English | عربی | Kurdî دواهەواڵ
ڕاستەوخۆ  
 
هه‌ولێر وه‌كو پێدڤیه‌كا جیهانێ
2019-07-06 [01:11 AM]

نڤیسینا : كارزان فه‌قى


زۆرن كو دخوازن، پارته‌كا سیاسى، یان كه‌ساتیه‌كا سیاسى ب شكاندنا كوردستانێ بشكێن. گروپێن نه‌دیار و سۆشیال مه‌دیایێن سێبه‌ر و نیڤ زمانحالێ گه‌له‌ك پارتان، وه‌كو په‌له‌قاژه‌یا مرنێ خوه‌ د هه‌لاڤێن، ژ بۆ كوى ب نه‌شرینكرنا ناڤێ كوردستانێ و تێكدانا ئێمناهیا وێ فلان سه‌رۆك و بێڤان حزبێ كێم و شه‌رمه‌زان بكه‌ن. ل سه‌ر سنوران په‌كه‌كێ و گرۆپێن وێ وێ نوو گه‌فا تێكدانێ و هێرشكرنێ د ناڤا باژارێن هه‌رێما كوردستانێ دكه‌ن، دناڤا باژاران دا،  مه‌دیایا زۆنا -بێ خوه‌دان-  بووینه‌ پانزین و ئاگرێ بن پێن وان خوشتر دكه‌ن، لێ روودانێن ل سه‌ر ئاستێ هه‌رێم و ئیراقێ و جیهانێ چێدبن، تشته‌ك دى دبێژنه‌ مه‌ و هه‌موو به‌روڤاژی تێكدانا هه‌رێما كوردستانێ نه‌، وه‌كو هاته‌ دیتن پشتى 30 سالێن ڤه‌قه‌تیانا دناڤبه‌را ئیراقێ و جڤاتا ئاسایشا نێڤ ده‌وله‌تى، جاردن ئه‌ندامێن وێ جڤاتێ ل به‌غدایێ هاتن و ل گه‌ل نێچیرڤان بارزانى سه‌رۆكێ هه‌رێما كوردستانێ و شانده‌كێ ل گه‌ل دا كۆمبوون. هه‌لبه‌ت كۆمبوونا وێ جڤاتێ ل گه‌ل سه‌ركرده‌یێن هه‌رێما كوردستانێ خوه‌دى ئاماژه‌یێن تایبه‌تن، چونكى جڤاتا ئاسایشا ل گه‌ل سه‌رۆك وه‌زیر و سه‌رۆك كۆمارێ ئیراقێ ژى كۆمبوون، لێ چونكى ئه‌و ژى گه‌هشتینه‌ وێ باوه‌رێ به‌غدا نكاریت ل سه‌ر ئاستێ ناڤده‌وله‌تى بیبیته‌ نوونه‌رێ هه‌ولێرێ، وه‌كو هه‌ر جار ل گه‌ل سه‌رۆكێ هه‌رێما كوردسیتانێ ژى كومبوون و روونشتن هاته‌ كرن. كه‌واته‌ نێچیرڤان بارزانى سه‌رۆكێ هه‌رێما كوردستانێ ب وێ دبلۆماسیه‌تا ل سه‌رده‌مێ ده‌ستهه‌لاتداریا خوه‌ دا ل ده‌مێ سه‌رۆكێ حكومه‌تێ بكارئینایى، شیایه‌ ل سه‌ر ئاستێ جیهانێ وێنه‌یێ هه‌ولێرێ جودا ل گه‌ل به‌غدایێ نیشان بده‌ت كو هه‌رێم ئه‌و ده‌ڤه‌ره‌ خوه‌دى ئابۆر و وه‌به‌رهێنان و ئێمناهی و سه‌روه‌رى و سنورێ خوه‌ یه‌ ل گه‌ل وه‌لاتان، ئیدى هه‌ر گهۆرینه‌كا ل سه‌ر ئاستێ جیهانێ و د ئاریشه‌یێن ئه‌مریكا ئیرانێ دا چێدبیت، هه‌رێم دكاریت وه‌كو خالا چاره‌سه‌ر و ئه‌لته‌ر‌ناتیڤ بهێته‌ بكارئینان، بۆنموونه‌ مه‌زنترین گه‌فا نها دهێته‌ كرن، داخستنا گه‌روویا هۆرمزه‌، ب ڤێ یه‌كێ دێ ئاریشه‌یێن مه‌زن ژ بۆ هنارتنا په‌ترۆلا ئیراقێ بۆ بازارێن جیهانێ په‌یدا بیت، د ڤى ره‌وشى دا تاكه‌ رێكا گونجاى بۆ به‌غدایێ هه‌مان ئه‌و رێكه‌ كو نێچیرڤان بارزانى ب په‌یوه‌ندیێن خوه‌ ل گه‌ل توركیا دروست كرى كو ب بۆریا هه‌رێما كوردستانێ بۆ به‌نده‌رێ جه‌یهان ناڤداره‌. به‌غدا ژى ئه‌ڤ نیه‌تا خوه‌ نه‌ڤه‌شارتیه‌ و پشتى ل سه‌ر زارێ سه‌رۆكێ حكومه‌تا وێ ڤه‌ هاتیه‌ راگه‌هاندن: كو هه‌ر ئاریشه‌كا د رێكا په‌ترۆلا وان ل گه‌رۆیا هۆرمز دروست ببیت، ئه‌و بێ دوو دلى دێ به‌رێ خوه‌ ده‌نه‌ بۆریا په‌ترۆلا هه‌رێما كوردستانێ بۆ به‌نده‌رێ جه‌یهان یا توكرى. ژلایه‌كێ دیڤه‌ ئه‌و یه‌ده‌گا غازا سرۆشتیا هه‌رێما كوردستانێ دكاریت وێ ڤالاتیێ تژى كه‌ت كو ل ده‌مێ رێك ل غازا سرۆشتیا ئیرانێ دهێته‌ گرتن، چونكى ئیران ئێك ژ به‌رهه‌مهێنه‌رێن غازا سرۆشتیه‌ و نها پێدڤیه‌كا زۆر یا گه‌له‌ك وه‌لاتان بۆ غازا سرۆشتى دابین دكه‌ت. ژبه‌ر هندێ دێ بێژین، هه‌ولێر پێدڤیه‌كا گرنگ و خوه‌دان پێگه‌هه‌ بۆ جیهانێ





ئەم هەواڵە 1372جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad