English | عربی | Kurdî دواهەواڵ
ڕاستەوخۆ  
 
ئاگادارییەكی گرنگ لەبارەی بەرنامەكەی پیركردنی رووخسار
2019-07-15 [01:38 AM]

ZNA-هه‌ولێر


پسپۆرانی تەکنەلۆژی ھاووڵاتیانی جیھان لە مەترسییەکانی بەرنامەی زیرەکی (فەیس ئەپ) ئاگادار دەکەنەوە کە تایبەتە بە گۆڕینی شێوە و پیرکردنی رووخسار، رایدەگەیەنن کە بەرنامەکە چەندین کێشەی ناوەتەوە و پێشێلکاری دەرھەق بە خەڵک تێدا دەکرێت.


ماڵپەڕی (ئەی بی سی)ی ئەمریکی لە زاری پسپۆرانی گواستووەتەوە ئەو ئەپڵیکەیشنە کە لەم ماوەیەدا پێشوازییەکی گەورەی لێ کراوە لەلایەن بەکارھێنەرانی ئینتەرنێتەوە، بە ھۆیەوە رووخسار پیر دەکرێ یان گەنج دەکرێتەوە، مەترسی زۆر لەگەڵ خۆیدا ھەڵدەگرێت.


ئێستە ئەو ئەپڵیکەیشنە لە زۆربەی وڵاتانی جیھاندا، بە خۆڕایی لەسەر ئامێرەکانی ئایفۆن بەردەست کراوە و ڕۆژانە نزیکەی ٧٠٠ ھەزار کەس داونڵۆدی دەکەن.


بەرنامەکە پشت بە زیرەکی دەستکرد دەبەستێ و رووخسار لە وێنەکاندا بە شێوەیەک دەگۆڕێت، کە لە دوای چەندین ساڵ رووخسارەکە پێیبگات یاخود پێشتر وا بووبێت.


یۆرۆسلاڤ گۆنشارۆڤ داھێنەری ئەو بەرنامەیە دەڵێ لە گۆڕانکارییەکاندا پشت بە تۆڕێکی دەماری دەبەستن، بە جۆرێک ھەوڵ دەدەن رووخسارەکە رەسەنایەتی خۆی لەدەست نەدات.


بەڵام پسپۆران وای بۆ دەچن ئەم جۆرە بەرنامانە تایبەتمەندی کەسەکان پێشێل دەکات و وا لە مرۆڤ دەکات دۆخی ئێستەی شێوەی خۆی تێپەڕێنێ و لە ڕووی رووخسارەوە بە پێش کات بکەوێتەوە. جگە لەوەش خەڵکانێکی زۆر ھەن نایانەوێ ھیچ کەسێک لە ئێستەوە رووخساری داھاتووی ببینن و بڵاو بکەنەوە.





ئەم هەواڵە 5422جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad