English | عربی | Kurdî دواهەواڵ
ڕاستەوخۆ  
 
ناردنی مامۆستا و قوتابی بۆ خوێندنی باڵا لە فەرەنسا دەست پێ دەکات
2019-07-03 [03:09 AM]

ZNA-هه‌ولێر


وەزارەتی خوێندنی باڵا و توێژینەوەی زانستیی حکوومەتی ھەرێمی کوردستان، لە ڕاگەیاندراوێکی فەرمیدا ئاشکرای کرد، بەپێی ڕێککەوتننامەیەک، ڕەوانەکردنی قوتابی و مامۆستا بۆ خوێندنی باڵا لە فەرەنسا دەست پێ دەکات.

ئەمڕۆ چوارشەممە ٣/٧/٢٠١٩، وەزارەتی خوێندنی باڵا و توێژینەوەی زانستی ڕاگەیاندراوێکی فەرمی بڵاو کردەوە و وێنەیەکی دەست ئاژانسی ھەواڵی زاگرۆس کەوتووە، تێیدا ھاتووە: "بەمەبەستی ئەنجامدانی پڕۆژەی ئەکادیمیی ھاوبەشی بەرنامەکانی (ماستەر – دکتۆرا – پۆست دکتۆرا – ڕاھێنانی ستافی ئەکادیمی و کارگێڕی و ئەندازیاری)، لەمانگی ئەیلوولی ئەمساڵ وەزارەتی خوێندنی باڵا و توێژینەوەی زانستی ڕێککەوتنامەیەکی ھاوبەش لەگەڵ باڵیۆزخانەی فەرەنسا – بەغدا بە نوێنەرایەتیی حکوومەتی ئەو وڵاتە واژۆ دەکات".

لە ڕاگەیاندراوەکەدا د. جوان جەلال شەریف، بەڕێوەبەری گشتیی فەرمانگەی نێردراوان و پەیوەندییە ڕۆشنبیرییەکان لە وەزارەتی خوێندنی باڵا و توێژینەوەی زانستی ڕای گەیاندووە: "وا بڕیارە لە مانگی ئەیلوولی ئەمساڵ وەزارەتەکەمان بە ھاوبەشی لەگەڵ باڵیۆزخانەی فەرەنسا بە نوێنەرایەتیی حکوومەتی ئەو وڵاتە، پڕۆژەی ئەکادیمیی (ماستەر – دکتۆرا – پۆست دکتۆرا – ڕاھێنانی ستافی ئەکادیمی و کارگێڕی و ئەندازیاری)، ڕێککەوتنامەیەکی ھاوبەش واژۆ بکات.


دەقی ڕاگەیاندراوەکەی وەزارەتی خوێندنی باڵا و توێژنەوەی زانستی:

بەمەبەستی ئەنجامدانی پڕۆژەی ئەکادیمی ھاوبەشی بەرنامەکانی (ماستەر – دکتۆرا – پۆست دکتۆرا – ڕاھێنانی ستافی ئەکادیمی و کارگێڕی و ئەندازیاری)، لەمانگی ئەیلولی ئەمساڵ وەزارەتی خوێندنی باڵا و توێژینەوەی زانستی ڕێککەوتنامەیەکی ھاوبەش لەگەڵ باڵیۆزخانەی وڵاتی فەرەنسا – بەغدا بە نوێنەرایەتی حکومەتی ئەو وڵاتە ئیمزادەکات.

(د. جوان جەلال شەریف) بەڕێوەبەری گشتی فەرمانگەی نێردراوان و پەیوەندییە ڕۆشنبیرییەکان لە وەزارەتی خوێندنی باڵا و توێژینەوەی زانستی ڕایگەیاند: وا بڕیارە لە مانگی ئەیلولی ئەمساڵ وەزارەتەکەمان بە ھاوبەشی لەگەڵ باڵیۆزخانەی وڵاتی فەرەنسا بە نوێنەرایەتی حکومەتی ئەو وڵاتە پڕۆژەی ئەکادیمی (ماستەر – دکتۆرا – پۆست دکتۆرا – ڕاھێنانی ستافی ئەکادیمی و کارگێڕی و ئەندازیاری)، ڕێککەوتنامەیەکی ھاوبەش ئیمزا بکات, بەڕێوەبەری گشتی نێردراوان و پەیوەندییە ڕۆشنبیرییەکان وتیشی بەشێوەیەکی گشتی مەرجەکان بریتین لەمانەی خوارەوە:

بۆ خوێندنی دکتۆرا پێویستە پێشکەشکار تەمەنی لە (٤٠) ساڵ زیاتر نەبێت، بۆ ماستەر پێویستە تەمەنی پێشکەشکار لە (٣٠) ساڵ زیاتر نەبێت، ھەروەھا خوێندن بە ھەردوو زمانی فەرەنسی و ئینگلیزی دەبێت و ئاستی زمانەکەش بەپێی سروشتی زانکۆ و پرۆگرامی خوێندنەکە دیاریدەکرێت, بۆ خولەکانی ڕاھێنانیش تەمەن وەک مەرج ھەژمار ناکرێت.

لەبارەی کاتی ئیمزاکردنی ڕێککەوتننامەکەی نێوان وەزارەتی خوێندنی باڵا و توێژینەوەی زانستی لەگەڵ وڵاتی فەرەنسا، (د. جوان جەلال شەریف) وتی: ئەم ڕێککەوتنە بۆ ماوەی ٣ ساڵ بەردەوام دەبێت و, وابڕیارە لەمانگی ئەیلولی ئەمساڵ ئیمزابکرێت, کە لە قۆناخی یەکەمدا بە مەبەستی ڕاھێنان توێژەرەکان ڕەوانە ئەو وڵاتە دەکرێن، لە قۆناخی دوەمیشدا یەکەم گروپی خوازیارانی دکتۆرا ڕەوانە دەکرێن و دواتریش قۆناخەکانی دیکەی ماستەر و پۆست دکتۆرا ڕەوانە دەکرێن.

سەبارەت بەخەرجی ئەم بەرنامانە، بەڕێوەبەری گشتی فەرمانگەی نێردراوان و پەیوەندییە ڕۆشنبیرییەکان ئەوەی ڕونکردەوە, کە تەواوی خەرجیەکانی ئەم بەرنامانە لە ئەستۆی حکومەتی فەرەنسا دەبێت، جگە لە بژێوی ژیان کە وەزارەتی خوێندنی باڵا و توێژینەوەی زانستی حکومەتی ھەرێمی کوردستان لەئەستۆی دەگرێت، ھەروەھا چاوپێکەوتنی خوازیاران لەڕێگەی لێژنەیەکی تایبەت ئەنجامدەدرێت، کە پێکھاتوون لە وەزارەتی خوێندنی باڵا و توێژینەوەی زانستی و نوێنەری باڵیۆزخانەی فەرەنسا.





ئەم هەواڵە 5416جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad