English | عربی | Kurdî دواهەواڵ
ڕاستەوخۆ  
 
ھندەک ژ حیبەتیێن کابینا ھەشتێ
2019-07-13 [08:02 AM]

نڤیسینا : غیاس خالد زێباری


کابینا ھەشتێ یا حکومەتا ھەرێما کوردستانێ بسەرۆکاتیا نێچیرڤان بارزانی جێگرێ سەرۆکێ پارتی و سەرۆک وەزیرێ کابینا بەرێ یا حکومەتا ھەرێما کوردستانێ لرۆژا ١٤ / ٦ / ٢٠١٤ دەرئەنجامێ ھەلبژارتنێن ٢١/٩/٢٠١٣   ھاتە پێکئینان ، ژبەر وێ سەربۆرا بەرێ یا سەرۆکێ حکومەتا ھەرێما کوردستانێ  چ وەک سەرۆکێ حکومەتێ و یان جێگرێ سەرۆکێ پارتی د وارێ سیاسی و کارگێری دا خەلکی باوەریەکا موکۆم بوێ کابینێ ھەبوو د کەرتێن جودا جودا دا نەخاسمە ژلایێ بسازیکرنا حکومەتێ و پێشڤەبرنێن ئابووری و ئاڤەدانیێ ، ئەز باوەرم ئەڤ ئەڤ کەرتە و چەندین کەرتێن دیتر ژی د کارناما سەرۆکێ حکومەتا نێچیرڤان بارزانی دا بوون کۆ د وان چار سالان دا رەوشا ھەرێما کوردستانێ ژ ھەمی ئالیان بەرەڤ گەشەبوونێ ببەت و چارەسەریا پرسێن گەندەلیێ و نەدادوەریێ بکەت . 
لێ ھەر زوو ئاریشە و ئاستەنگێن ھەری مەزن یێن سیاسی و ئابووری و لەشکری و نە تنێ لسەر ئاستێ نافخۆی ھەرێما کوردستانێ بۆ ھاتنە پێش لێ لسەر ئاستێ عیراقێ و ھەرێمایەتی . 
لێ دسەر ڤان ھەمی ئاریشە و ئاستەنگێن ھەری دژوار دا سەرۆکێ حکومەتا ھەرێما کوردستانێ نێچیرڤان بارزانی شیکارێن حیبەتی ئەنجام دان ، ئەڤ شیکارێن جەنابێ وی یێن ڤان سالا مینا وان شیکار و بەرھەمێن ھۆنەری و شوونواری نە یێن بەری بھزاران سالان بێ تەکنۆلۆژی ھاتینە کرن ، لڤی سەردەمی ھێشتا جھێ حیبەتیێ نە و کەس نەشیایە بگەھیتە وی ئاستی . 
ئەگەر نێچیرڤان بارزانی سیاسەتمەدارەکێ زێدە ھشیار و بلیمەت و کاریزمایی نەبا دڤان کاودانان دا ھەرێما کوردستانێ دا تۆشی مەزنترین شکەستنا سیاسی و ئابووری و لەشکری و ئێمناھی و جەماوەری و جڤاکی بیت و دوور نەبوو قەوارێ ھەرێما کوردستانێ ژناڤ چۆبا ...!  
چونکی لدەسپێکا پێک ئانینا وێ کابینێ گەفێن لەشکری یێن عیراقێ  بۆ داگیرکرنا کوردستانێ ب پشتەڤانیا ھندەک کەسایەتی و لایەنێن سیاسی وەک ئینانا ھێزا بناڤێ دیجلە بۆ باشوورێ کەرکووکێ و پاشان دەسپێکرنا ھێرشێن بەرفرەھێن تیرۆرستێن داعش بۆ سەر ھەرێما کوردستانێ کۆ مەزنترین و درندەترین ھێزا تیرۆرستیا جیھانی بوو و لەشکرێن وەلاتێن خۆدان سەروەری تۆشی مەزنترین شکەستن کری ، 
لدیفرا بڕینا بۆدجە و مۆچێ ھەرێما کوردستانێ ژلایێ حکومەتا عیراقێ دانانا گەماروویا ئابووری لسەر ھەرێمێ و گەماروویێن سیاسی ، تا گەھشتنە ھێرشێن لەشکری بۆ داگیرکرنا کوردستانێ ، سەرەرای ڤێ چەندێ تێکچوونا پەیوەندیێن پارتی و بزاڤا گۆڕان و ھەولێن سەرھەلدانا خۆنیشاندانێن جەماوەریێن بەرفرەە دژی حکومەتا ھەرێما کوردستانێ . 
ڤان ھەمی ئاریشە و ئاستەنگان رێگری لھەمبەر کابینا ھەشتێ یا حکومەتا ھەرێما کوردستانێ گرت بۆ بجە ئینانا بەرنامێ خۆ یێ ستراتیرژی ژلایێ کارگێری و ئابووری و سیاسی . 
لێ ب سیاسەتا ھەمە لایەنی یا سەرۆکێ حکومەتێ ھندەک کارێن حیبەتی ھاتنە کرن بۆ زاڵبوونا حکومەتا ھەرێما کوردستانێ بسەر وان ئاریشە و ئاستەنگان ، ژوانا . 
نەچارکرنا وێ ھێزا بناڤێ دیجلە بۆ داگیرکرنا کەرکووکێ و دەوروبەرێن وێ . 
ب پاڵپشتا خەلکێ کوردستانێ و سەرۆک مەسعود بارزانی ، حکومەتا ھەرێما کوردستانێ شیا دڤان کاودانێن دژوار دا پێتڤیێن پێشمەرگەھێن دابین بکەن و لەشکرێ زەبەلاحێ تیرۆرستێن داعشێ توشی مەزنترین شکەستن بکەت و پشتەڤانیا نیڤ دەولەتی ژی بۆ ھەرێما کوردستانێ دابین بکەت و پاشان سەرکەفتنا کوردستانێ بسەر پیلانا لەشکری یا حکومەتا عیراقێ یا ھێرشێن حەشدا شەعبی ب پالپشتیا وەلاتەکێ ھەرێمی  .  
پلانا نەچاریا ئابووری یا نێچیرڤان بارزانی بەرامبەر گەماروویا بسەر ھەرێما کوردستانێ ھاتیە سەپاندن سەرگرت وەک کێمکرنا خەرجیێن حکومەتێ و پاشکەفتکرنا مۆچێ مۆچە خۆران ، 
سەرکەفتنا سیاسەتا جەنابێ وی یا سەرخۆبوونا نەفتا ھەرێما کوردستانێ کۆ تا فاکتەرێ دابینکرنا داھاتێ کوردستانێ بوو , 
شکاندنا وان گەماروویێن سیاسی بسەر ھەرێما کوردستانێ و زڤراندنەڤا پێگەھێ ھەرێما کوردستانێ بۆ سەر ئاستێ نیڤ دەولەتی پشتی روودانێن شازدێ ئکتۆبەرا سالا ٢٠١٦ و سەرکەفتنا گەرا سەرەدانێن سەرۆکێ حکومەتێ بۆ ھژمارەکا وەلاتێن ئەورۆپی و ھەرێمی . 
رازیکرنا وەلاتێن جیرانێن کوردستانێ بۆ بەردەوامیا پەیوەندیێن سیاسی و بازرگانی و ئابووری و نەچوونا وان بەرەڤ داخازیێن دەولەتا عیراقێ . 
نەچارکرنا حکومەتا عیراقێ بۆ زڤراندنێ بۆ دیالۆگێ بۆ چارەسکرنا پرسێن لگەل ھەرێمێ لدیف دەستووری و راکێشانا سازیا نەتەوەیێن ئێکگرتی بۆ چارەسەرکرنا پرسا ماددێ سەد و چل . 
لێک نێزیکرنا ھێز و ئالیێن سیاسی یێن ھەرێما کوردستانێ و چارەسەرکرنا دناڤەبار واندا و درۆستبوونا ئێکرێزیێ . 
نەھێلانا پاشکەفتێ مۆچەی و دەسپێکرنەڤا پرۆژێن خزمەتگۆزای .
برەنگەکێ گشتی سیاسەت و پلان و بەرنامە و بریارێن نێچیرڤان بارزانی سەرۆکێ حکومەتا ھەرێما کوردستانێ ل کابینا ھەشتێ ل پێنج ساڵێن دەربازبوویی دا کۆ پێنج ساڵێن پڕی کێشە و ئاستەنگ بوون بشانازی دەرباز کرن و یا پڕی حیبەتی بوون و ئەگەر ئەڤرۆ خەلکەک گرنگیا وان نەزانیت لسالێن داھاتی خاندن و ڤەکۆلین دێ لسەر ھێنە کرن و نڤشێ داھاتی دێ حیبەتی مینن و بنە شاکار و سامانیێن نەتەوی و مینا کەسایەتیێن مەزنێن جیھانی ( بارزانی نەمر و سەلاحەددین ئەیوبی و ماندێللا و عومەر موختار و گاندی و کێسنجەر و .....  )  .





ئەم هەواڵە 2248جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad