English | عربی | Kurdî دواهەواڵ
ڕاستەوخۆ  
 
عێراق د ناڤبەرا دوو پایتەختێن شەڕ و ئابووریێ دا
2019-07-20 [08:13 AM]

نڤیسینا : سەعد مەلا میکائیل


ئابووری و بازرگانی و، بەرژەوەندێین دەولەتان د سەردەمێن نووگەر دا جهێ تەڤ پەیوەندیێن سیاسی و نەتەوەیی و ئولی گرتیە، ئەگەر دسالێن پاشین دا پەیوەنوویێن وەلاتان ل سەر بنیاتێ ئولی ئان نەتەوەیی هاتبان رێکخستن و هەڤڕکیا وانا ژی ب پیڤەرێن شەڕی بان، لێ نۆکە ئەو پیڤەر و پەیوەندی ل سەر بنەمایێن ئابووری و بازرگانیی یە و جهێ تەڤ پەیوەندیێن دن گرتیه. لەو فەرە هەر وەلاتەک ژ بۆی ب هێزبوونا خوە خوەدی ئابووریەکا سەربەخۆ و ئازاد بیت، داکو بکارت بەرژەوەندیا مان و هەبوونا خوە ب چەسپینت.
لەوا ئەم پەرەپێدانا چالاکیا ئابووری و بازرگانیا سەربخوە ل هەرێما کوردستانێ ژ لایێ نێچیرڤان بارزانی ب کارەکی خوەدی باندۆر دبینین بۆ ڕۆل و پێگەها هەرێما کوردستانێ و نیشاندانا هەرێمێ وەکە ناڤەندەکە ئابووری ل دەڤەرێ. پرۆسێسا ئابووریا سەربەخۆ ل کوردستانێ نە تەنێ پڕۆژەیەکە بازرگانی یە، بەلکو پرۆسێسا مان و هەبوونا هەرێما کوردستانێ یە د هاوکێشەیێن سیاسی و ئابووریا وەلاتێن ناڤین. دا ئەم میناکەکی بینن؛ ئەگەر نها ل پایتەختا عێراقێ بنێرین، ژبەرکو هێژاخوەی ئابووریا سەربەخۆ ژ دەست دایە و بڕیارێن وێ ل ناڤچەیێن دن و ل وەلاتێن دەردۆر تێ داین ژ بەر ڤێ یەکێ د هاوکێشەیێن ئابووری دوورکەتیە و پتر هەڤڕکی و ململانێ شەران ل وور تێ دیتن، ئەڤە بەروڤاژی پایتەختا هەرێمێ بوویە جهێ هەڤڕکیا ئابووری و بازرگانیێ. سەرکرداتیا هەرێمێ و نەخاسمە نێچیرڤان بارزانی ب لێزانانە کارین بەروڤاژی بەغدادێ، هەولێرێ بکەنە ناڤەندا ململانێن بازرگانی.
ب نێرین و خواندنا مە بۆ واقعێ هەیی، ئەم د شێین ڤێ نازناڤێ ژ هەردوو پایتەختان ب دانین ،، بەغداد پایتەختا هەڤرکیێن شەڕان و، هەولێر پایتەختێ ئابووریا رۆژهەلاتی،، چونکی ئەگەر بێت و ئەم  لێ بنێرین دەمێ شاندەکە سیاسی ئان بازرگانی سەرەدنا عێراقێ دکەت، ململانێن مەزهەبی (سوننی ـ شیعە) ئان هەڤرکیا شەرێ (ئیران ـ ئەمریکا)... ل وور ب رێڤە دچن و مژارێن چڤینێنە. لێ هەر هەمان وەفد دەمێ سەرەدانا کوردستانێ دکەن مژارا چڤینا وان ب گەلەمپەری ئابووری و بازرگانیە. باشترین میناک ژی ئەو یاداشتا د ناڤبەرا ژوورێ بازرگانیا ئەمریکا و هەرێما کوردستانێ هاتە ئیمزاکرن، کو دێ دەرگەهێ،،۳ملیۆن،، کۆمپانیایان ب سەر هەرێمێ و عێراقێ ڤەکەت و، هەولێرێ کەتە ناڤەندا بازرگانیا رۆژهەلاتا ناڤین. و د پلانا وان دا هەیە کوردستانێ د هند بیاڤان جهێ ئیرانێ بۆ هەناردەیێن وەلاتان بگریت و بەغداد ژی ئێکە ژ وان جهان. ئەگەر سەرنجێ بدەین نێچیرڤان بارزانی د گوتارا خوە دا ل ڕۆژا ئیمزاکرنا یاداشتێ ژ بۆ بەغدادێ گۆت (هوون دکارن ل ڤێرە هەرێما کوردستانێ مینا دەرگەهەکی مەزن ژ بۆ بازرگانیا بازاڕێ جیهانی بکاربینن). ئەڤەژی رامانا هندێ ددەت کو گازیەکە و واقع ژی دسەلمینت کو هەولێر دێ پایتەختا بازرگانی و ئینێرجیا ئەمریکا بیت ل دەڤەرێ.





ئەم هەواڵە 2188جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad