‌كا ئارام دكه‌ن كو پتر ده‌ستكه‌فتنان ب ده‌ستڤه‌بینن وه‌كو به‌ربه‌ستێن موكم كا چاوا ل رۆژێن هاتنا هێرشێن تیرۆری بۆ سه‌ر كوردستانێ‌ هه‌مان رۆلێ‌ وان یێ‌ كاریگه‌ر شیان مه‌ قورتال بكه‌ن، ئه‌ڤرۆ ژی هه‌ر ب وێ‌ گه‌رموگۆریێ‌ دی چنه‌ چاره‌سه‌ركرنا ئاریشه‌یێن هه‌رێمێ‌، ئه‌ڤا هاتیه‌ كرن ژی سامانه‌كێ‌ پێشین بوو گه‌رنتیێن هه‌ژینه‌، راسته‌ بۆ هه‌میان دیاربوو كو هه‌رێمێ‌ هێزه‌كا كاریگه‌ر هه‌یه‌ ئه‌وژی پێشمه‌رگه‌یه‌، ئه‌ڤرۆ ل دیوانا مه‌زنه‌ به‌رپرسا قه‌به‌ پێ‌ ناهێته‌ كرن ب ئاشتیێ‌ دهێته‌كرن، به‌لێ‌ هه‌می دزانن و یا بۆ وان هاتیه‌  سه‌لماندن كو وان پیلانێن مه‌زن یێن عه‌سه‌ركی سه‌رنه‌گرتن ل هه‌مبه‌ری پێشمه‌رگه‌ی، ئها ئه‌ڤه‌ سه‌ركێَشێن وی پێشمه‌رگه‌ینه‌، هینگی ژی سه‌رۆك مسعودا بارزانی ئه‌ڤ رۆژه‌ تێ ددیت له‌ورا پێشمه‌رگێ‌ خوه‌ ل رۆژا گۆینێ‌ راسپارد كو خوه‌ بۆ هێرشێن دوژمنی نه‌چه‌مینن و به‌رگریێ‌ ژ شه‌ره‌فا كوردان بكه‌ن، له‌ورا ئه‌ڤرۆ به‌ڕكێ‌ سۆر یێ بۆ سه‌رۆكێ‌ هه‌رێمێ‌ دهێته‌ رائێخستن و ب گول و نێرگزان پێشوازیێ‌ لێ‌ دكه‌ن.!!.





ئەم هەواڵە 1990جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad