English | عربی | Kurdî دواهەواڵ
ڕاستەوخۆ  
 
فەره‌نسا ژ په‌رژانێ‌ پاراستنێ‌ بۆ گه‌شكرنێ‌
2019-07-21 [09:47 AM]

نڤیسینا : رێژین نهێلی


ل هه‌می ده‌م و ده‌لیڤه‌یێن به‌رته‌نگ مه‌ كوردان فەره‌نسا دیتیه‌ وه‌كو فریشته‌كی بۆ هاتیه‌  پێش و ئه‌م  ژ مه‌ترسیا دوژمن و نه‌حه‌زان پاراستینه‌، و ده‌ستێ‌ هاریكاریێ‌ و دلۆڤانیێ‌ بۆ مه‌ فرێكریه‌، دبیت هنده‌ك چاڤدێر وه‌سا ببین كو تشته‌ك د سیاسه‌تێ‌ دا نینه‌، ناڤێ‌ وی دلۆڤانی و عاتیفه‌، به‌لێ‌ ئه‌ورۆپا ژ هه‌میان نێزیكتره‌ بۆ ڤێ‌ ئێكێ‌، نه‌مازه‌ هه‌كه‌ بنیاتێ‌ وێ‌ هاریكاریێ‌ ئافره‌ته‌ك بیت، وه‌كو رێزدار" دانیال میته‌ران " ده‌مێ‌ ل رۆژا گۆینێ‌ یا پشتی سه‌رهلدانا پیرۆز 1991 د هاوارا مه‌ هاتی و كۆچا ملیۆنێ‌ ب سه‌ر مه‌دا هاتی و ئه‌و پێشنیارا خوه‌ یا مومكم ده‌ستپێشخه‌ری بۆ دژه‌فرینێ‌ ل هنداڤی هه‌رێما كوردستانێ‌ به‌ری كو ببیته‌ هه‌رێمه‌كا فه‌رمی و ئه‌وبوو بریارا به‌رنیاس یا 688 ل جڤاتا ئاسایشا نیڤده‌وله‌تی ب ره‌نگه‌كێ‌ نڤیسكی هاتیه‌ دان. بۆ ڤی ده‌می سه‌رۆكێ‌ هه‌رێما كوردستانێ‌ ب زانابوون ئه‌ڤ بژارده‌ ژێگرت و ل وی ده‌مێ‌ قه‌یران و ئاریشه‌یێن توند بۆ مه‌ په‌یدابووین و بۆیه‌را 16 ئوكتۆبه‌رێ‌ ئاریشه‌یێن هه‌رێمێ‌ چاه‌رسه‌ركرن و ده‌ستێ‌ خوه‌ دا به‌ر ئه‌زمۆنا هه‌رێما كوردستانێ‌ و قورتالكر ژ تێكده‌رێن كوردبوونێ‌، بوو ئه‌و په‌یامه‌ك بوو بۆ وه‌لاتێن زلهێز یێن هه‌موو كۆك بووین ل سه‌ر تێكدانا هه‌رێمێ‌، فه‌رەنسا وه‌كو وه‌لاته‌كێ‌ مه‌زن خوه‌ ل مه‌كره‌ خوه‌دان. یا ژ وێ‌ ب هه‌ولیستتر، سه‌ره‌دانا سه‌رۆكێ‌ پێشین فره‌نسوا هۆلاند بوو بۆ هه‌ولێرێ‌ و گه‌ریان ل سه‌نگه‌رێن پێشیێ‌ یێن پێشمه‌رگه‌ی ل به‌رامبه‌ر تیرۆرستێن داعش، ئه‌و ژی وه‌رچه‌رخانه‌كا دیرۆكی بوو، ژ بهایێ‌ هه‌رێمێ‌ بلندكر و رێبازا فرنسۆا میته‌ران و دانیال میته‌ران به‌ردوام كرن، ب ڤی ره‌نگی دلسۆزیا پلان و دستوور و ئه‌جینه‌ده‌یێن ده‌ستهه‌لاتێن خوه‌ دپارێزن. له‌ورا ئه‌ڤرۆ ژی وه‌كو سه‌رۆكه‌كێ‌ ده‌وله‌تا مه‌زن و ل كۆچكا ئه‌لیزێ‌ به‌رێز ماكرۆن پێشوازی ل جه‌نابێ‌ سه‌رۆك " نێچیرڤان بارزانی " كر و ل گه‌ل كۆمبوو. ئه‌و ب دروستاهی د دۆزا ره‌وا یا گه‌لێ‌ مه‌ یێ‌ كورد گه‌هشتینه‌ له‌ورا ژی ئه‌م ژ وێ‌ ره‌وشا ئاواره‌بوونێ‌ و برسێ‌ و ترسیێ‌ و گه‌له‌كێ‌ بنده‌ست و هه‌ژار ڤه‌گوهاستین بۆ هه‌رێمه‌كا وه‌ك وه‌لاته‌كێ‌ مه‌زن و په‌یوه‌ندی و پرۆتوۆلێن سیاسی و ئابووری و ره‌وشه‌نبیری و جڤاكی و ..هتد. له‌ورا مه‌ ژی گه‌له‌ك ب شاهی ئاهه‌نگا رۆژا نشتیمانی یا فه‌رەنسا ل هه‌ولێر ل گه‌ل كونسلخانه‌یا وه‌لاتێ‌ فەره‌نسا ساخكر و ب ئاماده‌بوونا سه‌رۆك" مسعود بارزانی " و ده‌سته‌یا سه‌رۆكاتیا په‌رله‌مانێ‌ كوردستانێ‌ و مه‌زنه‌ به‌رپرسێن هه‌رێمێ‌ و كونسل و ستافێ‌ كونسلخانا فەره‌نسی پیرۆزباهی ل هه‌ڤدو هاته‌ كرن، ئه‌ڤجا دبێژین ئه‌ڤ هه‌لویستێ‌ دیرۆكی و ژهه‌ژی یێ‌ كو هه‌تا ئه‌ڤرۆ یێ‌ به‌رده‌وام، كو فەره‌نسا خوه‌ كریه‌ په‌رژانێ‌ ڤی وه‌لاتێ‌ مه‌زلۆم، ئه‌م ب گه‌ل و حوكمه‌ت ڤه‌ ژبیر نه‌كه‌ین، ئه‌ز باوه‌رم ژی سه‌رۆكتیا هه‌رێما كوردستانێ‌ و كه‌سێ‌ سه‌رۆك "نێچیرڤان بارزانی" ئه‌ڤ هه‌لویسته‌ گرنگ نرخاندینه‌ و ب هیڤیێ‌ یه‌ رۆژه‌ك بهێت قه‌نجیێ‌ ب قه‌نجی به‌رسڤده‌ت. چونكو جه‌نابێ‌ وی ئه‌و ده‌رگه‌ه ب مالبات زانیه‌ و ئه‌م ب رێیا وی ده‌رگه‌هی گه‌هاندینه‌ كه‌نارێ‌ ئارام!!..





ئەم هەواڵە 2143جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad