English | عربی | Kurdî دواهەواڵ
ڕاستەوخۆ  
 
ئه‌مه‌ریكا به‌ ئۆپه‌راسیۆنی "گاردیان" رێڕه‌وه‌ ئاوییه‌كانی كه‌نداو ده‌پارێزێ
2019-07-20 [05:30 AM]

ZNA- ھەولێر


فه‌رمانده‌یی ناوه‌ندیی ئه‌مه‌ریكا ئاشكرای ده‌كات، ویلایه‌ته‌ یه‌كگرتووه‌كانی ئه‌مه‌ریكا سه‌رقاڵی ئاماده‌كارییه‌ بۆ ئه‌نجامدانی ئۆپه‌راسیۆنێكی سه‌ربازیی له‌ژێر ناوی "گاردیان" بۆ ئه‌وه‌ی رێگه‌ ئاوییه‌كانی ناوچه‌ی كه‌نداو و رۆژهةڵاتی ناوه‌ڕاست به‌گشتی بپارێزێت".

له‌ به‌یاننامه‌یه‌كدا ئاماژه‌ به‌وه‌كراوه‌، فه‌رمانده‌یی ناوه‌ندیی ئه‌مه‌ریكا كار بۆ پێشخستنی پرۆسه‌ی ده‌ریاوانی نێوده‌وڵه‌تی "گاردیان" ده‌كات، بۆ ئه‌وه‌ی چاودێری و ئاسایشی رێڕه‌وه‌ ئاوییه‌ سه‌ره‌كییه‌كانی رۆژهه‌ڵاتی ناوه‌ڕاست باشتر بكات و گه‌رێنتی جووڵه‌ی ده‌ریاوانی بكات، به‌تایبه‌تی پاش رووداوه‌كانی ئه‌م دوواییه‌ی ناوچه‌كانی كه‌نداو.

ئه‌و پرۆسه‌یه‌ به‌هۆی راگرتنی كه‌شتییه‌كی نه‌وتهه‌ڵگری به‌ریتانی له‌لایه‌ن سوپای پاسدارانی ئێرانه‌وه‌ له‌ رۆژی هه‌ینییه‌وه‌ ده‌ستیپێكردووه‌. هه‌رچه‌نده‌ ئێران ده‌ڵێت كه‌شتییه‌ به‌ریتانییه‌كه‌ بۆیه‌ راگیراوه‌ چونكه‌ پێوه‌ره‌ نێوده‌وڵه‌تییه‌كانی پێشێل كردبوو.

له‌و سه‌روبه‌نده‌دا ئه‌وه‌ش زانراوه‌، ریچارد سپنسه‌ر، هه‌ڵسوڕێنه‌ری كاروباری وه‌زاره‌تی به‌رگریی ئه‌مه‌ریكا، فه‌رمانی گواستنه‌وه‌ی یه‌كه‌یه‌كی سه‌ربازیی ئه‌مه‌ریكی داوه‌ بۆ سعوودیه‌، تا به‌رژه‌وه‌ندییه‌كانی ئه‌مه‌ریكا له‌ ناوچه‌ی رۆژهه‌ڵاتی ناوه‌ڕاست بپارێزن.

له‌ به‌یاننامه‌كه‌ی فه‌رمانده‌یی ناوه‌ندی ئه‌مه‌ریكادا هاتووه‌: "واشنتن له‌و ئۆپه‌راسیۆنه‌ ئامانجی سه‌قامگیركردنی ره‌وشی ده‌ریاوانیی و ده‌سته‌به‌ركردنی سه‌لامه‌تیی تێپه‌ڕینی كه‌شتییه‌كانه‌ به‌ ئارامی و كه‌مكردنه‌وه‌ی گرژییه‌ له‌ ئاوه‌ نێوده‌وڵه‌تییه‌كان له‌ سه‌رانسه‌ری جیهان و گه‌رووی هورمز و باب مه‌نده‌ب و كه‌نداوی عوممان".

به‌گوێره‌ی به‌یاننامه‌كه‌ی فه‌رمانده‌یی ناوه‌ندیی هێزه‌كانی ئه‌مه‌ریكا، واشنتن بۆ جموجووڵه‌كانی له‌ چوارچێوه‌ی ئه‌و ئۆپه‌راسیۆنه‌دا، هه‌ما‌هه‌نگی له‌گه‌ڵ هاوپه‌یمانه‌كانی ده‌كات تا گه‌رێنتی ئازادیی ده‌ریاوانی له‌ ناوچه‌كه‌ و پارێزگاریی له‌ رێڕه‌وه‌ ده‌ریاییه‌ ژیاریی و گرنگه‌كان بكه‌ن".





ئەم هەواڵە 4456جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad