English | عربی | Kurdî دواهەواڵ
ڕاستەوخۆ  
 
بەشێک لە پارەی گەنمی ئەمساڵی جووتیاران گەیشتە هەرێمی کوردستان
2019-07-09 [12:08 PM]

ZNA- هه‌ولێر


بەڕێوەبەری گشتیی وەزارەتی بازرگانیی حکومەتی ھەرێمی کوردستان رایگەیاند، بەشێک لە پارەی گەنمی جووتیاران گەیشتووەتە ھەرێمی کوردستان و بڕە پارەکەش بە یەکسانی بەسەر پارێزگاکاندا دابەشدەکرێت.

نەوزاد ئەدھەم، بەڕێوەبەری گشتیی وەزارەتی بازرگانیی حکومەتی ھەرێمی کوردستان راگەیاند، بەشێک لە پارەی گەنمی جووتیاران کە ١٥ ملیار دینارە گەیشتووەتە ھەرێمی کوردستان و ئەو بڕە پارەیەش بەسەر پارێزگاکانی ھەولێر، سلێمانی و دھۆکدا دابەشدەکرێت و بە گوێرەی کاتی رادەستکردنی گەنمەکە بەسەر جووتیاراندا دابەشدەکرێت.

لە یاسای بودجەی عێراقدا بڕی ١٩٢ ملیار دینار بۆ وەرگرتنی گەنمی جووتیارانی ھەرێمی کوردستان جێگیرکراوە کە دەکاتە ١٢.٦٧%ی عێراق، تاوەکو ئێستاش وەرگرتنی گەنم بەردەوامە. نەوزاد ئەدھەم گوتی "بە زووترین کات پارەکە دەگاتە دەستی جووتیاران و ئەو ١٥ ملیار دینارەش تەنیا فەرمانی دابەشکردنەکەی ماوە''.

ئەمساڵ ١٠٠ھەزار تۆن لە ھەولێر، ١١٢ھەزار تۆن لە دھۆک، ٨٠ ھەزار تۆن لە سلێمانی، ٢٠ ھەزار تۆن لە ھەڵەبجە و  ٢٨ ھەزار تەن لە گەرمیان وەردەگیرێت، کە کۆی گشتی دەکاتە ٣٤٠ ھەزار تۆن.





ئەم هەواڵە 8776جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad