English | عربی | Kurdî دواهەواڵ
ڕاستەوخۆ  
 
هه‌رێم سیاسه‌تا فه‌ره‌نسادا
2019-07-27 [06:47 AM]

نڤیسینا : دیندار مسته‌فا


په‌یوه‌ندیێن فه‌ره‌نسا دگه‌ل هه‌رێمێ و  په‌یوه‌ندیێن دیرۆكى و كه‌ڤنارن. هه‌رچه‌نده‌ ئه‌گه‌ر ب زومه‌كا بچیك ئاوره‌كێ ل ئه‌ڤان په‌یوه‌ندیان بده‌ین دێ دبیت هندجاران ساربوون د ئه‌ڤان په‌یوه‌ندیاندا دروست ببیت، ئه‌ڤجا ژبه‌ر هه‌ر ئه‌گه‌ره‌كێ بیت. ئه‌ڤه‌ژى تشته‌كێ نورماله‌ د دیرۆك و سیاسیه‌تێ دا. به‌لێ ئه‌گه‌ر ب چاڤه‌كێ دی و ب زونه‌كا مه‌زنتر لێ بنێرینه‌ ئه‌ڤان په‌یوه‌ندییان بتایبه‌ت د دیرۆكا هه‌ڤچه‌رخدا دێ بۆمه‌ دیاربیت، كو فه‌ره‌نسا هه‌رده‌م بوویه‌ چه‌په‌ره‌كێ بهێزى بۆ پشته‌ڤانیكرنا ملله‌تێ كورد ب گشتى و خه‌لكێ باشورێ كوردستانێ ب تایبه‌ت نه‌مازه‌ د رۆژانێن سه‌خت و گراندا. بۆ نموونه‌ د هه‌یاما ده‌ستهه‌لاتداریا به‌عسیزمێ دا فه‌ره‌نسا خودان هه‌لویسته‌كێ مرۆڤایه‌تى و ئاشتیخواز بوو ل هه‌مبه‌ر ئه‌وێ زولم و زۆرداری و كوم كوژیێن ل دژى خه‌لكێ هه‌رێما كوردستانێ دهاتنه‌كرن. ژمه‌دیاكارو جالاكڤانێن جڤاكى بگره‌ هه‌تا دگه‌هته‌ ئاستێ سه‌ربازى ب هه‌مى هێزێن خووڤه‌ یێن مه‌عنه‌وى و ماددى پشكداربوو دنه‌هێلان و راگرتنا زۆرداریا به‌عسیزمێن به‌ربه‌رى. دیسان هه‌ر فه‌ره‌نسا بوو ده‌ما كو گوه نێلى و بێ ده‌نگیا جێهانێ شكاندى و هه‌لویستێ خۆ یێ مرۆڤایه‌تى راگه‌هاندى دژى ئه‌وێ زۆرداریێ كو بۆ هه‌میا زێده‌ترى نیڤ سه‌ده‌ى به‌روكا گه‌لێ كورد ل باشور گرتى. بۆ میناك مه‌دیاكارێن فه‌ره‌نسى بوون كو ب جڤاكێن كامیرایێن خۆ خزمه‌تا گه‌لێ كورد كرى، سیاسه‌تمه‌دارێن خۆ هایداركرن ل سه‌ر ئه‌ڤێ ره‌وشا نه‌خاستى و بوونه‌ فریاد ره‌سێن ئه‌ڤى ملله‌ته‌ى. فه‌ره‌نسا وه‌كو ئه‌ندامه‌كا زلهێزا ئه‌نجومه‌نا ئاسایشا نێڤده‌وله‌تى بۆ ئه‌گه‌ر هه‌مى وه‌لاتان رازیبكه‌ت بۆ دروستكرنا ده‌ڤه‌ره‌كا ئارام یا دژه‌ فرینێ ل باشورێ كوردستانێ. فه‌ره‌نسا بۆ ئه‌گه‌ر كو وه‌لاتێن دنژى بهێنه‌ سه‌رهێلێ بۆ هه‌ڤكاریكرنا كوردان ل ئه‌نفال و كیمیا باران و كوڕه‌وا ملیونى. هه‌روه‌سا بۆ سه‌رخستنا سه‌رهه‌لدانا پیرۆز و دروستكرنا كیانه‌كێ سیاسى ل باشورێ كوردستانێ و پشت راژى هه‌ریا به‌رده‌وام بوو ل سه‌ر ئه‌ڤان هه‌لویستێن مرۆڤ دوستى. ئه‌ڤا ل سه‌رى به‌لگه‌ و دیده‌ڤانێن بهێزێن بۆ سه‌لماندنا هه‌ڤخه‌م و هه‌ڤسۆزیا وه‌لاتێ فه‌ره‌نسا بۆ پالپشتى و  پشته‌ڤانى كرنا گه‌لێ كورد ل باشورێ كوردستانێ. 
پشتى دروستبوونا ده‌ڤه‌را ئارام و  كیانێ سیاسیێ هه‌رێما كوردستانێ فه‌ره‌نسا په‌یوه‌ندیێن خویێن دبلوماسى بهێزتر لێكرن نه‌مازه‌ پشتى روخانا به‌عسیزمێ. كونسلخانا خۆ ل هه‌ولێرا پایته‌خت ڤه‌كر. پشترا ده‌ست ب هاریكاریا حكومه‌تا هه‌رێمێ كر بۆ ئه‌وێ رێژا زۆرا ئاواره‌یێن كورد كو ل سوریا قه‌ستا باشور كرى. بێگومانه‌ كو ئه‌ڤ هێزمه‌ندیا سیاسى و لوجستى ژلایێ فه‌ره‌نسا بۆ رۆل و ئه‌ركداریا جه‌نابێ رێزدار نێچیرڤان بارزانى ڤه‌دگه‌ریت. كو ئه‌و ئه‌كته‌ره‌كێ سه‌ره‌كى بوو دئه‌ڤێ شانوگه‌ریا په‌یوه‌ندیێن سیاسی دا دناڤبه‌را هه‌ولێر وپاریسێ دا. دیسان د هه‌یاما په‌یدابوونا داعشێ ل عێراقێ و بتایبه‌ت هێرشكرنا داعشێ بۆ سه‌ر هه‌رێما كوردستانێ جاره‌كا دى فه‌ره‌نسا ئه‌و هه‌ڤسۆزیا دیرۆكى دوپاتكر و پاراست و نه‌هێلا داعش ب بیته‌ مه‌ترسیه‌كا جدى ل سه‌ر گه‌لێ كورد ل باشور. ژلایێ سه‌ربازى و بهێزێن ئه‌سمانى و ده‌ریایى و هشكاتیڤه‌ فه‌ره‌نسا رۆله‌كێ كارێگه‌ر هه‌بوو دهاریكاریكرنا هێزێن پێشمه‌رگه‌ى د راگرتنا پێشره‌ویێن داعشێ دا و كێمكرنا ئه‌وێ مه‌ترسیا كو ل  ده‌ما خۆ په‌یدابووى ل سه‌ر هه‌رێمێ. ب واتایه‌كا دى بێژین فروكه‌یێن فه‌ره‌نسا سه‌گڤانێن ئێكێ بوون د سه‌نگه‌رێن دژایه‌تیكرن و ژناڤبرنا داعشێ. پشتى نه‌ما داعشێ ژى فه‌ره‌نسا هه‌ر یا به‌رده‌وامبوو ل سه‌ر مه‌شقدانا و پرچه‌ككرن و پشته‌ڤانیكرنا هێزێن پێشمه‌رگه‌ى ب بره‌نگه‌كێ گشتى.  هه‌ر ژبه‌ر ئه‌ڤان هاریكاریان و  به‌رگری و داژیه‌تیكرنا داعشێ ل سه‌ر هه‌رێما كوردستانێ فاكته‌ره‌كێ سه‌ره‌كى بوو، كو فه‌ره‌نسا بكه‌ڤیته‌ به‌ر چه‌ندین رویدانێن تیروریێن داعشێ وه‌كو وه‌لاته‌كێ ئه‌وروپایى. ئانكو فه‌ره‌نسا دگه‌ل هه‌رێمێ خوین رێت و هاولاتیێن وێ بوونه‌ قوربانیێن ده‌ستێ داعشى. كوئه‌ڤه‌ژى مه‌زنترین و گرنگترین خالا هه‌ڤپشكه‌ دناڤبه‌را هه‌رێم و فه‌ره‌نسایێ دا. بڤێ چه‌ندێ ژى دیرۆكا په‌یوه‌ندیێن سیاسیێن هه‌رێم و فه‌ره‌نسایێ ب خوینێ هاتن توماركرن.
ژلایه‌كێ دیڤه‌ پشتى رویدانێن ڤێ دوماهیێ ئه‌وێن كو حكومه‌تا عێراقێ و هند ئالیێن سیاسیێن هه‌رێمێ بووینه‌ ئه‌گه‌ر كو سانسوره‌كا ناوچه‌یى و نێڤده‌وله‌تێ بكه‌ڤیته‌ سه‌ر هه‌رێما كوردستانێ. فه‌ره‌نسا تاكه‌ وه‌لاتێ ناوچه‌یى و ده‌رڤه‌یى بوو، كو ئه‌و دورپێچ و سانسورا ل سه‌ر كیانێ سیاسیێ هه‌رێمێ هه‌ى راكه‌ت و گلوپێ كه‌سك ل هه‌مبه‌ر هه‌رێما كوردستانێ هه‌لكر، و ب رولگێریا رێزدار نێچیرڤان بارزانى جاردن هه‌لویستێ خو یێ دیرۆكى دوباره‌كر، و بۆ ئه‌گه‌ر كو ئه‌و مه‌ترسى و دورپێچا ئابورى و سیاسیا ل سه‌ر هه‌رێما كوردستانێ بهێته‌شكاندن و لاپه‌ره‌یه‌كێ نوى و ب فورمه‌كێ دیموكراسیانه‌ ل هه‌مبه‌ر سیاسه‌تا خۆ بۆ هه‌رێمێ دناڤ لاپه‌رێن دیروكا په‌یوه‌ندیێن هه‌رێم و پاریسێ دا زێده‌كر. دیسا پشتى كو رێزدار نێچیرڤان بارزانى بوویه‌ سه‌رۆكێ هه‌رێمێ فه‌ره‌نسا تاكه‌ وه‌لاتێ ئه‌وروپى بوو ب ئاوایه‌كێ فه‌رمى داخاز ژ بارزانیكرى كه‌ره‌م بكه‌ته‌ كوچكا ئیلیزابێ و ب ئاوایه‌كێ فه‌رمى پێشوازى ل جه‌نابێ وى هاتكرن و چه‌ندین پرس و مژارێن گرنگێن ئابورى و سیاسى و دبلوماسى و بازرگانى و سه‌ربازى و مروڤى ..هتد، هاتنه‌ نیقاشكرن. بڤێ چه‌ندێ ژى په‌یوه‌ندیێن هه‌ولێر و پاریسێ  لسه‌ر ئه‌ڤان لایه‌نێن مه‌ دیاركرى ب هه‌بوونا ئه‌زموندارى و رولداریا سه‌رۆكێ هه‌رێمێ رێزدار نێچیرڤان بارزانى دێ رۆژ بۆ رۆژێ به‌ر ب قوناغه‌كا نویتر و گه‌شترڤه‌ چن.





ئەم هەواڵە 2392جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad