|
 |
|
|||
ZNA-هه‌ولێر ئەمڕۆ بەکارھێنەرانی تۆڕی کۆمەڵایەتیی فەیسبووک و ھەردوو سەکۆی ئەلیکترۆنی ئینستاگرام و واتسئاپ لە سەرانسەری جیھان لەکاتی بەکارھێنانیان رووبەڕووی کیشەیەکی تەکنیکی بوونەتەوە. بەشێکی زۆری بەکارھێنەرانی ئەو تۆڕ و سەکۆیانە لە سەرانسەری جیھان ئاماژە بەوە دەکەن، رووبەڕووی کیشەی پۆستکردن و دانانی وێنە بوونەتەوە. لەکاتێکیشدا ھەندێکیان دەڵێت: زۆر بە ئەستەم دەتوانن بچنە ناو ھەژمار و پرۆفایلە تایبەتەکانیان، بەڵام تا ئێستا کۆمپانیای فەیسبووک ھیچ روونکردنەوەیەکی لەبارەی ئەو کێشەیە نەداوە. رۆژنامەی "زە سەن"ـی بەریتانی لەبارەی ئەو کێشەیە بڵاویکردەوە، بەشێوەیەکی سەرەکی بەکارھێنەرانی ئەوروپی و ئەمریکی رووبەڕووی ئەو کێشەیە بوونەتەوە. ئەمەش لەکاتێکدایە، پێشتر کۆمپانیای فەیسبووک رایگەیاندبوو، ھەوڵ دەدات ئۆفەری ناردن لە ھەرسێ سەکۆیەکە "فەیسبووک، ئینستاگرام و واتسئاپ" یەک بخات. دوایین جار کە خزمەتگوزارییەکانی کۆمپانیای فەیسبووک لەکارکەوتن، لە ١٤ی نیسانی ئەمساڵ بوو، کاتێک بۆ ماوەی چەند کاتژمێرێک بەردەوام بوو، دواتر خزمەتگوزارییەکان ئاسایی بوونەوە. ئەم هەواڵە 12874جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad