English | عربی | Kurdî دواهەواڵ
ڕاستەوخۆ  
 
پەیوەندیێن هەولێر و پاریسێ
2019-07-18 [09:18 AM]

نڤیسینا : سوهەیب میکائیل


دناڤبەرا هەرێما کوردستانێ فەرەنسایێدا پەیوەندیێن دیرۆکی هەنە . دەسپێکا ئەڤان پەیوەندییان بۆ سەردەمێ شۆڕەشێن کوردی دزڤڕن ، دەمێ مستەفا بارزانی ب رێکا ئێک ژ رۆژنامە نڤیسێن رۆژنامەیا ( لۆمۆند ) ێ فەرەنسی نامەیەکێ بۆ سەرۆکێ فەرەنسا ڤڕێ دکەت و داخوازێ ژێ دکەت فڕۆکەیێن جەنگی نەفرۆشنە ئیراقێ چونکی ئەو هاولاتیێن سڤیلێن خوە پێ بۆردومان دکەن . هەروەسا ل کۆڕەوا ( ۱۹۹۱ )ێ تاقیکرنەکا مەزن بوو بۆ ژێک ڤاڤارتنا دۆستێن کوردا ، و د وێ تاقیکرنێدا فەرەنسا یێ سەرکەفتی بوو و رۆلەکێ مەزن دیت بۆ لۆبی کرنا دناڤبەرا کوردان و ئەنجومەنا ئاسایشا نێڤدەولەتی ، و داخوازکر کو کورد ل ئیراقێ بهێنە پاراستن . هەڤدەم دگەل ڤان بزاڤان بڕیارا دژەفڕینێ ل ئەنجومەنا ئاسایشێ هاتە دەرێخستن و دەڤەرەکا ئارام بۆ خەلکی هەرێما کوردستانێ دروست بوو . ل وێ ماوێ کو فرانسوا میتران سەرۆکایەتیا فەرەنسایێ دکر پەیوەندیێن دۆستانە دناڤبەرا کورد و ئەمریکایێ زێدەتر رەهێن خوە داکوتان و گەرمتر بوون . 
ل پشتی هێرشێن داعشێ بۆ سەر هەرێما کوردستانێ ل سالا ۲۰۱٤ ێ پەیوەندیێن هەولێر و پاریسێ زێدەتر بەرەڤ پێشڤە چوون ، فەرەنسا ئێک بوو ژ وان وەلاتان هەر زوو هاریکاریا هێزا پێشمەرگەی کر . هەروەسا ل رۆژا ۲ی کانونا دووێ ۲۰۱۷ فرانسوا ئۆلاند سەرۆک کۆمارێ فەرەنسا سەرەدانا هەولێرێ کر و پشتی کۆمبونێ دگەل بارزانی سەرەدانا بەریێن لە شەری کر. ب هێزیا پەیوەندیێن هەولێر و پاریسێ ل بوارێ دبلوماسی و سەربازی ل ماوێ بوری بویە ئەگەر کو فەرەنسا ئێکەمین وەلات بیت ئالایێ کوردستانێ هەڤبەش دگەل ئالایێ ئیراقێ ل پێشوازیا سەرۆک مەسعود بارزانی دانیت . بارزانی پێنچ جاران بشێوەیێ فەرمی ل کۆشکا ئیلیزێ پێشوازی لێ هاتیە کرن و جارەکێ ژی ب شێوەیێ نەفەرمی ل سەردەمێ فرانسوا میتران ، هەروەسا سەرۆکێ فەرەنسا دووجاران سەرەدانا هەرێما کوردستانێ کرییە . سەرباری گوهوڕینا سەرۆکێن فەرەنسا ، لێ دۆستایەتیا فەرەسا بۆ کوردان نەهاتە گوهوڕین . ئیمانوێل ماکرۆن سەرۆکێ نها یێ فەرەنسا ب هەمان گەرم و گوڕیا سەرۆکێن بەری خوە پشتگیریا خوە بۆ مافێن کوردان دەربڕی و ل سەردەمێ قەیرانێ ژی پەیاما خۆ گەهاندە بەغدا و گۆت : پێدڤیە سەرجەم مافێن دەستوریێن گەلێ کوردستانێ ب ماددێ ۱٤۰ ێ ژی بهێنە گرەنتی کرن . فەرەنسایێ بزاڤا چارەسەریا کێشەیێن هەولێر و بەغدایێ کرن و بانگهێشتی نێچیرڤان بارزانی کر بۆ کۆشکا ئیلیزێ و ڕۆلەکێ مەزن هەبوو ل شکاندنا ئابلوقەیا سەر هەرێمێ . ل دوماهیێ پەیڕەوکرنا سیاسەتا پراگماتیکانە ژلایێ نێچیرڤان بارزانیڤە گەمارۆیێن سیاسی هاتنە شکاندن . سەرباری دژایەتیا حکومەتا ئیراقێ لێ وەزیرێ دەرڤە یێ فەرەنسا سەرەدانا هەولێرێ کر و ئەڤەژی دەسکەفتەکێ مەزن بوو بۆ حکومەتا نێچیرڤان بارزانی . 
ل دوماهیک سەرەدانا نێچیرڤان بارزانی کو رۆژا چارشەمبیا بوری رێککەفتی ۱۰ / ۷ / ۲۰۱۹ ێ ب ترومبێلەکێ کو ئالایێ کوردستانێ و ئیراقێ پێڤەبوو ، گەهشتە کۆشکا ئیلیزێ و ژلایێ ئیمانوێل ماکرۆنی ڤە هاتە پێشوازی کرن . پشتی کۆمبونێ نێچیرڤان بارزانی گۆت : " پشتی دەست بکاربونا من وەک سەرۆکێ هەرێمێ ، ژلایێ کۆشکا ئیلیزێ ڤە هاتینە بانگهێشت کرن و مە کۆمبونەکا باش ئەنجامدا و مە بەحسێ پەیوەندیێن خوە ژلایێ سیاسی و ئابوریڤە کرن . " ب دیتنا چاڤدێرێن سیاسی نێچیرڤان بارزانی خودان پەیوەندیێن سیاسیێن بهێزە دگەل وەلاتێن جیران و دەرڤە . ژبەرهندێ دهێتە چاڤەڕێکرن کو ل سالێن داهاتیدا . ئەڤ پەیوەندین سیاسی پتر بەرەڤ پێشڤە بچن . گەلێ کورد خودان قوربانیدانەکا مەزنە ژ بۆ گەهشتن ب ئازادیێ ، ب هەمان شێوە گەلێ فەرەنسی ژی  د وێ رێکێدا قوربانیێن مەزن داینە ، هەروەسا هەردوو گەل بزاڤێ بو سەقامگیریا ئاشتیێ دکەن ، زێدەباری هەبوونا پەیوەندیێن دیرۆکی دناڤبەرا سەرکردە و سیاسەتمەدارێن هەردوو وەلاتان. دێ شین بێژین ئەڤ خالێن هەڤبەش بویە ئەگەرێ دروست بونا پەیوەندییەکا بهێز دناڤبەرا هەولێر و پاریسێ .





ئەم هەواڵە 2137جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad