English | عربی | Kurdî دواهەواڵ
ڕاستەوخۆ  
 
ئیمزایه‌ك بۆ ڤه‌ژاندنا ئابۆرێ هه‌رێمێ
2019-07-04 [11:03 AM]

نڤیسینا : كارزان فه‌قى


ئه‌مریكا ئه‌و ئه‌و وه‌لاتێ خوه‌دى بهێزترینه‌ ل سه‌ر هه‌موو ئاستان، ئاستێ سه‌ربازى، ئابوورى، وه‌به‌رهێنان و چاندن ، هه‌روه‌سا ل سه‌ر ئاستێ پیشه‌سازى و ته‌نكنۆلۆژیا و گه‌له‌ك بیاڤێن دى، هێز و شیاێن ئه‌مریكا بوویه‌ ئه‌گه‌ر كو هه‌ڤپه‌یمان و دۆستێن ئه‌مریكا ژى د ره‌وشه‌كا باش و خوه‌ش دا بژێن، ل رۆژهه‌لاتا ناڤین ئه‌مریكات گه‌له‌ك دۆست و هه‌ڤپه‌یمان هه‌نه‌،‌ ته‌ماشه‌ى هه‌ر دۆسته‌كێ ئه‌مریكا بكه‌ین ، دێ وێ یه‌كێ بینین كو د ره‌وشێن خراب و نه‌ لبار دا ئه‌مریكا ب هانا وێ هاتیه‌ و ب تنێ نه‌هێلایه‌، ژ وان ژى كورد ل هه‌رێما كوردستانێ، ئه‌گه‌ر ژ سه‌رهلدانێ و تا نها ده‌ست پێ بكه‌ین، ئه‌مریكا هیچ ده‌مه‌كى دژى ڤێ قه‌وایه‌یا كوردان ل هه‌رێما كوردستانێ نه‌بوویه‌، سه‌ره‌راى كو دژ نه‌بوویه‌ ژى، ل ده‌مێن به‌رته‌نگى و قه‌یرانان ژى خوه‌ دیاركریه‌ و ده‌ستێ وێ یێ هاریكاریێ ل هه‌ولێرا پایته‌ختێ هه‌رێما كوردستانێ هاتیه‌ دیتن و هێزا وێ ژى هه‌م ل سه‌نگه‌رێن شه‌رى و هه‌م ژى  د بیاڤێ پێشخستنا كه‌رتێ ئابۆرێ هه‌رێما كوردستانێ رۆلێ خوه‌ دیتیه‌. ئه‌ڤ په‌یوه‌ندیه‌ كه‌نگى ده‌ستپێكر و ل كیژان ده‌مى وه‌رچه‌رخان ب خوه‌ڤه‌ دیت؟ بێگومان نێچیرڤان بارزانى، سه‌رۆكوه‌زیرێ به‌رێ یێ هه‌رێما كوردستانێ و سه‌رۆكێ نها یێ هه‌رێمێ رۆله‌كێ دیار د پێشخستنا ڤێ په‌یوه‌ندیا دناڤبه‌را هه‌رێما كوردستانێ و ئه‌مریكا دا گێرایه‌، ب ره‌نگه‌كێ ل سه‌رده‌مێ ده‌ه‌ستهه‌لاتا نێچیرڤان بارزانى دا وه‌كى سه‌رۆكێ حكو مه‌تا هه‌رێما كوردستانێ؛ په‌یوه‌ندیا هه‌ولێر و واشنتۆن گه‌هشتیه‌ بلندترین ئاست، تا راده‌یه‌كێ وه‌ها ده‌م بۆ ده‌مێ شاند و به‌رپرسێن بلندێن ئه‌مریكا ل هه‌رێما كوردستانێ دهاتن دیتن و ب هنارتنا كۆمپانیێن وان یێن وه‌به‌رهێنانێ، وه‌به‌رهێنانه‌كا مه‌زن ل هه‌رێما كوردستانێ هاته‌ كرن و ئابۆرێ ڤێ هه‌رێمێ و خه‌لكى ژى گهۆرینه‌كا به‌رچاڤ بخوه‌ڤه‌ دیت، دبیاڤێ سه‌ربازى ژى ب هه‌مان شێوه‌ و پتر ژى، د شه‌رێ داعشێ ئه‌مریكا ل گه‌ل وه‌لاتێن خوه‌ یێن هه‌ڤپه‌یمان پێشمه‌رگه‌ ب تنێ ل سه‌نگه‌رى بجهـ نه‌هێلان و ل ئه‌سمانێ ژى ب فرۆكه‌یێن خوه‌ پشته‌ڤان و هاریكارێ شه‌رێ دژى تیرۆرێ بوون، لێ بزاڤێن بهێزكرنا هه‌رێما كوردستانێ ب تنێ ل وى سه‌رده‌مى نه‌بوو ده‌ما نێچیرڤان بارزانى د حكومه‌تێ دا، به‌لكو بارزانی كو نها سه‌رۆكێ هه‌رێمێ یه‌، د پۆستێ خوه‌ یێ نوو ژى دا ده‌ست ژ وان بزاڤێن خوه‌ به‌رنه‌دایه‌ و داوى ده‌ركه‌فتنا وى ژى، د ئیمزاكرنا لێكتێگه‌هشتنه‌كا بارزگانى و ئابورى بوو دناڤبه‌را هه‌ردوو ژوورێن بازرگانیێن هه‌رێما كوردستان و ئه‌مریكا. ئه‌و لێكتێگه‌هشتن دێ بۆ هه‌رێما كوردستانێ چ كه‌ت؟ وه‌كو یا دیار ژوورا بازرگانی و پیشه‌سازیا ئه‌مریكا ئێك ژ مه‌زنترین ژوورێن سه‌ر ئاستێ جیهانێ یه‌ و خوه‌دان پترى سێ ملیۆن ئه‌ندامه‌ ژ كۆمپانیێن وه‌به‌رهێنانێ، هه‌روه‌كو سه‌رۆكێ هه‌رێمێ ب خوه‌ گۆتى: ئیمزاكرنا ڤێ لێكتێگه‌هشتنێ دێ ده‌رگه‌هى ل هه‌مبه‌ر سێ ملیۆن كۆمپانیان ڤه‌كه‌ت كو وه‌به‌رهه‌ێنانێ ل هه‌رێما كوردستانێ بكه‌ن. كه‌واته‌ وه‌به‌رهێنان ل هه‌رێمێ د ڤى ده‌مى دا ده‌ربازى قۆناغه‌كا نوو و وه‌رچه‌رخانه‌كا گرنگ دبیت. دێ بیته‌ ئه‌گه‌ر ژى هه‌موو ئه‌و شوونوارێن چار سالێن بۆرى ب ئه‌گه‌رێ قه‌یرانێ ل هه‌رێما كوردستانێ دروست بووین، به‌رزه‌ ببن و ئابۆرێ هه‌رێما كوردستانێ وه‌كو جاران و بهێزتر ڤه‌گه‌ریتەڤه‌





ئەم هەواڵە 2830جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad