English | عربی | Kurdî دواهەواڵ
ڕاستەوخۆ  
 
هەردوو سەرۆک ، خۆ ب خۆدانێ کوردستانێ دزانن ، دەڤەرکانێ ناکەن
2019-07-26 [06:58 AM]

نڤیسینا : غیاس خالد زێباری


زۆر جاران نەیار و دژبەرێن پارتی دیموکراتی کوردستانێ ، ب ھەلکەفت و بێ ھەلکەفت پارتی ب حزبەکا پاشڤەمایی و عەشیرکی و بنەمالەیی تاوانبار دکەن ، بێ ل دیرۆک و ھەلویستێن وێ بزڤرن ، پشتی ئاشکراکرنا ناڤێن پیشکا پارتی بۆ کابینا نەھێ یا حکومەتا ھەرێما کوردستانێ بسەرۆکاتیا مەسروور بارزانی ، ھندەک ژ کادر و ئەندام و جەماوەرێ پارتی ژی مینا خەلکەکێ دی ل تۆرێن جڤاکی دەست ب ھەڵمەتەکا تاوانبارکرنا پارتی کریە ، کۆ فلان دەڤەر لبەرچاڤ نەکریە  ، ئانکۆ فەرامۆش کریە . 
لێ ئەگەر دیرۆک و ھەلویستێن پارتی دیموکراتی کوردستان و بنەمالا بارزان کۆ نێزیکی سەد سالایە پێشەنگا بزاڤا نشتیمانیا نەتەوی و نشتیمانیا کوردستانی دکەت و پارتی ژی لسەر ڤی بنەمایی ھاتیە دامەزراندن و ھەردەم ب کوردایەتی سەرەدەری کریە ، چ ل پشکداریا بنەمالا بارزانی ل شۆرەشێن پارچێن دیتر یێن کوردستانێ ، یان لدەمێ رێبەریکرنا شۆرەشان وەک شۆرەشێن بارزانی و پاشان ئەیلۆل و گولانێ ، ھەتا دگەھینە سەرھەلدانێ و پێکئینانا پەرلەمان و حکومەتا ھەرێما کوردستانێ . 
بۆ دەست نیشانکرن و ھەلبژارتنا بەرپرس و پلەدارن ژی چ بۆ سەرکردایەتیا پارتی یان پۆستێن حکومی ، کوردایەتی و شیانێن رێڤەبرنێ لبەرچاڤ گرتیە ، کۆ ئەڤەژی مەرجەکێ سەرەکیێ سەرکەفتنێ و پێشڤەچوونێ نە .
جھێ شانازیێ یە دڤان کاودانێن پڕی ئاریشە و ناکۆکی پارتی لسەر ڤی ھەلویستێ نشتیمانی و نەتەوی یا بەردەوامە .
ئەوێن نھۆ پارتی تاوانبار دکەن بلا بزانن دەڤەر دەڤەرکانێ و عەشیرکی خزمەتا دۆزا سیاسی و کارگێریا کوردستانێ ناکەت و زڤراندنە بۆ ھزرا پاشکەفتی ، بلا وەزیر و پەرلەمانتار و پلەدارێن کوردستانێ دئاستێ بەرپرسایەتێ دا بن بۆ خزمەتا گەل و وەلاتی و پێشڤەبرنا ھەرێمێ بلا ھەمی خەلکێ ئێک پارێزگەە بن یان دەڤەر . رەوشا ئەڤرۆ یا کوردستانێ پێتڤی ب ھەستانەڤەیەکا بھێز ھەیە ژلایێ سیاسی و کارگێری و چارەسەرکرنا ئاریشە و پێتڤیێن وەلاتیان . ئەز باوەرم ئەڤ کابینا نەھێ بسەرۆکاتیا مەسروور بارزانی دێ جھێ رەزامەندیا خەلکێ کوردستانێ بیت ، نەخاسمە بەردەوامیا پاراستنا ئاسایشا کوردستانێ و پرسێن گەندەلیێ و چاکسازیان . لسەر ئاستێ سیاسی و دبلۆماسی ژی سەرۆکێ ھەرێما کوردستانێ نێچیرڤان بارزانی ئەو کەسایەتی یە یێ جھێ باوەریا خەلکێ کوردستانێ و جیھانێ ، کۆ شیایە پێگەھێ ھەرێما کوردستانێ لنەمانێ رزگار بکەت و پشتەڤانیا نیڤ دەولەتی دابین بکەت و ئاستێ پەیوەندیێن ناڤخۆیی یێن ھەرێما کوردستانێ شیایە ئاشتەوایی یا نشتیمانی و جڤاکی بەرەڤ چارەسەریێ ببەت و پەیوەندیێن ھەرێمێ و عیراقێ ژی پرانیا پرسێن گرنگ چارەسەر کرینە و رەوشا ئابووری و سیاسی دبەرژەوەندا خەلکێ کوردستانێ دا دالەنگاندن ، سیاسەت و سەرەدەریێن نێچیرڤان بارزانی سەرۆکێ ھەرێما کوردستانێ نەخاسمە یا ڤان سێ چار سالا باشترین بەڵگەنە کۆ کەسایەتیەکێ نشتیمانی یە و ب ھەستەکا دووربینا کوردایەتی رەوشا کوردستانێ د خوونیت ، دور ل بەرژەوەندێن کەسایەتی و پارتایەتی و دەڤەرکایەتی . 
ئەگەر ئەو سیاسەتا نێچیرڤان بارزانی کۆ نوونەرایەتیا پارتی دکەت یان کوردایەتی و نەتەوایەتی نەبا پشتی روودانێن شازدێ ئکتۆبەرێ ل کەرکووک و دەڤەرێن دیتر یێن کوردستانێ پیلانا دوژمنێن کوردستانێ دا سەر گریت و کارەساتەکا مەزنتر ل کارەساتا پیلانا سالا ١٩٧٥ یا جەزائیر دا بسەر مللەتێ کورد و بزاڤا رزگاریخوازیا کوردستانێ ھێت و شیرازێ جڤاکێ کوردستانێ ژی دا ھێتە گۆڕین ، نێچیرڤان بارزانی ب دبلۆماسیەت و سیاسەتا خۆ شیا ھەر زوو رێکێ ل شەرێ نافخۆیی بگریت کۆ پیلانەکا نافخۆیی و ھەرێمایەتی بۆ ھاتبوو دارشتن ، ھەر وەسا شیا بالانسێ سیاسی لسەر ئاستێ نافخۆ و دەرڤە رابگریت . 
ئەڤ سیاسەتا کوردایەتی و نشتیمانی و نەتەوایەتیا نێچیرڤان بارزانی ژبلی کۆ سەنگ و پێگەھێ ھەرێما کوردستانێ لسەر ئاستێ جیھانێ بلند و بھێز کر کەسایەتیا وی ژی وەکی سەرکردەکێ کورد ، کرە کەسیەتیەکێ نیڤ نەتەوی و ئەندازیاریێ چارەسەرکرنا پرس و قەیرانان برەنگەکێ دیموکراسی و ئاشتیانە ، ئەڤەژی دەرفەتەکا مەزنە بۆ گەشەکرن و پێشڤەچوونا ھەرێما کوردستانێ ژلایێ سیاسی و جڤاکی و راکێشانا زێدەترا جڤاکێ نیڤ دەولەتی . 
لایەکێ دیتر نێچیرڤان بارزانی بۆ خەلکێ کوردستانێ خۆیاکر کۆ پارتی و رێبازا پیرۆزا بارزانی نەمر ھەلگر و پێشەنگا پەیرەوکرنا پەیامەکا نەتەوی و نشتیمانی و کوردایەتی یە ، دوور ل بەرژەوەندێن حزبی و کەسی و دەڤەرکی و بۆ ڤان سالێن داھاتی ژی پلان و بەرنامێن دارشتی ھەنە بۆ پاراستن و بەرفرەھکرنا دەسکەفت و ئارمانجێن نەتەوی و نشتیمانی یێن خەلکێ کوردستانێ و کەسایەتی و بەرپرسێن دەست نیشانکری بۆ ڤێ مەبەستێ دەست نیشان کرینە کو پێتڤیەکا فەرا ڤی سەردەمی یە .





ئەم هەواڵە 1132جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad