English | عربی | Kurdî دواهەواڵ
ڕاستەوخۆ  
 
تیرۆر نکاریت پەیوەندیێن کۆنکریتی تێکبدەت
2019-07-26 [06:29 AM]

نڤیسینا : حسێن شنگالی


هەرچەندە پەیوەندیێن هەرێما کوردستانێ و تورکیا ب شێوەیەکی فەرمی دزڤرن بۆ قۆناغا پشتی شکەستنا رژێما بەعس ، ب تایبەت ل سالا ۲۰۱۱ دەمێ رەجەب تەیب ئەردۆگان سەرۆک وەزیرانێ وی دەمی یێ تورکیا سەرەدانا هەرێما کوردستان کری و پشکداربووی ل رێورەسمێن ڤەکرنا فرۆکخانەیا نیڤدەولەتی یا هەولێرێ پەیوەندی بەرەڤ پێش چوون .
لێ پشتی رێزدار نێچیرڤان بارزانی سەرۆک وەزیرێن وی دەمی یێ هەرێما کوردستانێ ل دویڤ بەرنامەیەکی دارشتی دەست ب مووکوم کرنا پەیوەندیان کر ل گەل تورکیا ئێدی ب شێوەیەکی بەرچاڤ پەرەسەندنەک ل پەیوەندیێن ناڤبەرا هەردوو لایان دا چێبوو ، و نێچیرڤان بارزانی ب دروستکەرێ ڤێ پەیوەندیێ دهێتە نیاسین ، ژبلی کو نێچیرڤان بارزانی ئەندازیارێ ئاڤەدانیا ناڤخۆیا هەرێمێ بوو ، هەروەها ئەندازیار و دارێژەرێ پەیوەندیێن دیبلۆماسی یێن بهێز بوو ل گەل جیهانا دەرڤە و هێزێن هەرێمی ب تایبەت تورکیا کو هیچ کەسەکی چاڤەرێ نەدکر رۆژەکێ ژ رۆژان ب ڤی شێوەیێ زەبەلاح ئالۆگۆریا بازرگانی و پەیوەندیێن دیبلۆماسی ل گەل تورکیا بهێنە دامەزراندن .
بێ گومان ئەڤ پەیوەندییە ل ژ دەستپێکێ تا رۆژا ئەڤرۆ ئەڤراز و نشێڤێن زۆر دیتینە ، لێ حیکمەت و لێهاتووییا نێچیرڤان بارزانی ژ هندێ مەزنتر بوو کو ئەڤ پەیوەندیە ل سەر ئالۆزیەکا بچووک بهێنە برین ، بەلکو ل نێچیرڤان بارزانی ل سەر وی بنەمایی کارکر کو ئێدی تورکیا خۆ ب خۆ گرنگیێ ب ڤان پەیوەندیان بدەت ژبەر کێشانا بۆریێن نەفتێ و ئینانا ژمارەیەکا زۆر یا کۆمپانیێن زەبەلاح بۆ کوردستانێ و ....هتد ، راستە زۆر ل کاودانێن کوردستان تێ را بۆری و گەلەک رەفتارێن کوردستانێ زیانبەخش بوون بۆ ئاسایشا نەتەوەیا تورکیا و گرنگترین تشت ریفراندۆما سەربەخۆییا تورکیا بوو ، لێ سەرەرای هندێ تورکیا ئەڤ پەیوەندیە نەبچراندن بەلکۆ زێدەتر گرنگی پێ دا .
ئەوا ل ڤێ دوماهیێ هەول بۆ دهێتە دان ژ لایێ پەکەکە و چەندین رێکخراوێن دی ڤە بۆ بنبرکرنا ڤان پەیوەندیان تا رادەیەکێ کارێ خۆ کر ، و هەول دان ب کریارەکا تیرۆریستی بشێن دیپلۆماتکارەکی تورکی ل هەولێرا پایتەخت بکوژن ، بوو جهێ دڵگرانیا تورکیا و ل بەرامبەردا حکومەتا تورکیا هژمارەکا گەشتیارێن کورد دەستەسەرکرن ، خەریک بوو ئەڤ پەیوەندیە بەرەڤ ئاقارەکی خراب بچیت و بارودۆخ ئالۆزبن ، لێ ئەوا جهێ دلخۆشیێ ئەوە کو کوردستانێ سەرۆک هەرێمەک مینا نێچیرڤان بارزانی هەیە کو هەمیشە ب حیکمەت و لێهاتوویی و زیرەکیا خۆ بارۆدۆخ راگرتن و ب هەولێن بێ بچران یێن جەنابێ وی گەشتیارێن کورد هاتن ئازادکرن ل تورکیا .
لەوا ئەم دشێن بێژن رێزدار نێچیرڤان بارزانی سەرۆکێ هەرێما کوردستانێ ئەندازیارێ ئاڤەدانیێ ، ئاشتیێ ، دیپلۆماسیەتێ یە و هەمیشە کوردستان بەرەڤ ئاقارەکی ئارام بریە ، و کوردستان ب سەرۆکایەتیا جەنابێ وی دێ چیتە دناڤ قۆناغێن باش و باشتر دا کو مەزنتر بیت ژ هندێ کریارێن تیرۆریستی یێن پەکەکە و هەڤشێوەیێن وێ بشێن زیانێ بگەهیننێ .





ئەم هەواڵە 2419جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad