English | عربی | Kurdî دواهەواڵ
ڕاستەوخۆ  
 
عه‌لیڕه‌زا تابێش: منداڵی ئه‌وڕۆ پێویستی به‌ ناوه‌رۆکی شیاوی وێنه‌یی هه‌یه‌
2019-07-07 [01:10 AM]

ZNA ـ تاران


عه‌لیڕه‌زا تابێش بەڕێوبەر و به‌رپرسی سی و دووهەمین خولی فیستیڤاڵی نێونه‌ته‌وه‌یی فیلمه‌کانی منداڵان و مێرمنداڵانی ئێران گوتی: فیستیڤاڵی فیلمی منداڵ و مێرمنداڵ له‌ به‌ره‌به‌ری چوونه‌ ناو چواره‌مین ده‌یه‌ له‌ ته‌مه‌نی خۆیدایه‌ و بۆته‌ دامه‌زراوه‌یه‌کی به‌هێز که‌ ره‌وتێکی دروست کردووه‌ و کاریگه‌ره‌.

 

به‌ پێی راپۆڕتی لێژنه‌ی په‌یوه‌ندییه‌کان و راگه‌یاندنی فێستیڤاڵی نێونه‌ته‌وه‌یی فیلمه‌کانی منداڵان و مێرمنداڵان، عه‌لیڕه‌زا تابێش له‌ کۆبوونه‌وه‌ی هاوبیریی ئه‌م فێستیڤاڵه‌ که‌ له‌ شاری ئیسفه‌هان به‌ڕێوه‌چوو، به‌ ده‌ربڕینی ئه‌وه‌ی که‌ فێستیڤاڵه‌کانی سینه‌مایی ئێران وه‌کوو فێستیڤاڵی فیلمی فه‌جر و فێستیڤاڵی فیلمی منداڵ و مێرمنداڵ له‌ به‌ره‌به‌ری چوونه‌ ناو ده‌یه‌ی چواره‌می ته‌مه‌نی خۆیاندان، راشیگه‌یاند: ‌فیستیڤاڵی نێونه‌ته‌وه‌یی فیلمی منداڵ و مێرمنداڵ به‌و پێشێنه‌ و رابردووه‌ی ئێستا دامه‌زراوه‌یه‌کی به‌هێزه‌ که‌ ره‌وتێکی دروست کردووه‌ و کاریگه‌ره‌ و تێپه‌ڕبوونی زیاتر له‌ سێ ده‌یه‌ له‌ ته‌مه‌نی ئه‌م فێستیڤاڵه‌، ده‌بێته‌ هۆی ئه‌وه‌ی که‌ ئه‌م رووداوه‌ له‌ گۆڕانکاری دووره‌په‌رێز نه‌بێت.

 

هه‌روه‌ها گوتی: گه‌شه‌ی وه‌ها فێستیڤاڵێک له‌مه‌دایه‌ که‌ له‌ گۆڕانکاری تێبگات و وێڕای وه‌فاداربوون به‌و بنه‌ما سه‌قامگیرانه‌ی که‌ هه‌ر فێستیڤاڵێک له‌ زاتی خۆیدا هه‌یه‌تی، بیر له‌ ئاڵوگۆڕ و پێشکه‌وتن بکاته‌وه‌.

 

تابێش له‌ به‌شێکی دیکه‌ی وته‌کانیدا جه‌ختی کرده‌وه‌: گرینگترین ئاڵوگۆڕ و پێشکه‌وتن، گۆڕانکاری و ئاڵوگۆڕ و پێشکه‌وتن له‌ شێواز و ستایلی ژیان و جۆری پێداویستییه‌کان و بیر و بۆچوونه‌کانی به‌رده‌نگه‌ سه‌ره‌کییه‌کانی ئه‌م فێستیڤاڵه‌ واته‌ منداڵان و مێرمنداڵانه‌.

 

سی و دووهەمین خولی فیستیڤاڵی نێونه‌ته‌وه‌یی فیلمی منداڵان و مێرمنداڵانی ئێران لە رۆژانی 19 تا 26ی ئاب 2019 له‌ دوو به‌شی "نه‌ته‌وه‌یی" و "نێونه‌ته‌وه‌یی"دا بە بەرپرسیاریی عەلیڕەزا تابێش لە ئیسفەهان بەڕێوەدەچێت.

 

مەنووچێهر جیهانی





ئەم هەواڵە 7840جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad