English | عربی | Kurdî دواهەواڵ
ڕاستەوخۆ  
 
بارزانی هێڤیا دهوکێ یە
2019-07-08 [11:07 AM]

نڤیسینا : رەمەزان نەسرەددین


گومان تێدا نینە کەتنا لسەر ئێک یا ئاریشێن خزمەتگوزاری و ئیداری  لسنورێ پارێزکەهەکا وەکو دهوکێ دەرهاڤێژێ وێ دبیتە هوکارێ گازندە و رەخنە و گلەیێن هاولاتیان و تا رادەیەکێ زور ژی خەلک مافدارە لسەر هەمی ئاستان گازندە و رەخنێن خو بکن ..
دهوک ئارامترین و پاکترین پارێزکەها کوردستان و عێراقێ یە چونکە خەلکێ دهوکێ خودان تایبەت مەندیەکا زور مەزنە ئەوژی حەزا وان بو ئارامیێ و پاقژیێ و پێکڤە ژیانێ هوکارێ سەرەکی بویە کو دهوک ببت ناسنامە لسەر گەلەک ئاستان بو نمونە پایتەختێ شەهیدان ..لێ بەداخەوە ئیدارا پارێزگەها دهوکێ یا سەرکەفتی نەبویە د چارەسەرکرنا کێشە و گرفتێن خەلکێ دهوکێ ل بیرا منە لدەمێ خودا نێچیرڤان بارزانی بو بەپرسێن دهوکێ دابوو دیارکرن کو خزینا دەولەتێ بو دهوک و خزمەتکرنا خەلکێ وێ یا ڤەکریە بەلێ نوزا ب چ هوکار بەرپرسێن دهوکێ نەشیان مفایێ ژ وی سەردەمێ زێرین وەربگرن و گەلەک ژ پروژێن ستراتیژی نەهاتن ئەنجام دان ..
لڤان روژان گازندێن خەلکی گەهشتی نە کوپیتکێ نەخاسمە هەمبەری وێ نەدادیێ یا هەمبەری دهوکێ دهێت کرن و پەناکەهێ ئێکانە کو خەلکێ دهوکێ باوەری پێ مایێ بارزانی یە و ئەڤرو بارزانی ئەو پەیام گەهاندە خەلکێ دهوکێ لەورا ئەم چاڤەرێ نە ب زوترین دەم کێشەیێن دهوکێ بهێنە چارەکرن کا چەوا لبەری نوکە هێڤیا خەلکی ب بارزانی زورا گەش بوو ئەڤرو ژی خەلک چاڤەرێ وێ هێڤین نە ژ نێچیرڤان بارزانی ..راستە هندەک هێز و لایەنێن سیاسی برێکا کەنال و پەیچێن خو ڤیاینە رەوشا دهوکێ بەرف ئاقارەک دی ڤە ببن بەلێ مە بەرسڤا وانژی هەبویە دبێژمە وان هێشتا هێڤیا گەلێ کورد نە ڤەمریە و خەلکی باوەری ب رونۆکێن هەوەیێن تیمساحا نەمایە ..
گەلەک پرسێن دیێن مەزن چاڤەرێ دەڤەرێ ب گشتی دکن و کوردستانێ ب تایبەت و دبیت تا رادەیکێ مەزن سەروکێ هەرێمێ مژیلی پلانێن مەزنتربیت بو پاراستنا قەوارێ هەرێما کوردستانێ ژ هەر هێرشەکێ دگەل هندی ژی پێویستە رەوشا خەلکی ژی پێش چاڤ بهێتە وەرگرتن و گازندێن خەلکێ دهوکێ ژ هەمی پەرلەمانتاران هەبووینە نەخاسمە وان هێز و لایەنان یێن دڤێن ڤان کێشەیان وەکو کەرستەکێ سیاسی بکاربینن هەر چ نەبوو باش بوو ئەگەر وانژی هەست بەرپرسارەتیا خو کربا بەرامبەری خەلکێ دهوکێ ..
خالا دن ئەوە داخویانیێن نە بەرپرسانە یێن بەشەک ژ بەرپرسێن دەڤەرێ پتر دلێ خەلکی دئێشینن چ لسەر پیڤەرێن ئاڤێ یان کارەبێ ..هتدد...و خەلکی تەحەمولا ئەڤان جورە داخویانیان نەمایە ژبەر هندێ پێویستە رێز ل هەمی داخازیێن خەلکێ دهوکێ بهێتە گرتن ..
دهوک دێ هەر ئەو کانیا زەلال بیت ل ئارامی و پێکڤەژیانا خەلکێ کوردستانێ و باشترین بەرسڤ ژی بو خەلکێ دهوکێ چارەکرنا ئاریشە و گازندە و داخازیێن وانن کو ئەف داخازیە کێمترین ماڤێن ژیانێ نە ..
بارزانی هێڤیا خەلکێ کوردستانێ بە ژبەر وێ هێڤیێ مە خەلکێ دهوکێ پێدڤی ب هەلویستێن وەیێن مەردانە هەنە .





ئەم هەواڵە 1312جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad