English | عربی | Kurdî دواهەواڵ
ڕاستەوخۆ  
 
نێچیرڤان بارزانى و حكومه‌تا ئه‌لكترونى
2019-07-14 [07:46 AM]

نڤیسینا : دیندار مسته‌فا


خویا د جیهانگیریا ئه‌ڤرۆكه‌دا برێكا زانست و ته‌كنولوژیایێ هه‌ر تشت د هه‌مى سێكه‌ته‌رێن ژیانێ دا به‌ر ب گورین و گورانكاریان و بچوكبوونێ ڤه‌ دچیت، و رۆژ بۆ رۆژێ ئه‌ڤ گورین و به‌ره‌ڤ پێشچوونه‌ دبه‌رده‌وامن، نه‌مازه‌ د سیسته‌مێ ده‌وله‌تداریێ و برێڤه‌برنا ده‌وله‌تێدا. دهه‌میا سالێن بورى ب تایبه‌ت ل سه‌رده‌مێ ده‌ستهه‌لاتداریا رێزدار نێچیرڤان بارزانى دا و ب تایبه‌تر ژى د كابینا بوریا حكومه‌تا هه‌رێما كوردستانێدا ناڤبرى ب جدى كار ژبوى وێ چه‌ندێ كر كوحكومه‌ته‌كا ئه‌لكترونى دابمه‌زرینیت. ئانكو ب واتایه‌كا دى بێژین: د هه‌مى داموده‌زگه‌هێن میریدا مفا ژ ته‌كنولوژیا سه‌رده‌م بهێته‌ وه‌رگرتن، ژپێخه‌مه‌ت وێ چه‌ندێ كو خزمه‌تا هاولاتیێن هه‌رێما كوردستانێ پێ بهێته‌كرن و هاولاتى د ماوه‌یه‌كێ كورت دا كاروبارێن خو ب ئاسانى برێڤه‌ ببه‌ن د ناڤا داموده‌زگه‌هێن میریدا.
بیروكه‌یا دامه‌زراندنا ئه‌ڤێ حكومه‌تا ئه‌لترونى ژ كابینا بورییا حكومه‌تێ بۆ جه‌نابێ سه‌رۆكێ نهایێ هه‌رێما كوردستانێ دزڤریت. ئه‌ڤ بیروكه‌یه‌ بو ئه‌گه‌رێ وێ چه‌ندێ كو ئه‌ڤرۆكه‌ ل هه‌رێما كوردستانێ ل پارێزگه‌هێن هه‌رێمێ تا راده‌یه‌كێ زۆر سیسته‌مێ ئه‌لكترونێ بۆ برێڤه‌برنا كاروبارێن هاولاتیان بكاربهێت. بۆ نموونه‌ سیسته‌مێ بایومه‌ترى و ئه‌و سیسته‌مێ ئه‌لكترونیێ كو نها د رێڤه‌به‌ریێن هاتنوچونێدا دهێنه‌ بكارئینا زێده‌بارى چه‌ندێن رێڤه‌به‌رى و فه‌رمانگه‌هێن دیترێن حكومه‌تا هه‌رێمێ ب ئاوایه‌كێ گشتى ئه‌ڤ سیسته‌مه‌ دهێنه‌ بكارئینان. كو ئه‌ڤرۆكه‌ ل هه‌مى وه‌لاتێن پێشكه‌فتى ئه‌ڤ جورێ جورێ سیسته‌مى واته‌ حكومه‌تا ئه‌لكترونى بۆ برێڤه‌برنا كاروبارێن هاولاتیان دهێته‌ بكارئیینان. ب دیدا مه‌  بڤێ پێنگاڤا مودێرن حكومه‌ت دێ یا مفاداربیت هه‌روه‌كى د ئه‌ڤان خالێن خوارێدا مه‌ خویاكرین:
په‌یدابوونا شه‌فافیه‌تێ و دادمه‌ندیێ د برێڤه‌برنا كاروبارێن هاولاتیاندا.
رازیبوونا هاولاتیان ب ئه‌دایا حكومه‌تێ و پێشكێشكرنا خزمه‌ته‌كا مه‌زنتر و مودێرنیزمانه‌ بۆ هاولاتیێن خۆ.
زڤراندنا ده‌مه‌كێ زۆر بۆ هاولاتیان، كۆ به‌ریا نها هاولاتى ده‌مه‌كێ زۆر و ماندیبوونه‌كا زۆر د دیت ل ده‌مێ سه‌ره‌دانا وى بۆ ئێك ژ فه‌رمانگه‌هێن میرى. ئانكو ب واتایه‌كا دى هاولاتى دێ شێت هه‌ر لمال كاروبارێن خۆ برێڤه‌به‌ت برێكا ئه‌نترنێتێ.
فه‌رمانبه‌ر و كار ب ده‌ستێن فه‌رمانگه‌هێن میرى دێ ئاوایه‌كێ باشتر و ب ماندیبونه‌كا كێمتر ئه‌ركێ خۆ ئه‌نجامده‌ن.
ئه‌و قه‌له‌بالغى و جه‌نجالیا  نها ل رێڤه‌به‌رى و فه‌رمانگه‌هێن میرى هه‌ى نامینیت.
برێكا سیسته‌مێ ئه‌لكترونى دێ رێگرى ل گه‌نده‌لیێ و دیاردێن مینا ره‌وش و به‌رتیل وه‌رگرتنێ هێته‌ گرتن یا كێمكرن. 
ب هه‌بوون و جێبه‌جێكرن و گشتاندنا ئه‌ڤى سیسته‌مێ ئه‌لكترونى ل هه‌مى وه‌زاره‌ت و داموده‌زگه‌هێن میریدا. دێ حكومه‌ت متمانه‌ و باوه‌ریێ ل سه‌ر ئاستێن ناڤخویى ده‌رڤه‌ بده‌ستخو ئێخیت كو بازرگان و بزنس مه‌ن و سه‌رمایه‌دارێن ناڤخویى و ده‌رڤه‌یى پتر وه‌به‌رهێنانێ بكه‌ن و سه‌رمایێ خۆ ل هه‌رێما كوردستانێ خه‌رج بكه‌ن.
خاله‌كا دن یا گرنگى و هه‌بوونا ئه‌ڤى سیسته‌مى ب تایبه‌ت د سیسته‌مێ بانكیدا. دێ حكومه‌تا متمانه‌ و سه‌رنجا مه‌زنه‌ كومپانیێن ناڤخویى ده‌رڤه‌یى بۆ خۆ راكێشیت كو هه‌م وه‌به‌رهێنانێ و هه‌مژى سه‌رمایێ خۆ بپارێزن ل هه‌رێما كوردستانێ.
ئه‌ڤه‌ و زێده‌بارى چه‌ندین خالێن دیتر. كو بدیدا مه‌ ئه‌گه‌ر كابینا داهاتى یا هه‌رێما كوردستانێ ب ئاوایه‌كێ به‌رفره‌هتر و جدى تر كار لسه‌ر ئه‌ڤێ بیروكا زێرین بكه‌ت، ئه‌وا به‌ریا نها رێزدار نێچیرڤان بارزانى دكابینه‌یا بوریدا به‌رێ بنیاتى بۆ دانایى. دێ شێت ببیته‌ حكومه‌ته‌كا بهێزو شه‌فاف و دادمه‌ند و مودێرن و خزمه‌تگۆزار.





ئەم هەواڵە 2227جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad