English | عربی | Kurdî دواهەواڵ
ڕاستەوخۆ  
 
هه‌ولێر... داو و دەرمان بۆ كەمپەكانی پەنابەران دابیندەكرێت
2019-07-04 [11:19 AM]

ZNA - هه‌ولێر


 

 

داو و دەرمان بۆ كەمپەكانی پەنابەران دابیندەكرێت لەپڕۆژەیەكی هاوبەشی نێوان دەزگای خێرخوازیی بارزانی و دەزگای LDSی ئەمریكی دەرمان و پێداویستی تەندروستی پێشكەشی بنكەی تەندروستی كەمپەكانی پەنابەران لە پارێزگای هەولێر دابیندەكرێت.

ئەمڕۆ پێنجشه‌ممه‌ لە چوارچێوەی پڕۆژەكەدا دەرمان و پێداویستی تەندروستی بە ئامادەبوونی نوێنەرانە دەزگای LDS و دەزگای خێرخوازیی پێشكەشی بنكەی تەندروستی دارەشەكران كرا كە ئەم بنكەیە لە لایەن فەرمانگەی تەندروستی پارێزگای هەولێر بەڕێوە دەچێت.

سەبارەت بە پڕۆژەكە بەڕێز كێن ئاسای نوێنەری دەزگای LDS گوتی: "ئێمە پەیوەندییەكی زۆرباشمان لەگەڵ دەزگای خێرخوازیی بارزانی هەیە و چەندین پڕۆژەی هاوبەش بەیەكەوە جێبەجێدەكەین. ئەمڕۆش لێرەین هەتاوەكو دەرمان پێشكەشی پەنابەران لە كەمپی دارەشەكران بكەین و لە داهاتووشدا پڕۆژەكەمان بۆ كەمپەكانی باسرمە، كەورگۆسك و قوشتەپە بەردەوام دەبێت."

بەرێز دكتۆر عەباس سەرپەرشتیاری سێكتەری تەندروستی دەزگای خێرخوازیی بارزانی رۆڵی دەزگای LDSی بەرز نرخاند و سەبارەت بە پڕۆژەكە گوتی: "پێداویستییە پزیشكییەكان پێكدێن لە داو و دەرمان و پێداویستی تاقیگەو دەم و ددان و پێداویستی مانگێكی بنكە تەندروستییەكان پڕدەكەنەوە و بۆ ماوەی ساڵێك ئەم پڕۆژەیە بەردەوام دەبێت."

دەزگای LDS چەندین پڕۆژەی هاوبەش لەگەڵ دەزگای خێرخوازیی بارزانی بەڕێوەدەبات. لەڕێگەی پڕۆژەی چاودێری خاوەن پێداویستییەكانی تایبەتەوە ساڵانە ویلچەیر و عەكازەو رەوڕەوە و زۆر پێداویستی دیكەی كەم ئەندامان دابیندەكات.

 





ئەم هەواڵە 1681جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad