English | عربی | Kurdî دواهەواڵ
ڕاستەوخۆ  
 
ئەم یێن ل فرەنسا
2019-07-15 [09:34 AM]

نڤیسینا : غیاس خالد زێباری


ھەبوونا پەیوەندیێن باش دناڤبەرا وەلاتان دا فاکتەرێن پاراستنا بەرژەوەندێن ھەڤپشکە ، وەلات و گەلێن بن دەست کۆ ھێشتا ب تمامیا مافێن خۆ شاد نەبووین ، زێدەتر پێتڤی ب ھەبوونا پەیوەندیان ھەیە نەخاسمە لگەل وەلاتێن بھێز وخودان دەسھەلات و ھەول بۆ ددەن داکۆ پشتەڤانیا سیاسی و ئابووری و کلتووری . ھەرچەندە ھەرێما کوردستانێ نیمچە ئازادی و قەوارێ خۆیێ رێڤەبرنێ ھەیە ، لێ بەردەوام پێتڤی ب پەیوەندیێن خۆرت لگەل وەلاتێن خودان بریار و دەسھەلات ھەیە لسەر ئاستێ جیھانێ ژبوی پارستن و پێشڤەبرنا ڤی قەوارەی ، چونکی ھەتا ئازادی و رزگاریا ئێکجاری نەبیت مەترسی دێ ھەر لسەر مینن ، ھەر وەکی لڤان ساڵێن داویێ دیار بووی . 

لەوما ھەرێما کوردستانێ گرنگیەکا زۆر دایە پەیوەندیێن لگەل وەلاتان و ھەوڵ داینە بەرژەوەندێن وەڵاتان لگەل بەرژەوەندێن کوردستانێ تێکەل بکەن و بۆ بەرژەوەندێن سیاسی مفای لڤان پەیوەندیان وەربگرن . 

کۆمارا فرەنسا ئێکەل ل پێنج وەلاتێن خودان مەزنترین بریارێن سیاسی لسەر ئاستێ جیھانێ و ئەنداما ھەمیشەیی یا جڤاتا ئاسایشا نیڤ دەولەتی یە . ھەبوونا ڤان پەیوەندیێن خۆرت یێن لگەل وەلاتێ فرەنسا مفایەکێ زۆر گەھاندیە ھەرێما کوردستانێ ژلایێ سیاسی و ئابووری و جڤاکی و ئێمناھی ، ئەڤەژی نیشانێ سەرکەفتنا سیاسەت و دبلۆماسیەتا ھەرێما کوردستانێ و حکومەتا ھەرێمێ یە .

ل سەرھەلدانا پیرۆزا گەلێ کورد یا سالا ١٩٩١ فرەنسا ئێکەم وەلات بوو پێشنیارا دەڤەرا دژە فرین کری بۆ ھەرێما کوردستانێ و بریارا ٦٨٨ ل جڤاتا ئاسایشێ بۆ پاراستنا ھەرێما کوردستانێ دەرخستی ، ئەڤ بریارە فاکتەرەکێ سەرەکیێ پاراستن و مانەڤا بەرھەمێ وێ سەرھەلدانا خەلکێ کوردستانێ بوو کۆ پەرلەمان و حکومەت و سازیێن خۆ برێڤەبرنێ بوون ،ھەر لوی دەمی پەیوەندیێن ھەرێمێ لگەل فرەنسا گەشە کرن و گەھشتنە ئاستێ سەرەدانا سەرۆکێ ڤی وەلاتێ مەزن ( فرەنسوا ئۆلاند ) بۆ کوردستانێ کوردستانێ ل ٢/١/٢٠١٧ کۆ ئێکەم سەرۆکێ وەلاتێن مەزنە بۆ سەرەدانا کوردستانێ بکەت ، ئەڤەژی دەسکەفتەکێ مەزنە  و حکومەتا ھەرێما کوردستانێ ، ڤان پەیوەندیان وەکریە کۆ ئەڤ وەلاتێ مەزن پویتەکێ باش ب ھەرێما کوردستانێ بدەت و بەردەوام پشتەڤانیا ھەرێمێ بیت ژلایێ سیاسی و چارەسەرکرنا قەیران و ئاریشەیان ، ئەڤەژی نیشانێ ھندێ یە کۆ رێزدار نێچیرڤان بارزانی  چ وەکی سەرۆکێ حکومەتا ھەرێما کوردستانێ و پاشان وەکی سەرۆکێ ھەرێمێ برەنگەکێ زانستی و سەردەمیانە گرنگی بڤان پەیوەندیان دایە و دارشتینە . 

ڤان پەیوەندیا وەکر کۆ فرەنسا ئێکەم وەلات بیت بۆ دەسپێشخەریا چارەکرنا کێشەیێن پشتی شازدێ ئکتۆبەرێ ، دیسان فرەنسا ئێکەم وەلات بوو ل وی دەمی نێچیرڤان بارزانی بانگھێشتا پاریسێ بکەت . 

ئەو پێشوازیکرنا گەرم و گۆرا ل نێچیرڤان بارزانی سەرۆکێ ھەرێمێ ژلایێ سەرۆکێ فرەنسا ( ئیمانۆئێل ماکرۆن ) لرۆژا ١٠ / ٧ /٢٠١٩  ھاتیە کرن ، نیشانێ دانپێدانێ یە ب قەوارێ سیاسی و کارگێریێ ھەرێما کوردستانێ ، چونکی پێشوازیەکا مینا سەرۆکێ ھەر وەلاتەکێ سەربەخۆ و خودان سەروەری بوو  و کۆمبوونێن لگەل سەرۆک ماکرۆنی و مەزنە بەرپرسێن وان بەڵگەنە کۆ لسەر دەستێ سەرۆک نێچیرڤان بارزانی ئەڤ پەیوەندیە گەھشتینە ئاستەکێ بلند و کەفتینە د خزمەتا پاراستنا بەرژەوەندێن ھەرێما کوردستانێ و بناغەکێ مۆکۆمێ پەیوەندیا ھاتیە دارشتن و ل قۆناغێن داھاتی ژی فرەنسا بەردەوام دێ پاڵپشت و ھاریکاریا کوردستانێ و رێخوشکرنە کۆ وەلاتێن دیتر ژی بڤی رەنگی بەرێ خۆ بدەنە کوردستانێ و ئەندازیارێ  ڤان پەیوەندیێن سەردەمانە و پەرژەوەند پارێز سەرۆک نێچیرڤان بارزانی یە ، دشێن وەسا ببینین ژبەر ڤان پەیوەندیا بەردەوام ئەم وەکی کورد ل فرەنساینە ، چونکی فرەنسا ئەڤ وەلاتێ ھەری مەزن لسەر ئاستێ جیھانێ بەردەوام د خەما کوردستانێ و خەلکێ وێ دایە . 

ل قوناغێن داھاتی ژی دێ ھەر پاڵپشت و ھاریکار بیت ، ئەڤەژی دەرفەتە بۆ پێشڤەبرنا دۆزا سیاسی و کارگێریا کوردستانێ لسەر دەستێ سەرۆک نێچیرڤان بارزانی .





ئەم هەواڵە 265جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad