English | عربی | Kurdî دواهەواڵ
ڕاستەوخۆ  
 
دوژمنێ پەکەکێ ل گوندێ مە نینە
2019-07-26 [06:13 AM]

نڤیسینا : بارین نهێلی


سەد سالا بەرى نهو رێكەفتنا سایكس بیكو هاتبو ئیمزاكرن كو ئێك ژ بڕگێت وێ دابەش بوونا مەزنترین دەولەتا كوردى بو بۆ چوار پارچا راستیەكا حاشاهەلنەگره كوردستانا باكوور ل توركیا كوردستانا رۆژهەلات ل ئێرانێ و كوردستانا رۆژ ئاڤا ل سوریا و كوردستانا باشوور ل كۆمارا عێراقێ یه هەر ئێك دچارچوڤێ دەولەتێ دا سیاسەتا خو دكەتن تاكه پارچه كو بوویه هەرێمەكا سەربەخۆ باشوور بوو ل عێراقێ ئەوژى ب سیاسەتا سەرۆك مەسعود بارزانى و نێچیرڤان بارزانى سەرۆكێ هەرێما كوردستانێ و مەسرور بارزانى سەرۆكێ حكومەتا هەرێما كوردستانێ یه، هەرێمەكه خودان یاسا و پەرلەمان و حكومەته . خوەزییا هەر تاكەكێ كورده هەرسێ پارچێن مایی ژى ببنه هەرێم و دەولەتا سەربەخۆ هەبیتن لێ چاوا ؟
سیاسەتا راست و دروست دیر ژ كارێن تێكدەرانه و تیرۆرى رەگەزپەرستى هەرێما كوردستانێ ب خوینا هزارەها شەهیدا و گەنج و رولێن كورد ب دەهان شورەش و داستانا هەر ل سەر دەمێ مەلك فیصل و عەبدولكەریم قاسم هەتا سەدامێ دكتاتور خەباتەكا ب وەجان و بەردەوام هاتە کرن. هەتا شیای ئەڤرو ب دەست خوڤه بینیت ، ل رۆژهەلاتا ناڤەراست ب گشتى و ب تایبەتى ل عێراق و سوریا و توركیا و ئێرانێ بارودوخەكێ هەستیار و ناسك ب رێڤەیە، هەرێم ژى بێ بار نەبویه ژ ڤان بارودوخان. نویترین نەخوشی شەرێ داعشێ یێ چەپەل بوو لێ ئالیێ دی یێ خرابکرنا رەوشا ئێمناهیا هەرێمێ حزبا پەكەكێ یه حزبەكا چەكدار و بێ پاشەرۆژ یاگرێدایه سیاسەتا رۆژانه ڤه ب سعەتا سیاسەتاوێ دهێتە گهۆرین و هیچ ستراتیژیەک د ناڤدا ناهێتە دیتن، نها ژی داردەستێ دەولەتێن جیرانایە و بوویه سترى بۆ هەرێمامه . نها کو دبینین بۆ چەندین سالانە هاتیه ناڤا هەرێما کوردستانێ بێ كو چ ئارمانج هەبن خرابی زێدەتر، رۆژانه تۆپبارانا دەولەتا توركیا ل سنورێن مه ب مەرەما هەبوونا چەکدارێن  پەكەكێ یه هاوولاتی شەهید دبن مال و مولك ئاڤەدان نابن گوند چول دبن بۆ نمونه تنێ ل دەڤەرداریا ئامێدیێ 366 گوند یێت هەیین 100 گوند تنێ ئاڤەدانن ، سیاسەتا پەكەكێ و ئاخا پەكەكێ نه ل هەرێما کوردستانێ یە،  بەلكو ل باكوره. باژێرێن باكوور بلا رزگاربكەن ئامەد، دیاربەكر و...هتد.
 نێچیرڤان بارزانى سەرۆکێ بەرێ حکومەتا هەرێمێ و سەرۆکێ نها یێ هەرێمێ زورجاران ناڤ بژیڤانى ناڤبەرا توركیا و پەكەكێ دا كریه و ئاگربەست راگەهاندیه. هەروەسا د نووترین پێشهاتدا مەسرور بارزانى ئاماژه ب هیوركرنا بارودوخێ سیاسەتا پەكەكێ و توركیا كریه ، ئەڤا پەكەكه دكەتن یا دروست نینه شینا ئالوزیێ بۆ هەرێمێ چێكەتن  و مینیته شنگالێ و دەڤەرێن فەقەتیای بلا بچن كوردستانا باكوور ئازادبكەن هەرێمێ رێساویاسا و پێشمەرگەهێ خویێ هەی خودان ئارمانجه .ج تشت ب شەرى ناچنه سەر.بەلکو ب دانوستاندن و گفتوگو ل سەر مێزێ دێ گەهیه هەمى ئارمانجێن خو .زیانێن شەری پتره ژ باشیێن وێ ل سنورێن هەرێمێ هاوولاتى نەشێت كشتوكالی بكەتن دەخل و دەرامەتێ خو ئاڤەدان كەتن ژ بەر توپبارانا دەولەتا توركیا هەلبەت نه ئامادەبوونا پەكەكێ ل كوردستانێ چ هێجەت نامینن توركیا توپبارانا هەرێمێ بكەتن هەتا نهو بس هاولاتیێن ئاسایى ٦٧ كەس شەهید بووینه .هیڤیدارین دڤی بارودوخى هەستیار دا هەمى حزب و لایەنێن سیاسی ببنه ئێك دەست بچیكترین خەلەتى مەزنترین دەست كەفته بو دوژمنێ مه . دوژمنێن مه دزورن تنێ ئێك گرتن و ئێك رێزى و ئێك گوتارا سیاسی دێ بنه پالنەر بۆ گەهشتنا هەر ئارمانجەكێ.





ئەم هەواڵە 1144جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad